যিহিষ্কেল 24:6 - Chakma Bible

⁶ প্রভু লগেপ্রভু আরঅ কোইয়্যেদে, অভিশাব্ পোরোক্, সেই লো ঝোরেয়্যে শঅরান্! সিয়েন যেন এক্কো পিলে যিবেত্ কজরা কুড়্ ওইয়্যে, যিবে কাজা ন-যায়। য়েরানি বেঈ বেঈ ন-নিইনে দমাগুন্ এক্কো এক্কো গুরি নিগিলা।

যিহিষ্কেল 24:6 ပူးပေါင်းရင်းမြစ်များ

২ শমূয়েল 8:2

দায়ূদে মোয়াবীয়গুনোরেয়ো ওদেই দিলো। তে মোয়াবীয়গুনোরে মাদিত্‌ কায়-কুই গুরি পোড়েইনে এক ডাগেত্তুন ধুরি অন্য ডাগর্ থুম্ সং দুড়িলোই মাবিলো। পত্তমে দ্বিয়েন দুড়িলোই মাপ্যে মানুচ্চুনোরে মারে ফেলা অলঅ আর সে পরেন্দি এক্কান দুড়িলোই মাপ্যে মানুচ্চুনোরে বাঁজেই রাগা অলঅ। ইয়েনর্ পরেন্দি মোয়াবীয়গুনে দায়ূদো অধীন ওইনে তারে হাজানা দিয়্যে ধুরিলাক্।

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

২ রাজাবলী 24:3

লগেপ্রভুর উগুম মজিম যিহূদা উগুরে ইয়েনি ঘুদি যেইয়্যে যেনে তে নিজো মুজুঙোত্তুন্‌ তারারে ধাবেই দি পারে। ইয়েনি ঘুদি যেইয়্যে মনঃশির বেক্‌ পাপ্পানির কারনে আর নিদ্দুজি মানুচ্চুনোর লো ঝরানার্‌ কারণে। তে তারা লোগানিলোই যিরূশালেমান্‌ পূরোণ গোজ্যে, আর লগেপ্রভু সিয়েনি ক্ষেমা গুরিবাত্তে রাজী ন-অলঅ।

যিরমিয় 2:22

যুনিয়ো তুই সোডালোই নিজোরে ধস্ আর অমকদ সাগোন্ বেবহার গরচ্ তো তর্ অন্যেয়র দাগ্ মঅ মুজুঙোত্ রোইয়্যে। মুই প্রভু লগেপ্রভু এ কধাগান কঙর্।

যিরমিয় 6:29

আগুন্দোই সিসে পুড়ি ফেলেবাত্তে কামাড় ফগনালোই যদবদে বোইয়্যের্ দের্; মাত্তর্ অনত্তক্ আজলান্ নিগিলেবার চেট্ট্যা গরা অর্, কিত্তে পাজিগুনোরে নিগিলে ন-যার্।‌‌

যিহিষ্কেল 11:11

এ শঅরান্ তমাত্তে পিলেয়ো ন-অবঅ আর তুমিয়ো সিবে ভিদিরে য়েরা ন-অবা; ইস্রায়েলর দুযিত্ মুই তমারে বেক্কুনোরে সাজা দিম।

যিহিষ্কেল 11:3

তারা কদন্, ‘ঘর বানেবার সময় কি ন-নয়? এ শঅরান যেন রানেদে পিলে আর আমি ওত্ত্যে য়েরা।’

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

যিহিষ্কেল 22:2

ও মান্‌‌‌‌‌‌‌‌জ্যর পুয়োবো, তুই কি বিচের্ গুরিবাত্তে যুক্কোল্ আগচ্? সালে তুই লো ঝোরেয়্যে এই শঅরানর্ বিচের্ গর্। তুই তার্ বেক জঘন্য কামানির কধা তারে জানা।

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 22:3

তুই কঅ, প্রভু লগেপ্রভু কোইয়্যেদে, ইয়েন সে শঅরান্, যে নিজো ভিদিরে লো ঝোরেইনে নিজোর্ দযা ডাগি আনে আর মূত্তি বানেইনে নিজোরে অসিজি গরে।

যিহিষ্কেল 24:3

এ উল্লোমী জাদ ইধু এ উপমাগান কধা কঅ। তারারে কঅ, প্রভু লগেপ্রভু কোইয়্যেদে, পিলেবো চোলুন চড়া, চোলুন চড়া আর সিবে ভিদিরে পানি দে।

যিহিষ্কেল 24:9

প্রভু লগেপ্রভু কোইয়্যেদে, অভিশাব্ পোড়োক্, সেই লো-ঝোরেয়্যে শঅরান, মুইয়ো দার্‌‌বো তুবেইনে অজল্ গুরিম।

যোয়েল 3:3

তারা মঅ মানুচ্চুনোরে ভাগ গুরি নিবাত্তে চাম্বা চেইয়োন আর বেগেয়্যে পেবাত্তে তারা ইস্রায়েলীয় পুয়োগুনোরে বিজি দোন্; আংগুর-রজত্তে তারা ইস্রায়েলীয় মিলেগুনোরে বিজি দোন্ যেনে তারা আংগুর-রজ্ হেই পারন।

ওবদিয় 1:11

অন্য দেজর্ মানুচ্চুনে যেক্কে যাকোবর ধন-সম্বোত্তিগানি নেযাদন্ আর তা গেট্টোদি সোমেইনে যিরূশালেমত্তে চাম্বা চেইয়োন সেক্কে তুই দূরোত্ থিয়্যেই এলে; তুই তারা ধোক্ক্যেন এক্কো ওইয়োচ্।

যোনা 1:7

পরেদি নাবিক্‌‌‌কুনে একজন আর একজনরে কলাক্, “কন্না এই দযাগানত্তে দায়ী সিয়েন চেবাত্তে এজঅ, আমি চাম্বা চেই।”

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

নহূম 3:1

অভিশাব্ পোড়োক্, সেই লো ঝোরেয়্যে শঅরানর্, যিয়েন মিজে আর লুদেয়্যে জিনিস্‌‌‌‌চোই ভোজ্জ্যে, যিয়েনত্ নিত্য মানুচ্-শিগের্ চলের্।

নহূম 3:10

তো তা মানুচ্চুনোরে বন্দী গুরিনে অন্য দেজত্ নেযা ওইয়্যে। পত্তি পধ মুয়োত্ তা চিগোন্ গুড়োগুনোরে আজার্ মাড়া ওইয়্যে। তার্ মুরুব্বীগুনোত্তে চাম্বা চেইনে তারারে চিগোল্লোই বানি নেযা ওইয়্যে।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

দ্বি’লম্বর বিররণ 23:13

তমা আত্যেরানি ভিদিরে মাদি খুঁড়িবাত্তে এক্কান কিজু রাগা পুরিবো। আগিবার্‌ আগেন্দি তুমি সিয়েন্দোই গাদ্‌ খুড়িনে ঘুগান্‌ মাদি জাবেই দিবা।

যিহোশূয় 10:22

পরেন্দি যিহোশূয় কলঅ‌, “গাত্তোর্‌ মুয়োন্‌ খুলিনে সে পাচজন রাজারে নিগিলেনে মইদু আন।”

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।

ফগদাং পেইয়্যে 18:24

ভাববাদীগুনোর, গোজেন মানুচ্চুনোর আর যিদুক্কুন মান্‌‌জ্যরে এ পিত্‌থিমীত মারে ফেলা ওইয়্যে, সিগুনোর্ লো-নি এই বাবিলোত্ পাহ্ যেয়্যে।”