যিহিষ্কেল 26:2 - Chakma Bible

² ও মান্‌জ্যর্ পুয়োবো, যিরূশালেম পৌইদ্যেনে সোর হুজি ওইনে কোইয়্যেদে, বেশ্ ওইয়্যে, জাদ্‌তুনোর আজল্ গেইট্টো ভাঙি যেইয়্যে আর দোরানি মইধু পুরোপুরি খুলি যেইয়্যে; শঅরান্ ইক্কিনে ভস্ত ওইনে পুড়ি আঘে বিলিনে মর্ ভালেদি অবঅ।

যিহিষ্কেল 26:2 ပူးပေါင်းရင်းမြစ်များ

২ শমূয়েল 5:11

সোরের রাজা হীরমে দায়ূদো ইদু কয়েক্কো মানুচ্‌ পাদেল আর তারা লগে এরস তক্তা, তক্তা মিস্ত্রি আর রাজমিস্ত্রি পাধেই দিলো। তারা দায়ূদোত্তে এক্কান রাজঘর বানেই দিলাক্।

গীতসংহিতা 35:21

মর্ বিরুদ্ধে তারা মুয়োন ভেঙেইনে কোইয়োন, “অয়, অয়, আমি নিজো চোগেদি দেখ্যেই।”

গীতসংহিতা 40:15

যিগুনে মরে চেইনে কন্, “দোল্ ওইয়্যে!” তারা লাজত্ পড়িনে ফিরি যাদোক্।

গীতসংহিতা 40:16

মাত্তর্ যিগুনে তর্ আওজ্ মজিম চলন্ তারা মরে নিইনে হুজি ওদোক্; যিগুনে তর্ করা উদ্ধোরর্ কামান গমপান তারা নিত্য কোদোক্, “লগেপ্রভুর বাঈনী ওক্!”

গীতসংহিতা 70:3

যিগুনে মরে চেইনে কন, “গম ওইয়্যে!” তারা লাজ পেইনে ফিরি যাদোক্।

গীতসংহিতা 83:7

গবালীয়গুনে, অম্মোনীয়গুনে, অমালেকীয়গুনে আর সোর-আদাম্মেগুনো সমারে পলেষ্টীয়গুনে;

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

যিরমিয় 25:22

সোর আর সীদোনর বেক্ রাজাগুনোরে; সাগরর্ ওপারত্ দেজর্ রাজাগুনোরে;

যিরমিয় 27:3

সে পরেদি যিদুক্কুন দূতে ইদোম, মোয়াব, অম্মোন, সোর আর সিদোনর রাজাগুনোত্তুন যিরূশালেমত্ যিহূদার রাজা সিদিকিয় ইধু এচ্চ্যন্ তারারে দিইনে সে রাজাগুনো ইধু হবর্ পাদেবে।

যিরমিয় 47:4

পলেষ্টীয়গুনোরে বেক্কুনোরে ভস্ত গুরিবার দিন আর সোর আর সীদোনর সাহায্যগুরিয়্যে বাদবাগি বেক মানুচ্চুনোরে মারে ফেলেবার দিন গোনেই এচ্চ্যে। মুই লগেপ্রভু পলেষ্টীয়গুনোরে, অত্তাৎ ক্রীৎ দ্বিবোত্তুন্ এচ্চ্যে মানুচ্চুনোরে ভস্ত গুরিম।

যিরমিয় 49:1

অম্মোনীয়গুনো পৌইদ্যেনে লগেপ্রভু এ কধাগান কোইয়্যে, ইস্রায়েলর কি কনঅ পুয়ো নেই? তা মরানার্ পরেদি তা সোম্বোত্তির্ অধিকারি কি কনজন নেই? সালে মিল্‌‌‌‌‌‌কমে কিত্তে গাদ-গুট্টির জাগানি গজক্ গোজ্যে? কিত্তে মিল্‌‌‌‌‌‌‌কমর পূজোগুরিয়্যেগুন সিদুগোর্ শঅরানিত্ বজত্তি গরদন্?

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

যিহিষ্কেল 25:10

মুই অম্মোনীয়গুনো সমারে মোয়াবরেয়ো পূগেদি দেজ মানুচ্চুনো আঢত্ তুলি দিম যেনে জাদ্‌তুনো ভিদিরে অম্মোনীয়গুনোর কধা মান্‌‌‌‌‌‌জ্যে ভুলি যান আর মোয়াবেয়ো সাজা পায়। সেক্কে তারা হবর্ পেবাক্, মুয়ই লগেপ্রভু‌‌‌।”

যিহিষ্কেল 25:6

তুমি ইস্রায়েল দেজর্ অবস্থা দেগিনে আত্‌‌‌তালি দুয়ো, নাচ্চ্য আর মনত্তুন্ তারে ইংসে গুরিনে ফুত্তি গোজ্য।

যিহিষ্কেল 25:8

পরেদি প্রভু লগেপ্রভু কোইয়্যেদে, “মোয়াব আর সেয়ীরে কত্তে, ‘চাহ্, যিহূদার মানুচ্চুনে অন্য বেক্ জাদ্‌‌‌‌‌তুনো ধোক্ক্যেন ওই যেইয়োন।’

যিহিষ্কেল 26:1

আমার বন্দী থেবার এগার বজরত্ মাসর্ পত্তম দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 35:10

“‘মুই লগেপ্রভু যুনিয়ো ইস্রায়েল আর যিহূদাত্ এলুং তো তুই কোইয়োচ্, এ দ্বি’দেজ মানুচ্চুন আর তারা দেজ্‌চান তমার্ অবঅ আর তুমি সিয়েন অধিকার গুর‌‌‌িবা।

যোয়েল 3:4

ইক্কিনে ও সোর, সীদোন আর পলেষ্টীয়ার বেক্ চাগালাগান, মঅ লগে তমার্ কি কুদুম্মো? তুমি কি মঅ উগুরে হেনা সুজোর্? যুনি তুমি মঅ উগুরে হেনা সুজো সালে তুমি যিয়েন গুরিবে সিয়েনই মুই লগে লগে খুব যাদিমাদি তমা নিজো মাঢা উগুরে ফিরেই দিম।

যিহোশূয় 19:29

সে পরেন্দি সিয়েন রামার ইন্দি ঘুরিনে দেবাল-ঘিজ্যে সোর শঅরত্‌ গেলগোই। যেরেন্দি সিয়েন হোষার ইন্দি ঘুরিনে অক্‌ষীব চাগালাগান্‌, উস্মা, অফেক আর রহোবর ইদু ভূমধ্য সাগরত্‌ যেইনে পড়িলো। আশের-গুট্টির ভাগত্‌ বাইশ্‌চান শঅর্‌ আর সিয়েনির কায়-কুরে আদামানি পড়িলো।