যিহিষ্কেল 26:8 - Chakma Bible

⁸ তে যুদ্ধো গুরিনে তর্ আদামানি ভস্ত গুরিবো। তে তঅ বিরুদ্ধে এক্কো অজল্ কুড়্ বানেব আর তর্ দেবাল সমারে বাস্যে এক্কো তলেদি কুড়্ বানেব; তারা নিজোরে রোক্ষ্যে গুরিবাত্তে তারার্ বেক্ ঢালানি অজল্ গুরি ধুরিবাক্।

যিহিষ্কেল 26:8 ပူးပေါင်းရင်းမြစ်များ

২ শমূয়েল 20:15

সে পরেন্দি যোয়াবর্‌ লগে বেক্‌ সৈন্যগুন্‌ এইনে আবেল-বৈৎমাখাগান ঘিরিলাক্। তারা শঅরর্‌ বারেন্দি দেবাল লগে এক্কো লেদান্যেগুরি কুর্ বানেলাক্। সে পরেন্দি তারা যেক্কে ভিদিরে দেবালান ভাঙিবাত্তে আরাম্ভ গুরিলাক্ সেক্কে এক্কো চালাগ্ মিলে শঅরর্‌ ভিদিরেত্তুন্‌ দাঙর্‌ দাঙর্ গুরি ডাগিনে কলঅ, “শুনো, শুনো, যোয়াবরে ইদু এবাত্তে কঅ যেনে মুই তা লগে কধা কোই পারং।”

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 52:4

সেনত্তে তার রাজাগিরির্ নয় বজরর্ দশ মাজত্ দশ দিনোত্ বাবিল রাজা নবূখদ্‌নিৎসরে তার বেক্ সৈন্যগুন নিইনে যিরূশালেম বিরুদ্ধে যুদ্ধোযাত্রা গুরিলো। তারা শঅরর্ বারেদি তাম্বুল্ ফেলেলাক্ আর শঅরর্ চেরোকিত্তে দেবাল্ বানেলাক্।

যিরমিয় 6:6

বেগত্তুন খেমতাবলা লগেপ্রভু তারারে এ কধাগান কোইয়্যেদে, “তুমি গাজ্‌চুন কাবিনে সিয়েনিলোই যিরূশালেমর বিরুদ্ধে তার দেবালান সমারে ভিদেকুড়্ বানঅ। এ শঅরানরে সাজা দিয়্যে পুরিবো; ইয়েন অত্যেচারে ভুরি যেইয়্যে।‌‌‌‌

যিহিষ্কেল 21:22

তার ডেন্ আঢত্ থোইয়্যে গোণেবার-পড়িবার জিনিস্‌চানে যিরূশালেম ইন্দি পথ্‌তান দেগেই দিবো; সিয়েনত্ তে দেবাল আর গেট্ ভাঙিবার মিশিন বোজেব, মারে ফেলেবার উগুম দিবো, যুদ্ধোর্ ডাগনি দিবো, নিযো কুড়্ আর অজল্ কুড়্ বানেব।

যিহিষ্কেল 26:6

তা অধীনোত্ উকূলে আদামানি যুদ্ধোর্ কারনে ভস্ত অবঅ। সেক্কে সিদুগোর্ মানুচ্চুনে হবর্ পেবাক্, মুয়ই লগেপ্রভু।

যিহিষ্কেল 26:9

তে দেবাল্ ভাঙিবার মেশিন্দোই তঅ দেবালানত্ আঘাত্ গুরিবো আর তা মেশিনান্দোই তর্ অজল্ চুগিদার ঘরানি ভস্ত গুরি ফেলেব।

হবক্‌‌‌‌কূক 1:10

তারা রাজাগুনোরে ঠাট্টা-মশ্‌‌‌‌কারি গরন্ আর শাজন্‌গুরিয়্যেগুনোরে ঈচ্ গরন্। তাম্বুলানি দেগিনেই তারা আজন্; তারা দেবাল্ পার অবাত্তে পাত্তর কুড়্ বানেইনে সে তাম্বুলানি গজক্ গুরি নেযান্।

লূকে লেখ্যে গম্ হবর্ 19:43

এমন্ সময় এবঅ যেক্কে শত্রুগুনে তঅ বিরুদ্ধে চেরোকিত্তে দেবাল্ তুলিবাক্ আর তরে ঘিরি রাগেবাক্ আহ্ চেরোকিত্ত্যেত্তুন্ তরে চাপি ধুরিবাক্।