যিহিষ্কেল 26:17 - Chakma Bible

¹⁷ সেক্কে তারা তঅ পৌইদ্যেনে আবিলেচ্ গুরিনে কবাক্, ও নাঙ্-গোজ্যে শঅরান্, তুই কিবাবোত্যেগুরি ভস্ত ওই গেলে! তঅ মানুচ্চুনে দঅ সাগরত্ আদাউদো গুরিদাক্। সাগরত্ তুই আর তঅ আদাম্মেগুনে খেমতাবলা এলাক্; সাগর পারত্ যিগুনে বজত্তি গুরিদাক্ তারা বেক্কুনে তরে দোরেদাক্।

যিহিষ্কেল 26:17 ပူးပေါင်းရင်းမြစ်များ

২ শমূয়েল 1:19

“ও ইস্রায়েল, যিগুনে তর্‌ বাঈনী গরন্ তারা তর্‌ সেই অজল জাগানত্‌ মুরিনেই পড়ি রোইয়োন। হায়! কেধোক্ক্যেনগুরি বীর মানুচ্চুনে ভস্ত ওই গেলাক্!

যিশাইয় 14:12

ও শুকতারা, বেন্যেমাদানর্ পুয়োবো, তুই দঅ স্বর্গত্তুন্ পোজ্যস্। তুই একদিন জাদ্‌তুনোরে ওদেই দুয়োচ্ আর তরে ইক্কিনে পিত্‌‌‌থিমীত ফেলেই দিয়্যে ওইয়্যে।

যিশাইয় 23:4

ও সীদোন, লাজেস্, কিত্তে সাগর, সাগরর্ ঘরানে এ কধাগান কত্তে,“মর্ পুয়ো-পুদেবাত্তে পীড়েয়ো ন-অয়, মুই জর্ময়ো ন-দুয়োং। মুই পুয়োগুনোরে মানুচ্অ ন-গরং আর মিলেগুনোরে দাঙর্ ন-গরং।”

যিশাইয় 23:8

যে সোর অন্যগুনোর মুকুট পিনেদ, যিবের বণিককুনে রাজপুরুষ আর বেবসায়ীগুনে পিত্‌থিমীত নাঙ্-গোজ্যে, তা বিরুদ্ধে কন্না এ পরিকল্পনাগান গোজ্যে?

যিরমিয় 48:39

তে কিবাবোত্যেগুরি চুর্‌‌মার্ ওইয়্যে! মান্‌‌‌‌জ্যে কেধোক্ক্যেন্‌গুরি তাত্তে আবিলেচ্ গত্তন! মোয়াবে লাজে কেধোক্ক্যেন্‌গুরি তা পিঠ্‌‌‌‌তান ফিরেইয়্যে! মোয়াবে তা চেরোকিত্তে বেক্ মানুচ্চুনো ইধু আজি-ঠাট্টার মানুচ্ ওইয়্যে, আর তা অবস্থা দেগিনে সে মানুচ্চুনে আমক্ ওইয়োন।”

যিরমিয় 50:23

পুরো পিত্‌থিমীর আদুড়োবু কিবাবোত্যেগুরি ভাঙিনে কট্টা কট্টা ওই গেলঅ। বাবিল অবস্থাগান্ দেগিনে বেক্ জাদ মানুচ্চুনে কেধোক্ক্যেন আমক্ ওই যেইয়োন।

যিরমিয় 6:26

ও মঅ মানুচ্চুন, বস্তা পাদা পিনো আর ছেইয়ো উগুরে গজ্জ। এক্কোগুরি পুয়ো মুরিলে যেবাবোত্যেগুরি মান্‌জ্যে ইদোত্ তুলি তুলি কানন্ সেবাবোত্যেগুরি অমকদ আবিলেচ্ গুরিনে তুমি ইদোত্ তুলো, কিত্তে ভস্ত গুরিয়্যেবো আদিক্ক্যেন্‌গুরি আমা উগুরে এইনে লুমিবো।

যিরমিয় 7:29

ও যিরূশালেম, তঅ চুলান কাবিনে তুই দূরোত্ ফেলেই দে; গাজ্‌‌বাজ্ নেইয়্যে মুড়োমুড়িত্ আবিলেচ্ গরঅ, কিত্তে লগেপ্রভু তার রাগর্ তলে থেইয়্যে এ মানুচ্চুনোরে তে এলাফেলা আর বাদ দিয়্যে।

যিরমিয় 9:20

ইক্কিনে ও মিলেগুন, লগেপ্রভুর কধাগান শুনো; তা মুয়ো কধাগান শুনিবাত্তে তুমি কান্ পাদি থাগঅ। কিবাবোত্যেগুরি আবিলেচ্ গরা পরে সিয়েন যার্ যার্ ঝিগুনোরে শিক্ষ্যে দুয়ো, আর আবিলেচর্ গান গেবাত্তে অন্যগুনোরে শিক্ষ্যে দুয়ো।

