যিহিষ্কেল 26:10 - Chakma Bible

¹⁰ তার এদক্ বেশ্ ঘোড়া থেবাক্, সিগুনে তরে ধূল্যেলোই নাঢি দিবাক্। ভাঙা দেবাল ভিদিরেদি মান্‌‌‌‌‌জ্যে যেবাবোত্যে গুরি শঅরত্ সমন্ সেবাবোত্যেগুরি তে যেক্কে যুদ্ধোর ঘোড়া, গাড়ি আর রথ্‌তোই তর্ বেক গেইট্টুনো ইন্দি সোমেব সেক্কে তা রবুয়োলোই তর্ দেবালানি গির্‌‌‌‌‌‌গিরেব।

যিহিষ্কেল 26:10 ပူးပေါင်းရင်းမြစ်များ

যিরমিয় 39:3

সেক্কে বাবিল রাজার বেক্ রাজার চাগরুনে, অত্তাৎ নের্গল-শরেৎসর, সমগরনবো, শর্সখীম নাঙে এক্কো চাগর সদ্দার্, নের্গল-শরেৎসর নাঙে দাঙর্ পোজিশনর্ এক্কো রাজার চাগরে আর বাবিল রাজার অন্য চাগরুনে এইনে সংমোধ্যে গেদোত্ বজিলাক্।

যিরমিয় 4:13

চঅ, তে মেঘ ধোক্ক্যেন গুরি উজেই এজের্। তার রথ্‌‌তানি টুত্যে বোইয়্যের ধোক্ক্যেন এজের্ আর তার ঘোড়াগুন ধবাচিল পেগোত্তুন্‌অ জোরে দাবা দুয়োন্। হায়, হায়, আমি ভস্ত ওই গেলং!

যিরমিয় 47:3

তারা জোরে দাবা যেইয়্যে ঘোড়া টেঙ থুগো রঅ, শত্রুগুনোর রথ রঅ আর রথ চাক্কার ঘড় ঘড় রঅ শুনিবা। বাব্‌‌পুনে তারা পুয়ো-ছাগুনোরে সাহায্য গুরিবাত্তে ন-ফিরিবাক্; তারা আঢ্‌‌তানি লুলো ওইনে দুলি দুলি থেবঅ।

যিহিষ্কেল 23:24

তারা আত্যের্, রথ, গাড়ি আর মান্‌‌‌জ্যর এক্কো দাঙর্ দল্লোই তঅ বিরুদ্ধে এবাক্। তারা চিগোন আর দাঙর্ ঢাল্লোই মাঢা রোক্ষ্যে গুরিবার তোক্ক্যে পিনিনে তরে ঘিরিবাক্। সাজা পেবাত্তে মুই তরে তারা আঢত্ তুলি দিম আর তারা তারার্ বিচেরর্ সুদোম্ মজিম তরে সাজা দিবাক্।

যিহিষ্কেল 26:15

ও সোর, তর্ পতনর্ রবোলোই, আহতগুনোর ফবানিলোই আর তঅ ভিদিরে যে মানুচ্চুনোরে মারে ফেলা অবঅ সেক্কে কি দূরোর্ দেজ্‌চানি গির্‌‌‌‌‌‌‌গিরে ন-উদিবো?

যিহিষ্কেল 26:7

ও সোর, মুই তঅ বিরুদ্ধে উত্তোরেদিত্তুন্ ঘোড়া, রথ, ঘোড়াচালেয়্যে আর দাঙর্ এক্কো সৈন্যদল সমারে রাজাগুনোর রাজা, অত্তাৎ বাবিলোর রাজা নবূখদ্‌নিৎসররে আনিম।

যিহিষ্কেল 26:9

তে দেবাল্ ভাঙিবার মেশিন্দোই তঅ দেবালানত্ আঘাত্ গুরিবো আর তা মেশিনান্দোই তর্ অজল্ চুগিদার ঘরানি ভস্ত গুরি ফেলেব।

যিহিষ্কেল 27:28

তর্ নাবিক্কুনোর রঅ ছাড়নিলোই সাগর পারর্ জাগায়ানি গির্‌‌‌গিরে উদিবো।

যিহোশূয় 6:20

বাশি বাঁজি উদিবার লগে লগে মানুচ্চুনে অমকদ রঅ‌ ছাড়ি ছাড়ি উদিলাক্‌। বাশির রঅ‌বোলোই যেক্কে মানুচ্চুনে অমকদ রঅ‌ দাঙর্‌ গুরি উদিলাক্‌ সেক্কে যিরিহো শঅরর্‌ দেবালানি ভাঙিনে পড়ি গেলঅ‌। সেক্কে বেক্‌ মানুচ্চুন শঅ‌র ভিদিরে চমিলাক্‌ আরঅ সিয়েন গজক্ গুরি নেযেলাক্‌।

যিহোশূয় 6:5

যেক্কে তুমি শুনিবা সে ধর্মগুরুগুনে বাশিলোই একঢাল্যে রঅ তুল্যন্‌ সেক্কে বেক্‌ মানুচ্চুনে অমকদ দাঙর্‌ গুরিনে কিজেক্‌কারি উদিবাক্‌। সেক্কে শঅরর্‌ দেবালানি ভাঙি পড়ি যেবঅ আর সেনে ইস্রায়েলীয়গুনে সিয়েনর উগুরেন্দি সোজা ভিদিরেন্দি চুমিবাক্কোই।”