যিহিষ্কেল 26:20 - Chakma Bible

²⁰ সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 26:20 ပူးပေါင်းရင်းမြစ်များ

গীতসংহিতা 27:13

লগেপ্রভুর দিয়্যে ভালেদিগানি মুই জেদা মানুচ্চুনোর ইদু দেগিম- এ কধাগান যুনি মুই বিশ্বেজ্ ন-গুরিদুং সালে মর্ কি অদঅ?

গীতসংহিতা 28:1

ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

যিশাইয় 14:10

তারা বেক্কুনে তরে ডাগিনে কবাক্, তুইয়ো আমা ধোক্ক্যেন বল্ পোজ্যে ওইয়োচ্; তুই আমা ধোক্ক্যেন্ ওইয়োচ্।

যিশাইয় 14:9

তুই মরণ জাগাত্ এচ্চোস্ বিলিনে মরণ জাগার মানুচ্চুনে তঅ লগে দেগা গুরিবাত্তে অমকদ মাঢা ঠিগ্ নেইয়্যে ওইয়োন্। সেনত্তে মরাগুনোর্ আত্মাগান উদের্ যেন তারা তঅ লগে দেগা গুরি পারন্। যিগুনে এ সংসারর্ নেতা এলাক্ তারা বেক্কুনে উঠ্যন্; যিগুনে জাদ্‌তুনো উগুরে রাজা এলাক্ তারা বেক্কুনে তারা সিংহাসনত্তুন্ উঠ্যন্।

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিশাইয় 59:10

আমি কান্ মান্‌জ্য ধোক্ক্যেন দেবাল বিজিরে বিজিরে বেড়েই; যিগুনোর চোগ্ নেই তারা ধোক্ক্যেন পথ বিজিরেই। যেন সাজোন্যে ওইয়্যেদে ধোক্ক্যেন সেবাবোত্যেগুরি আমি উজোত্ হেই; আমি জেদা মানুচ্চুনো ভিদিরে মরা ধোক্ক্যেন।

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

আবিলেচ্ 3:6

যিগুনে ভালোক্ দিন আগে মুরি যেইয়োন তারা ধোক্ক্যেন্‌গুরি তে মরে আন্ধারত্ বজত্তি গোরেয়্যে।

যিহিষ্কেল 31:14

সিয়েনত্তে পানি পার অন্য কনঅ গাজে অহংকারে অজল্ ন-অবঅ, তার মাঢাবো আগাজত্ ন-লুমিবো আর তে এদক্ অজলজত্‌অ ন-লুমিবো। তারা বেক্কুনে মান্‌‌‌‌জ্য ধোক্ক্যেন মরণর্ তলে; তারা পিত্‌‌‌‌থিমীর গভীনোত্, অত্তাৎ মরণ জাগাত্ লামিবাত্তে ঠিগ্ ওই আগন।

যিহিষ্কেল 39:7

মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।

আমোষ 9:2

তারা মরণ জাগানর্ গভীন সং খুড়িনে সিদু গেলেয়ো মঅ আঢ্‌‌‌তানিয়ে সিত্তুন্ তারারে আনিবো। তারা আগাজ সং উদিলেয়ো সিত্তুন্ তারারে লামেই আনিম।

যোনা 2:6

মুই ডুবিনে মুড়োবো গড়াগান সং গেলুং; মরণ জাগায়ানে উমরত্তে মরে আক্‌‌‌‌সোই রাগেল। মাত্তর্ ও মর্ গোজেন লগেপ্রভু, তুই সিয়েনত্তুন্ মরে তুলি আনিলে।

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

গণাণা 16:30

মাত্তর্‌ লগেপ্রভু যুনি পুরোপুরি নূয়া কিজু গরে আর পিত্‌থিমীগানে মুয়ান্‌ খুলিনে যুনি তারারে আর তারার বেক্কানি গিলি ফেলায় আর যুনি তারা জেদা বাদে গোরত্‌ যান্দোই সালে তুমি বুঝি পারিবা, এই মানুচ্চুনে লগেপ্রভুরে ঈচ্ গোজ্যন।”

গণাণা 16:33

তারার যেদক্কানি এলঅ বেক্কানি নেযেইনে তারা জেদা অবস্থায় গোরত্‌ গেলাক্। পরেদি তারা উগুরে সেই ফাদাগান বন্ধ ওই গেলঅ।

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

লূকে লেখ্যে গম্ হবর্ 10:15

আর তুই, কফরনাহূম, তুই নাহি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ।”

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।