যিহিষ্কেল 26:14 - Chakma Bible

¹⁴ মুই তরে পাত্তর্ ধোক্ক্যেন গুরি রাগেম আর তুই অবে জাল্ শুগেবার জাগা। তরে আর বানা ন-অবঅ, কিত্যে মুই প্রভু লগেপ্রভু এ কধাগান কঙর্।

যিহিষ্কেল 26:14 ပူးပေါင်းရင်းမြစ်များ

ইয়োব 12:14

তে ভাঙিলে আর সিয়েন্‌ বানা ন-যায়; তে কাররে জেলোত্‌ আক্‌সোই রাগেলে ছড়ান্‌ দিয়্যে ন-যায়।

ইয়োব 40:8

তুই মর্ ন্যায় বিচেরানরে কি এলাফেলা গুরিবে? তুই যে নিদ্দুযি সিয়েন প্রমান্ গুরিবাত্তে কি তুই মরে দুযি গুরিবে?

যিশাইয় 14:27

বেগত্তুন্ খেমতাবলা লগেপ্রভু ইয়েনি ঠিগ্ গোজ্যে, সেনত্তে কন্না সিয়েন বিফল গুরি দি পারে? তা আঢ্‌তান বাবেইয়্যে আঘে, কন্না সিয়েন গুজেই রাগে দি পারে?‌‌

যিশাইয় 23:12

তে কোইয়্যেদে, “ও সীদোনর মানুচ্চুন্, তমার্ ফুত্তিগানি থুম্ ওইয়্যে, কিত্তে তুমি দঅ অত্যেচারিত ওইয়ো। উদো, পার্ ওইনে সাইপ্রাস দ্বিবোত্ যঅ; সিদুয়ো তুমি জিরেন্ ন-পেবা।”

যিহিষ্কেল 21:32

তুমি আগুনোত্তে ধার্‌‌‌‌‌‌‌বো ধোক্ক্যেন অবা। তমা লোনি তমা দেজ ভিদিরে পুরিবো আর তমারে ভুলি যাহ্ অবঅ। মুই লগেপ্রভু এ কধাগান কঙর্।’”

যিহিষ্কেল 22:14

মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

যিহিষ্কেল 26:12

তারা তর্ ধন-সোম্বোত্তিগানি আর তর্ বেবসার জিনিসচানি লুদেবাক্; তারা তর্ দেবালান ভাঙি ফেলেবাক্, দোল্ দোল্ ঘরানি ভস্ত গুরি দিবাক্ আর তর্ পাত্তরুন, তক্তানি আর ধূল্যেনি সাগরত্ ফেলেই দিবাক্।

যিহিষ্কেল 30:12

মুই নীল্ গাঙানর্ পানিগান শুগেই ফেলেম আর পাজি মানুচ্চুনো ইধু দেজ্‌‌‌‌চান বিজি দিম; বিদেশীগুনো আঢ্‌‌‌‌তোই দেজ্ আর সিয়েন ভিদিরে বেক্কানি মুই ভস্ত গুরি দিম। মুই লগেপ্রভু এ কধাগান কঙর্।

যিহিষ্কেল 47:10

জাল্যেগুন গাঙ পারত্ থিয়্যেবাক্; ঐন্-গদীত্তুন্ ঐন্-ইগ্লয়িম সং জাল মিলি দিবার্ জাগা অবঅ। ভূমধ্য-সাগরর মাছ ধোক্ক্যেন সিয়েনতঅ নানান্ বাবোত্যে বোউত্ মাছ পাহ্ যেবঅ।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 5:15

মুই যেক্কে অমকদ অহুজি, রাগে আর অমকদ গেইল্‌‌‌লোই তরে সাজা দিম্ সেক্কে তর্ চেরোকিত্তে জাদ্‌‌‌তুনে তরে দেগিনে আমক্ অবাক্; তুই তারা ইধু অবে নিন্দে আর ঈচ্ গরা হেইয়্যে মানুচ্ আর এক্কো উজিয়ার কধা ধোক্ক্যেন।

যিহিষ্কেল 5:17

তঅ বিরুদ্ধে মুই ভাদরাদ্ আর চিৎনপুজ্যে য়েমান পাধেই দিম্; তারা তরে পুয়ো-ছা নেইয়্যে গুরিবাক্। ভানা আর লো ঝরানা তঅ মাধ্যমে যেবঅ আর মুই তঅ বিরুদ্ধে যুদ্ধো আনিম। মুই লগেপ্রভু এ কধাগান কলুং।”

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

দ্বি’লম্বর বিররণ 13:16

সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।