যিহিষ্কেল 26:16 - Chakma Bible

¹⁶ সেক্কে সাগর পাড় দেজ্‌‌‌‌‌‌‌‌চানির রাজাগুনে তারার্ সিংহাসনত্তুন্ লামিনে তারার্ রাজপোশাক্ আর নক্‌‌‌‌‌‌‌‌সা গোজ্যে পোজাক্কানি খুলি ফেলেবাক্। অমকদ দরে তারা মাদিত্ বুজিবাক্, আমিঝে গির্‌‌‌‌‌‌‌‌গিরেবাক্ আর তরে দেগিনে আমক্ অবাক্।

যিহিষ্কেল 26:16 ပူးပေါင်းရင်းမြစ်များ

ইয়োব 8:22

যিগুনে তরে ঘিনান্‌ তারা লাজেবাক্‌; শদানুনোর্‌ থেবার্‌ ঘর্‌ আর ন-থেবঅ।”

গীতসংহিতা 109:18

কাবড় উরেদে ধোক্ক্যেন গুরি অভিশাব্ দেনা তারার অভ্যেস্ ওইয়্যে; পানি খাইদ্যে ধোক্ক্যেন্ সিয়েন তারার অভ্যেস্ ওইয়্যে আর কিয়্যেত্ তেল গুলেদে ধোক্ক্যেন্।

গীতসংহিতা 109:29

মঅ বিপক্কগুনে অগমানে ঢাগা যাদোক্, আর লাজ্ জিনিস্‌ছান কাবড় ধোক্ক্যেন তারার কিয়্যেনিত্ বেড়েয়্যে থোক্।

গীতসংহিতা 132:18

মুই তা শত্রুগুনোরে লাজ্ পাইদ্যে পজাক্ উরেই দিম, মাত্তর্ তা মাঢাবোত থেবঅ জোল্ জোল্যে মুকুট।”

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

যাত্রা 15:15

ইদোমীয় সর্দারুনে দরে ওলোমত্ত্য অবাক্; মোয়াবীয় নেতাগুনে দরে গির্‌গিরেবাক্‌, আর অমহদ দর্‌বুগোত্‌ পড়িনে কনানীয়গুনে সাহস্‌ আড়েবাক্‌। ও লগেপ্রভু, তর্‌ মানেইয়ুনোর্‌ যানা থুম ন-অনা সং, তর্‌ ছাড়ি নেযেয়ে মানেইয়ুনোর্‌ যানা থুম ন-অনা সং তর্‌ দাঙর্ খেমতার্ মুজুঙোত্‌ সেই‌ বেক্‌ জাদ্‌তুনে পাত্তর্‌ ধোক্ক্যেন পড়ি থেবাক্।

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 41:5

লগেপ্রভুর্ এ কামান দেগিনে দূর্ দেজ মানুচ্চুনে দোরেবাক্ আর পিত্‌‌‌‌থিমীর শেজ্ দুযির্ মানুচ্চুনে গির্‌গিরেবাক্। তারা উজেই এইনে এগত্তর্ অবাক্;‌‌‌

যিশাইয় 47:1

লগেপ্রভু কত্তে, “ও গাবুজ্যে মিলে বাবিল, তুই তলেদি লামিনে ধূল্যেত্ বস্; ও বাবিল, তুই সিংহাসনান্ ছাড়িনে মাদিত্ বস্। তরে আর নরম আহ্ সুগী বিলিনে কুয়ো ন-যেবঅ।

যিশাইয় 52:2

ও যিরূশালেম, উঠ্, তুই কিয়্যের্ ধূল্যেগানি ঝাড়ি ফেলেইনে সিংহাসনত্ বজ্। ও বন্দী সিয়োন-ঝি, তঅ গত্তনাবোর বেক্ শিগোলানি খুলি ফেলা।

যিরমিয় 48:39

তে কিবাবোত্যেগুরি চুর্‌‌মার্ ওইয়্যে! মান্‌‌‌‌জ্যে কেধোক্ক্যেন্‌গুরি তাত্তে আবিলেচ্ গত্তন! মোয়াবে লাজে কেধোক্ক্যেন্‌গুরি তা পিঠ্‌‌‌‌তান ফিরেইয়্যে! মোয়াবে তা চেরোকিত্তে বেক্ মানুচ্চুনো ইধু আজি-ঠাট্টার মানুচ্ ওইয়্যে, আর তা অবস্থা দেগিনে সে মানুচ্চুনে আমক্ ওইয়োন।”

