যিহিষ্কেল 26:7 - Chakma Bible

⁷ ও সোর, মুই তঅ বিরুদ্ধে উত্তোরেদিত্তুন্ ঘোড়া, রথ, ঘোড়াচালেয়্যে আর দাঙর্ এক্কো সৈন্যদল সমারে রাজাগুনোর রাজা, অত্তাৎ বাবিলোর রাজা নবূখদ্‌নিৎসররে আনিম।

যিহিষ্কেল 26:7 ပူးပေါင်းရင်းမြစ်များ

ইষ্রা 7:12

স্বর্গর গোজেনর্ রীদি-সুদোমর্ মাষ্টর্ ধর্মগুরু ইষ্রার ইধু মুই রাজাগুনোর্ রাজা অর্তক্ষস্ত লেগঙর্। তর্ ভালেদি ওক্।

যিশাইয় 10:8

তে কইদ্যে, “মঅ সেনাপতিগুনে কি বেক্কুনে রাজা ধোক্ক্যেন্ নয়?

যিরমিয় 25:22

সোর আর সীদোনর বেক্ রাজাগুনোরে; সাগরর্ ওপারত্ দেজর্ রাজাগুনোরে;

যিরমিয় 25:9

সেনত্তে মুই উত্তোরর্ বেক জাদ্‌তুনোরে আর মর্ চাগর বাবিলোর রাজা নবূখদ্‌নিৎসররে ডাগি আনিম। এ দেজ্‌‌‌‌চান আর তা আদাম্মেগুনোর বিরুদ্ধে আর চেরোকিত্যে বেক জাদ্‌তুনোর বিরুদ্ধে মুই তারারে আনিম। মুই সেই মানুচ্চুনোরে পুরোপুরিভাবে ভস্ত গুরি দিম আর অমকদ দরর্ আর ঈচ্ গরেপারা গুরিম; তারা দেজ্‌‌‌‌চান মুই জিংকানিবরর্ ভস্তর্ জাগা গুরিম।‌

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 4:7

এক্কো সিংহ তা ঝুব্‌‍‍পো ছাড়িনে উদি এচ্চ্যে; জাদ্‌তুনোরে ভস্ত গুরিয়্যে একজনে যাহ্ ধোজ্জ্যে। তঅ দেজ্‌চান ভস্ত গুরিবাত্তে তে তা জাগায়ান ছাড়িনে এজের্। তঅ শঅরানি মানুচ্ নেইয়্যে আর ভস্ত ওইনে পড়ি থেবঅ। ‍‍‍‍‍‍‍‍

যিরমিয় 52:32

তে যিহোয়াখীনো সমারে গমেডালে কধা কলঅ আর বাবিলোত্ তা সমারে আর তার যিদুক্কুন রাজা এলাক্ তারাত্তুন্‌‌অ বেশ্ তারে আরঅ সর্মানর আসনান্ দিলো।

যিরমিয় 6:23

তারা ইধু ধনু আর সেল্ আগন; তারা চিৎনপুজ্যে আর কনঅ মেয়্যে ন দেগান্। ঘোড়া পিদিত্ উদি এবার অক্তত্ তারা রঅগুন সাগর গুজুরি উদেধে ধোক্ক্যেন; ও সিয়োন-ঝি, তরে আক্রমন গুরিবাত্তে তারা যোদ্ধা ধোক্ক্যেন যুক্কোল্ ওই এত্তন্।”

যিহিষ্কেল 23:24

তারা আত্যের্, রথ, গাড়ি আর মান্‌‌‌জ্যর এক্কো দাঙর্ দল্লোই তঅ বিরুদ্ধে এবাক্। তারা চিগোন আর দাঙর্ ঢাল্লোই মাঢা রোক্ষ্যে গুরিবার তোক্ক্যে পিনিনে তরে ঘিরিবাক্। সাজা পেবাত্তে মুই তরে তারা আঢত্ তুলি দিম আর তারা তারার্ বিচেরর্ সুদোম্ মজিম তরে সাজা দিবাক্।

যিহিষ্কেল 26:3

সেনত্তে মুই প্রভু লগেপ্রভু কঙর্, ও সোর, মুই তর্ বিপক্কে। সাগরে যেবাবোত্যে তার তুবোলুন্ উগুরে তুলোই সেবাবোত্যেগুরি মুই তঅ বিরুদ্ধে ভালোক্কুন্ জাদরে ডাগি আনিম।

দানিয়েল 2:37

ও মহারাজ, তুই রাজাগুনোর রাজা। স্বর্গর গোজেনে তরে রেজ্য, খেমতা, বল্ আর সর্মান দান গোজ্যে।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

হোশেয় 8:10

যুনিয়ো তারা নানান্ জাদ লগে টেঙা দিইনে দাংগুত্ব গোজ্যন্ তো ইক্কিনে মুই তারারে একলগে এগত্তর্ গুরিনে সাজা দিম। তারা শাজন্‌গুরিয়্যেগুনোর্ রাজার অত্যেচারে ক্ষয় ওই যেবাক্।