যিহিষ্কেল 25:3 - Chakma Bible

³ প্রভু লগেপ্রভুর এ কধাগান তারারে শুনিবাত্তে কঅ, ‘মঅ ঘরান অসিজি অদে দেগিনে আর ইস্রায়েল দেজ্‌ছানরে উগুজ্যে ভূই অদে দেগিনে আর যিহূদার মানুচ্চুনোরে বন্দী ইজেবে নেযাদে দেগিনে তুমি বেশ্ হুজি ওইয়ো।

যিহিষ্কেল 25:3 ပူးပေါင်းရင်းမြစ်များ

গীতসংহিতা 35:21

মর্ বিরুদ্ধে তারা মুয়োন ভেঙেইনে কোইয়োন, “অয়, অয়, আমি নিজো চোগেদি দেখ্যেই।”

গম্ উপদেজ্ 17:5

যে মানুচ্চো নাঢা মান্‌জ্যরে ঠাট্টা গরে তে তারার গোজেনরে অগমান গরে; যে অন্যগুনোর দযাত্ হুজি অয় তে সাজা পেবদে পেবঅ।

আবিলেচ্ 1:7

যিরূশালেমানে তার দুঘোর্ আর ঘুরি বেড়েবার দিনুনোত্ তার পুরোণি দিনোর ধন-সম্পদর কধানি ইদোত্ তুল্যে। তা মানুচ্চুন যেক্কে শত্রু আঢত্ পোজ্যন সেক্কে তারে সাহায্য গুরিবার কনজন ন-এলঅ। তা শত্রুগুনে তাইন্দি রিনি চেইনে তারে ভস্ত গুরিবাত্তে ঠাট্টা-মশ্‌‌‌‌কারি গোজ্যন।

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

যিহিষ্কেল 21:28

“ও মান্‌জ্যর পুয়োবো‌‌‌, তুই আগাম্ কধা কঅ, অম্মোনীয়গুনো পৌইদ্যেনে আর তারার্ অগমানর্ পৌইদ্যেনে প্রভু লগেপ্রভু কোইয়্যেদে, ‘এক্কান লাম্বাছুরি ধোক্ক্যেন ঝিমিলায়।

যিহিষ্কেল 25:6

তুমি ইস্রায়েল দেজর্ অবস্থা দেগিনে আত্‌‌‌তালি দুয়ো, নাচ্চ্য আর মনত্তুন্ তারে ইংসে গুরিনে ফুত্তি গোজ্য।

যিহিষ্কেল 25:8

পরেদি প্রভু লগেপ্রভু কোইয়্যেদে, “মোয়াব আর সেয়ীরে কত্তে, ‘চাহ্, যিহূদার মানুচ্চুনে অন্য বেক্ জাদ্‌‌‌‌‌তুনো ধোক্ক্যেন ওই যেইয়োন।’

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

সফনিয় 2:8

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই মোয়াবর্ অগমান গরানার কধা আর অম্মোনীয়গুনোর ঠাট্টা-মশ্‌‌কারী গরানার কধানি শুন্যং; তারা মঅ মানুচ্চুনোরে অগমান গোজ্যন্ আর তারার্ দেজ্‌‌চান গজক্ গুরিবাক্ বিলি বাড়্‌বো গোজ্যন। মঅ জিংকানির নাঙে কঙর্, মোয়াব্‌পান্ হামাক্কায় সদোম ধোক্ক্যেন আর অম্মোনীয়গুনোর দেজ্‌‌চান ঘমোরা ধোক্ক্যেন অবঅ-সিয়েন হের্‌পদনার্ জাগা, নুনো খেত্ আর উমরর্ উগুজ্যে ভূই ওই থেবঅ। মঅ জাদর্ বাঁজি থেইয়্যে মানুচ্চুনে তারারে লুদেবাক্ আর তারা দেজ্‌‌চানি গজক্ গুরিবাক্ ।”

বিচের গুরিয়্যেগুন 6:3

ইস্রায়েলীয়গুনে যেক্কে তারার্‌ ভূইয়ানিত্‌ বিজ্‌ ফেলেদাক্‌ সেক্কে মিদিয়নীয়গুনে, অমালেকীয়গুনে আর পূগেন্দি দেজর্‌ মানুচ্চুনে এইনে তারার্‌ দেজ্‌চান আক্রমণ গুরিদাক্‌।