আবিলেচ্ 2:10

সিয়োন-ঝিবোর্ বুড়ো নেতাগুনে জুরো গুরি মাদিত্ বোই আগন্। তারা নিজো মাঢাত্ ধূল্যে ছিদি দুয়োন আর বস্তা পাদা উজ্যন্। যিরূশালেমর গাবুজ্যে মিলেগুনে দুঘে মাদিত্ মাঢাগুন লোঙেয়োন্।

যিহিষ্কেল 16:10

মুই তর্ কিয়্যেনত্ নক্‌শা গোজ্যে কাবড় দিলুং আর টেঙত্ শুগর চামর্ দোল্ জদা পিনেলুং। মুই তঅ মাঢাবোত্ পাদল্ মসীনা কাবড় উরেই দিলুং আর রেশম কাবড়লোই তরে ঢাগি দিলুং।

যিহিষ্কেল 26:21

মুই তরে দর্‌‌‌‌‌‌‌‌‌‌‌গরেপারা শেজ্ গুরি দিম্; তুই আর ন-থেবে। মানুচ্চুনে তরে তোগেবাক্ মাত্তর্ তরে আর কনদিনঅ পাহ্ ন-যেবঅ। মুই প্রভু লগেপ্রভু এ কধাগান কঙর্।”

যিহিষ্কেল 28:17

তর্ দোল্ অনাত্তে তর্ মনান্ অহংকারে ভুরি উঠ্যে আর তর্ সয়-সাগোজ্যে গানত্তে তুই তর্ জ্ঞানানরে বর্‌বাত্ গোজ্যস্। সেনত্তে মুই তরে মাদিত্ ফেলেই দিলুং; রাজাগুনো মুজুঙোত্ মুই তরে রাগেলুং যেনে তরে দেগিনে তারা হুজি অন্।

যিহিষ্কেল 31:15

মুই প্রভু লগেপ্রভু আরঅ কঙর্, যেদিন্যে তে মরণর্ জাগাত্ লামিলো সেদিন্যে তাত্তে আবিলেচ্ গরানার চিহ্নো ইজেবে সেই গভীন্ পয়নালাবো মুই নাঢি দিলুং; মুই তার বেক্ গঙারান থামেই দিলুং, সেক্কে তার বেক্ পানিগান বন্ধ ওই গেলঅ। ইয়েনত্তে মুই লেবাননরে আবিলেচ্ গোরেলুং আর ঝারর্ পত্তি গাজ্ শুগেই গেলঅ।

যিহিষ্কেল 32:10

মুই তঅ উগুরে যিয়েনি গুরিম সিয়েনি দেগিনে ভালোক্কুন্ জাদে আমক্ অবাক্। মুই যেক্কেনে তারা মুজুঙোত্ মঅ লাম্বা ছুরিগান্ ঘুরেম সেক্কে তারার রাজাগুনে দরে গির্‌‌‌‌‌‌‌গিরেবাক। তর্ পতনর দিনোত্ তারার পত্তিজনে তা নিজোর পরাণান দরে আমিযে গির্‌‌‌‌‌‌‌গিরে গির্‌‌‌‌‌‌‌গিরে থেবাক্।

যিহিষ্কেল 7:27

রাজা আবিলেচ্ গুরিবো, রাজপুরুষ্‌‌চো আমক্ অবঅ, আর দেজ মানুচ্চুনোর আঢ্‌‌তানি গির্‌‌গিরেব। মুই তারার্ চালচলন মজিম্ তারা সমারে বেবহার গুরিম আর তারার্ পাওনা মজিম্ সাজা দিম্। সেক্কে তারা হবর্ পেবাক্ যে, মুয়ই লগেপ্রভু।”

যিহিষ্কেল 7:8

মুই যাদিমাদি তমা উগুরে মঅ রাগ্‌‌‌‌‌কান পুরোপুরি ঢালি দিম্। তমা চালচলন মজিম্ মুই তমারে বিচের্ গুরিম আর তমার্ বেক জঘন্য কামানিত্তে সাজা দিম।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

যোনা 3:6

রাজা ইধু সে হবরান লুমোনার্ পরেদি তে তার্ সিংহাসনান্ ছাড়ি উদিনে তা রাজপোজাক্কানি খুলি ফেলেল আর বস্তা পাদা পিনিনে ছেইয়ো সংমোধ্যে বুজিলো।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

ফগদাং পেইয়্যে 18:9

পিত্‌থিমীর্ যিদুক্কুন্ রাজা তা সমারে বেভিচের্ গোজ্জ্যন আর উবোল্‌পাল্ গুরি তা সমারে বজত্তি গোজ্জ্যন তারা তারে পুড়ি ফেলেবার্ সময়োত্ ধূমো দেগিনে কানিবাক্ আর তাত্যে দুঘ্ পেবাক্।