যিহিষ্কেল 26:3 - Chakma Bible

³ সেনত্তে মুই প্রভু লগেপ্রভু কঙর্, ও সোর, মুই তর্ বিপক্কে। সাগরে যেবাবোত্যে তার তুবোলুন্ উগুরে তুলোই সেবাবোত্যেগুরি মুই তঅ বিরুদ্ধে ভালোক্কুন্ জাদরে ডাগি আনিম।

যিহিষ্কেল 26:3 ပူးပေါင်းရင်းမြစ်များ

গীতসংহিতা 107:25

একপল্লা তা কধালোই অমকদ ঝড় অলঅ, সেক্কে দাঙর্ দাঙর্ তুবোল্ উদিলো।

যিশাইয় 5:30

সেদিন্যে তারা সাগর গুজুরোনি ধোক্ক্যেন্ গুরি লগেপ্রভু মানুচ্চুনো উগুরে গুজুরি উদিবাক্। কনজনে যুনি সেক্কে দেজ ইন্দি রিনি চায় সালে তে দেগিবোদে আন্ধার আর দুঘ্; এমন কি, পহ্‌রান্অ মেঘে ঢাগিনে আন্ধার্ ওই যেবঅ।

যিরমিয় 21:13

ও যিরূশালেম, যুনিয়ো তুই কলগ উগুরে পাত্তর সংজাগাত্ আগচ্ তো মুই তঅ বিরুদ্ধে। তুই কোই থাচ্, তমা বিরুদ্ধে কনজনে এই ন-পারিবাক্, কনজনে তমা আশ্রয়ে সোমেই ন-পারিবাক্;

যিরমিয় 25:22

সোর আর সীদোনর বেক্ রাজাগুনোরে; সাগরর্ ওপারত্ দেজর্ রাজাগুনোরে;

যিরমিয় 50:31

মুই বেগত্তুন্ খেমতাবলা প্রভু লগেপ্রভু কঙর্, ও বাড়্‌‌বোগুরিয়্যে, চাহ্, মুই তঅ বিরুদ্ধে, কিত্তে তর্ সাজা পেবার সময় এচ্চ্যে।‌‌

যিরমিয় 50:42

তারা ধনু আর তলোয়ারবলা; তারা চিৎনপুজ্যে আর দোয়্যেনেইয়্যে। তারা ঘোড়াত্ গুরি এবার্ অক্তত্ সাগর গুজুরোনি রঅ অর্; ও বাবিল-ঝি, তরে আক্রমণ গুরিবাত্তে তারা যুদ্ধোর্ সাজে এত্তন্।

যিরমিয় 51:42

বাবিল উগুরে সাগরান উদি এবঅ, তার গুজুরি উঠ্যে তুবোলান্ তারে ঢাগি ফেলেব।

যিরমিয় 6:23

তারা ইধু ধনু আর সেল্ আগন; তারা চিৎনপুজ্যে আর কনঅ মেয়্যে ন দেগান্। ঘোড়া পিদিত্ উদি এবার অক্তত্ তারা রঅগুন সাগর গুজুরি উদেধে ধোক্ক্যেন; ও সিয়োন-ঝি, তরে আক্রমন গুরিবাত্তে তারা যোদ্ধা ধোক্ক্যেন যুক্কোল্ ওই এত্তন্।”

যিহিষ্কেল 21:3

তারে কঅ, লগেপ্রভু কোইয়্যেদে, মুই তঅ বিরুদ্ধে। মুই খাবত্তুন্ মঅ লাম্বা ছুরিগান্ নিগিলেনে তঅ ভিদিরেত্তুন গম্ আর পাজি বেক্কুনোরে মারে ফেলেম।

যিহিষ্কেল 26:19

“ও সোর, মুই প্রভু লগেপ্রভু যেক্কে তরে মানুচ্ নেইয়্যে শঅর ধোক্ক্যেন গুরিম যিয়েনত্ কনজনে বজত্তি ন-গরন, যেক্কে সাগর পানিগান তঅ উগুরে আনিম আর তার পানি নাল্লো তরে নাঢি দিবো,

