24 যিহিষ্কেলে তমা ইধু এক্কান চিহ্নো ধোক্ক্যেন অবঅ; তে যিয়েনি গোজ্যে তুমি ঠিগ্ সেবাবোত্যে গুরিবা। যেক্কে ইয়েনি ঘুদিবো সেক্কে তুমি হবর্ পেবা, মুয়ই প্রভু লগেপ্রভু।”
সে পরেদি লগেপ্রভু কলঅ, “মঅ চাগর্ যিশাইয় যেধোক্ক্যেন গুরি মিসর আর কূশর বিরুদ্ধে এক্কান চিহ্নো আর আগাম্ লক্ষন ইজেবে তিন বজর সং লাংটা ওইনে সুদো টেঙোই ঘুরি বেড়য়্যে,
এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।
চঅ, তারা মরে কন্, “লগেপ্রভুর কধানি কুদু? ইক্কিনে সিয়েন পুরোন ওক্।”
তুই তারারে কঅ, তুই তারা ইধু এক্কান চিহ্নো। তুই যেবাবোত্যে গুরিলে, তারা উগুরেয়ো সেবাবোত্যে গরা অবঅ। তারা বন্দী ওইনে দূরো দেজত্ যেবাক্।
পযাপিরানি তারা চোগো মুজুঙোত্ কানাত্ তুলি নিবে আর আন্ধার ভিদিরে সিয়েনি নিগিলেবে। তঅ চোগ্কুন নাঢি রাগেবে যেনে তুই তঅ দেজর্ মাদিগান ন-দেগচ্, কিত্যে ইস্রায়েল জাদত্তে মুই তরে এক্কান চিহ্নো ধোক্ক্যেন গোজ্যং।”
ইয়েন্দোই মাদর্ বেক গাজ্চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”
ও ইস্রায়েলীয়গুন, মুই তমার ভান্ন্যেই আচার-বেবহার আর ভান্ন্যেই কাম মজিম্ তমা সমারে বেবহার ন-গুরিম, মাত্তর্ নিজো সুনাঙান্ রোক্ষ্যে গুরিবাত্তে তমা সমারে গম্ বেবহার গুরিম। সেক্কে তুমি হবর্ পেবা যে, মুয়ই লগেপ্রভু।’ মুই প্রভু লগেপ্রভু এ কধাগান কঙর্।”
মুই মঅ মানুচ্ ইস্রায়েলর আঢ্তোই ইদোম উগুরে হেনা সুজিম্ আর তারা মর্ অমকদ বেজারে আহ্ রাগে ইদোম বিরুদ্ধে কাম গুরিবাক্। সেক্কে তারা হবর্ পেবাক্, মুই হেনা সুজ্চ্যং।”
মুই তারা উগুরে জদবদে হেনা সুজিবাত্তে মর্ রাগে তারারে সাজা দিম। মুই যেক্কে তারা উগুরে হেনা সুজিম সেক্কে তারা হবর্ পেবাক, মুয়ই লগেপ্রভু।’”
মুই রব্বা শঅরানরে উট রাগেবার জাগা আর অম্মোন দেজছানরে ভেড়া জিরেবার জাগা বানেম। সেক্কে তুমি হবর্ পেবা, মুয়ই লগেপ্রভু।
সেনত্তে তমা বিরুদ্ধে মুই মঅ আঢ্তানি বাড়েম্ আর লুদেয়্যে মাল্ ইজেবে অন্য জাদ আঢত্ তমারে তুলি দিম। অন্য জাদ আর দেজ ভিদিরেত্তুন্ মুই তমারে সুলিনে ভস্ত গুরি দিম। সেক্কে তুমি হবর্ পেবা, মুয়ই লগেপ্রভু।’”
সে পরেদি লুয়োর্ এক্কান পাত নিইনে সিয়েন তর্ আর শঅরর্ সংমোধ্যে দেবাল ধোক্ক্যেন রাগা আর তঅ মুয়োন সিয়েন ইন্দি ফিরেই রাগা। সেক্কে শঅরান ঘিরে ওইয়্যে বুঝো যেবঅ; এধোক্ক্যেনগুরি তুই দেগেবেদে যে, শঅরান ঘিরে ওইয়্যে। ইয়েন অবদে ইস্রায়েল জাদত্তে এক্কান চিহ্নো।
আর তমা ভিদিরে তমা মানুচ্চুনে মুরিনে পড়ি থেবাক্। ইয়েনি অনার্ পরেদি তুমি হবর্ পেবা যে, মুয়ই লগেপ্রভু।
রাজা আবিলেচ্ গুরিবো, রাজপুরুষ্চো আমক্ অবঅ, আর দেজ মানুচ্চুনোর আঢ্তানি গির্গিরেব। মুই তারার্ চালচলন মজিম্ তারা সমারে বেবহার গুরিম আর তারার্ পাওনা মজিম্ সাজা দিম্। সেক্কে তারা হবর্ পেবাক্ যে, মুয়ই লগেপ্রভু।”
মুই মেয়্যেলি চোগেদি তমা ইন্দি রিনি ন-চেম্ বা তমারে রেহাইঅ ন-দিম্; তমার চালচলনানি আর তমা ভিদিরে জঘন্য কামর্ পাওনাগানি মুই তমারে দিম্। সেক্কে তুমি হবর্ পেবা যে, মুই লগেপ্রভু আঘাত্ গরং।
আর সেক্কে মঅ পৌইদ্যেনে সাক্ষি দিবাত্তে তমার্ সুযোগ অবঅ।
ইয়েন গুদিবার্ আগেদি মুই তমারে কঙর্, যেন ঘুদিলে পরেদি তুমি বিশ্বেজ্ গুরি পার যে, মুয়ই সিবে।
ইয়েনি বেক্কানি ঘুদিবার্ আগেদি মুই তমারে কোই থোলুং যেন ঘুদিলে পরেদি তুমি বিশ্বেজ্ গুরি পারঅ।
মুই তমারে ইয়েনি বেক্কানি কলুং যেন সেই সময়বো এলে পরেদি তমাত্তুন্ ইদোত্ উদে যে, মুই তমারে এ কধাগান্ কোইয়োং। মুই পৌইল্যাত্তুন্ ধুরি এদক্কানি কধা তমারে ন-কং, কিয়া মুই তমা সমারে সমারে এলুং।