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

যিহিষ্কেল 19:1

লগেপ্রভু মরে কোইয়্যেদে, তুই ইস্রায়েলর শাজন্‌গুরিয়্যেগুনোত্তে আবিলেচ্ গুরিনে কঅ,

যিহিষ্কেল 19:14

তার গুড়িগানিত্তুন্ আগুন ছিদি পড়িলো; তার ডেলা আর গুলোগুলিগুন পুড়ি গেলাক্। শাজন্‌গুরিয়্যেবোর রাজলুদিক্ অবার যগাজ্যে কনঅ দরমর ডেলা সিয়েনত্ ন-থেলঅ। “ইবে এক্কো আবিলেচ্ গরানা; দুঘোর্ গান ইজেবে ইবে বেবহার গরা অবঅ।”

যিহিষ্কেল 32:16

“‘এই বেক্ কধানি তারা মিসরত্তে দুঘ কধা ফগদাং গুরিনে গেবাক্। নানান্ জাদর্ মিলেগুনেয়ো সিয়েন গেবাক্; তারা মিসর আর তার বেক মানুচ্চুনোত্তে সিয়েন গেবাক্। মুই প্রভু লগেপ্রভু এ কধাগান কঙর্।’”

যিহিষ্কেল 32:2

ও মান্‌‌‌জ্যর পুয়োবো, মিসরর রাজা ফরৌণ পৌইদ্যেনে তুই আবিলেচ্ গুরি গুরি তারে কঅ, তুই মনে গুরিদে তুই জাদ ভিদিরেত্তুন্ এক্কো সিংহ ধোক্ক্যেন, মাত্তর্ আজলে তুই গাঙ সংমোধ্যে কুমোর ধোক্ক্যেন্। তুই নিজো গাঙ ভিদিরে লাপালাপি গুরিদে, টেঙোই পানিগান উলোত্-পালত্ গুরিদে আর গাঙ পানিগান কুলুগ্ গুরিদে। ‌

যিহিষ্কেল 32:23

তারার গোরান্ মরণ জাগার্ গভীনোত্ আঘে আর তার সৈন্যদলুন তা গোরানর্ চেরোকিত্তে পড়ি আগন্। জেদাগুনো দেজত্ যিগুনে দর্‌‌বুক ছোরেয়োন্ তারার বেক্কুনোরে যুদ্ধোত্ মারে ফেলা ওইয়্যে।

যিহিষ্কেল 32:27

তারা সুন্নত-ন-গোজ্যে অন্য যোদ্ধাগুনে সমারে পড়ি ন-থেবাক্। সেই যোদ্ধাগুনে তারার্ যুদ্ধোর্ আত্যেরানি নিইনে মরণ জাগাত্ লামি যেইয়োন, তারার তলোয়ারানি তারার্ মাঢাগুনো তলে রাগা ওইয়্যে আর তারার পাপর্ সাজা তারার আড়ুনো উগুরে আঘে। তারায়ো জেদাগুনো দেজত্ দর্‌‌‌বুক লাগেয়োন্।

যোয়েল 1:18

কিবাবোত্যেগুরি গোরু-ভেড়াগুনে ফবাদন্! গোরু পালুনে ঘুরি বেড়াদন্, কিত্যেই তারার্ চরিনে হেবার জাগা নেই; ভেড়া পালুনেয়ো দুঘ্ পাদন্।

ওবদিয় 1:5

“ইস্‌, কি দযাগান্ তত্তেই বাজ্জেই আঘে! যুনি চুরুনে তইদু এজন্, ডাগেত্তুনে এজন্ রেদোত্, মাত্তর্ তারার্ যেত্তমান আওজ্ বানা সেত্তমান তারা চুর্ গুরিবাক্। আংগুর তুলিবার মানুচ্চুনে যুনি তইদু এজন্ সালে তারা তত্তেই কিজু আংগুর থোই যেবাক্।

মীখা 2:4

সেদিন্যে অমকদ আবিলেচ্ হেবাক্ আর এ দুঘোর্ গান গাহ্ অবঅ; আমি এক্কুবারে ভস্ত ওই যেইয়্যেই; আমা জাদর্ সোম্বোত্তিগানি নেযা ওইয়্যে। লগেপ্রভু সিয়েনি আমাত্তুন্ নেযেয়্যে। আমা খেত্-খামারানি তে বে-জবান্যেগুনোরে দি দিয়্যে।”

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

যিহোশূয় 19:29

সে পরেন্দি সিয়েন রামার ইন্দি ঘুরিনে দেবাল-ঘিজ্যে সোর শঅরত্‌ গেলগোই। যেরেন্দি সিয়েন হোষার ইন্দি ঘুরিনে অক্‌ষীব চাগালাগান্‌, উস্মা, অফেক আর রহোবর ইদু ভূমধ্য সাগরত্‌ যেইনে পড়িলো। আশের-গুট্টির ভাগত্‌ বাইশ্‌চান শঅর্‌ আর সিয়েনির কায়-কুরে আদামানি পড়িলো।