যিহিষ্কেল 27:26

যিগুনে পাঙেই বেদাক্ তারা তরে মাঝ দরিয়ায় নেযেয়োন; মাত্তর্ সাগরর্ সংমোধ্যে পূগে বোইয়্যেরে তুই কট্টা কট্টা ওই গেলে।

যিহিষ্কেল 28:22

প্রভু লগেপ্রভু কোইয়্যেদে, ‘ও সীদোন, মুই তর্ বিপক্ষে; মুই তঅ ভিদিরে যিয়েনি গুরিম সেক্কে মর্ মহিমাগান ফগদাং অবঅ। মুই যেক্কে তরে সাজা দিম্ আর তঅ ভিদিরে মর্ পবিত্রতাগান ফগদাং গুরিম সেক্কে তঅ মানুচ্চুনে হবর্ পেবাক্, মুয়ই লগেপ্রভু।

যিহিষ্কেল 29:10

সেনত্তে মুই তর্ আর তঅ গাঙানর্ বেক পানিগান বিরুদ্ধে। মুই মিগ্‌দোলত্তুন্ সিবেনী, অত্তাৎ কূশের দুযি সং মিসর দেজ্‌‌‌চানরে মানুচ্ নেইয়্যে আর ভস্তর্ জাগা গুরি দিম।

যিহিষ্কেল 38:3

প্রভু লগেপ্রভু কোইয়্যেদে, ও মেশক আর তূবলর আজল্ শাজন্‌গুরিয়্যে গোগ, মুই তর্ বিপক্কে।

যিহিষ্কেল 5:8

সেনত্তে মুই নিজে তঅ বিরুদ্ধে, আর তঅ জাদ্‌‌‌‌তুনোর চোগো মুজুঙোত্ মুই তরে সাজা দিম্।

মীখা 4:11

মাত্তর্ ইক্কিনে বোউত্ জাদে তঅ বিরুদ্ধে তুবেয়োন। তারা কদন্, “তারে অসিজি গরা ওক্; এজঅ, আমি সিয়োনর দুদ্দশা দেগিনে হুজি ওই।”

নহূম 2:12

সিংহ তা ছঅগুনোত্তে যদেষ্ট য়েমান্ মারিদো আর তার সিংহীগুনোত্তে গত্তনা চিবি মারিদো বোউত্ য়েমান্; তে তার্ মারে ফেলেয়্যে য়েমান্দোই তার্ থেবার জাগায়ান আর ছিনিনে কট্টা গোজ্যে য়েমান্দোই তা গাঢ্‌‌তো ভোরেদ।

নহূম 3:5

বেগত্তুন্ খেমতাবলা লগেপ্রভু কত্তে, “ও নীনবী, মুই তঅ বিরুদ্ধে; মুই মুয়োন সং তঅ কাবড়ান্ তুলিম। তর্ লাংটাগান মুই জাদ্‌তুনোরে দেগেম আর রেজ্যগানিরে দেগেম তর্ লাজানা।‌

সখরিয় 14:2

যিরূশালেম বিরুদ্ধে যুদ্ধো গুরিবাত্তে লগেপ্রভু বেক্ জাদ্‌‌তুনোরে এগত্তর্ গুরিবো। শঅরানি গজক্ গরা অবঅ, ঘরানি লুদো অবঅ আর আবিদি মিলেগুনোরে বর্‌বাত্ গরা অবঅ। শঅরর্ অদ্দেক্ মানুচ্ বন্দি ওইনে অন্য দেজত্ যেবাক্ মাত্তর্ বাদবাগি মানুচ্চুনে শঅরত্ থেবাক্।

সখরিয় 9:4

মাত্তর্ প্রভু তার বেক্কানি দূর্ গুরি দিবো; তার ধন-সোম্বোত্তিগানি তে সাগরত্ ফেলেই দিবো আর আগুনানে সেই শঅরানরে পুড়ি ফেলেব।

লূকে লেখ্যে গম্ হবর্ 21:25

“সেক্কে বেলান্, চানান্ আর তারাগুনো ইধু বোউত্ চিহ্নো দেগা যেবঅ। পিত্‌থীমিত্ বেক জাদ্‌তুনে দুঘ্ পেবাক্ আর দোজ্যে সাগরর্ গুজুরোনি আর তুবোলত্তে তারা অমকদ থির্ নেইয়্যে অবাক্।