যিহিষ্কেল 25:4 - Chakma Bible

⁴ সেনত্তে মুই পুগেদি দেজর্ মানুচ্চুনো আঢত্ তমারে তুলি দিম। তারা তমা দেজত্ তারারে তাম্বুল টাঙেইনে তমা ভিদিরে বজত্তি গুরিবাক্; তারা তমাত্তুন্ ফল আর দুধ হেবাক্।

যিহিষ্কেল 25:4 ပူးပေါင်းရင်းမြစ်များ

পত্থম 29:1

পরেদি যাকোবে যাদে যাদে পূগেদি দেজ মানুচ্চুনোর জাগাত্‌ যেইনে লুমিলোগোই।

২ শমূয়েল 12:26

ইন্দি যোয়াবে অম্মোনীয়গুনোর রাজধানী রব্বা শঅরান্‌ আক্রমণ গুরিনে গজক্ গুরি নেযেল।

১ রাজাবলী 4:30

পূগদেজর আর মিসরর বেক্‌ জ্ঞানী মানুচ্চুনোত্তুন্‌ শলোমনর্ জ্ঞান বেশ্এলঅ।

যিশাইয় 1:7

তমা দেজ্‌ছান ভস্ত ওইনে পড়ি রোইয়্যে, শঅরানি আগুন্দোই পুড়ি দিয়্যে ওইয়্যে। তমার্ বেক্ খেত-খেত্তিগানি তমা চোগো মুজুঙোত্ বিদেশিগুনে লুদেয়োন্; বিদেশিগুনে দেজ্‌ছান ভস্ত ওইয়্যে জাগা গুরি রাগেয়োন।

যিশাইয় 41:2

“কন্না পূগেন্দিত্তুন্ এবাত্তে একজনরে উত্তেজিত গোজ্যে? ন্যায়বলা গোজেনে তা কামত্তে তারে ডাক্যে। তে সেই মানুচ্চোর্ আঢত্ জাদ্‌তুনোরে তুলি দিবো আর তা মুজুঙোত্ রাজাগুনোরে লোঙেব। তা তলোয়ারান্দোই তে তারারে ধূল্যে ধোক্ক্যেন্ গুরিবো আর তা ধনুগান্ মুজুঙোত্ বোইয়্যেরে লাড়াইদ্যে ধোক্ক্যেন্ তারারে উড়েই দিবো।‌

যিশাইয় 65:22

তারা ঘর্ বানেলে অন্যগুনে আর সিদু বজত্তি ন-গুরিবাক্, বা গাজ্ লাগেলে অন্যগুনে ফল ন-হেবাক্। মঅ মানুচ্চুনোর আয়ুগান এক্কো গাজর্ আয়ুর সং সং অবঅ; মর্ বেঈ লোইয়্যে মানুচ্চুনে ভালোক্ দিন ধুরিনে তারার আঢর্ কাম ফলুন্ ভোগ গুরিবাক্।

আবিলেচ্ 1:14

মর্ বেক পাপ্‌‌‌পানি তে জুঙোল ধোক্ক্যেন বান্যে: তে আঢ্‌তোই সিয়েনি একসমারে বুন্যে। সিয়েনি মঅ গত্তনাবো উগুরে দিয়্যে ওইয়্যে; লগেপ্রভু মঅ খেমতাগানরে বল্‌পোজ্যে গোজ্যে। যিগুনোরে মুই মানা গুরি ন-পারং তারা আঢত্ তে মরে তুলি দিয়্যে।

যিহিষ্কেল 25:10

মুই অম্মোনীয়গুনো সমারে মোয়াবরেয়ো পূগেদি দেজ মানুচ্চুনো আঢত্ তুলি দিম যেনে জাদ্‌তুনো ভিদিরে অম্মোনীয়গুনোর কধা মান্‌‌‌‌‌‌জ্যে ভুলি যান আর মোয়াবেয়ো সাজা পায়। সেক্কে তারা হবর্ পেবাক্, মুয়ই লগেপ্রভু‌‌‌।”

লেবীয় 26:16

সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

গণাণা 23:7

সেক্কে বিলিয়মে গোজেনর্‌ দিয়্যে এই কধানি কুয়ো ধুরিলো: “বালাকে মরে অরাম দেজত্তুন্ লোই আনিলো, পূগেদি মুড়োগুনোর্‌ কায়-কুরেত্তুন্‌ মোয়াব-রাজা মরে লোই আনিলো। তে কলঅ, ‘মর্‌ পক্কে তুই যাকোবরে অভিশাব্ দিচ্‌, ইস্রায়েলর্ বিপক্ষে ভান্ন্যেয়ানিত্যে কধা কঅ।’

দ্বি’লম্বর বিররণ 28:33

তমার ন-চিন্ন্যে জাদর্‌ মানুচ্চুনে তমার ভুইয়োর্‌ ফসলানি আর কাম্‌গোজ্যে ফলুন ভোগ গুরিবাক আর তমার পুরো জীংকানিবর্‌ তুমি বানা অত্যেচার আর ভান্ন্যেই বেবহারানি ভোগ গুরিবা।

দ্বি’লম্বর বিররণ 28:51

তারা তমার য়েমান ছঅ্‌গুন আর ক্ষেদর ফলুন হেই ফেলেবাক আর যেরেন্দি তুমি শেজ্‌ ওই যেবা। তারা তমাত্তে কনঅ ফল, নুয়ো আংগুরো-রস বা তেল বা গোরুর ছঅ বা ভেড়ার ছঅ বাগি ন-রাগেবাক, আর যেরেন্দি তুমি শেজ্‌ ওই যেবা।

বিচের গুরিয়্যেগুন 6:33

পরেন্দি মিদিয়নীয়, অমালেকীয় আর পূগ দেজর সৈন্যগুন বেক্কুনে এগত্তর্‌ ওইনে যর্দন গাঙান্‌ পার্ ওইনে যিষ্রিয়েল-কিঝিঙোত যেইনে তাম্বুলান ফেলেলাক্‌।

বিচের গুরিয়্যেগুন 7:12

মিদিয়নীয়, অমালেকীয় আর পূগঅ দেজর মানুচ্চুনে সেই কিজিঙো ভিদিরে পুগ্‌-যুগঅ ঝাঁগঅ ধোক্কেন্‌ এলাক্‌। তারার উট্‌‌তুন্‌ সাগর পার ধূল্যেচর ধোক্কেন্‌ গুণি ন-ফুরেইয়্যে।

বিচের গুরিয়্যেগুন 8:10

সেবহ আর সল্‌মুন্ন প্রায় পন্দর আজার সৈন্যর এক্কো দল লোইনে কর্কোরত্‌ এলঅ। পূগঅ দেজর সৈন্যগুনো ভিদিরে বানা ইগুনেই সেক্কে বাগি এলাক্‌ আর এক লাখ্ কুড়ি আজার সৈন্য মুরি গেলাক্‌।