যিহিষ্কেল 24:23 - Chakma Bible

²³ তমা মাঢাত্ তুমি মাপালার্ বানিবা আর টেঙত্ জদা পিনিবা। তুমি আবিলেচ্ ন-হেবা বা ন-কানিবা, মাত্তর্ নিজো নিজো পাপত্তে বল্‌‌‌‌‌‌‌‌‌‌পোজ্যে ওই যেবা আর একজন আর একজন ইধু ফোবেবা।

যিহিষ্কেল 24:23 ပူးပေါင်းရင်းမြစ်များ

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

ইয়োব 27:15

তারা পরেদি যিগুনে বাঁজি থেবাক্ তারার মরণান অবঅ ভানা পিড়েলোই; তারার রাণি মিলেগুনে তারাত্তে ন-কানিবাক্।

গীতসংহিতা 107:17

যিগুনোর মনানি বাজে সিগুনে তারার উল্লোমিগানিত্তে আর অন্যেয়ত্তে দুঘ্ পেলাক্।

গীতসংহিতা 78:64

তলোয়ারানিত্ তারার ধর্মগুরুগুনে মুরি গেলাক্; তারার রানিমিলেগুনে আবিলেচ্ গুরি ন-পারিলাক্।

যিশাইয় 20:2

যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিশাইয় 59:11

আমি বেক্কুনে ভালুগো ধোক্ক্যেন গুজুরিই, কঅ ধোক্ক্যেন নরম্ গুরি ডাগিই। আমি ন্যায়বিচের পেবাত্তে চেই, মাত্তর্ ন-পেই; আমি উদ্ধোর্ পেবাত্তে চেই, মাত্তর্ সিয়েন বোউত্ দূরোত্ থায়।

যিরমিয় 13:18

লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

আবিলেচ্ 4:9

ভাদরাদে মরানাত্তুন্ বরং যুদ্ধোত্ মরানা গম্; মঅ মানুচ্চুনে খেদর্ শোজ্যর্ অভাবে পেট্‌পরায় কেঙেদা ওই যাদন্।

যিহিষ্কেল 24:22

সেক্কে যিহিষ্কেলে যিয়েনি গোজ্যে তুমিয়ো সিয়েনি গুরিবা। মুয়োর্ তলেদিগান তুমি ন-ঢাগিবা বা মানুচ্চুনোর পাদেয়্যে হানাগান ন-হেবা।

যিহিষ্কেল 33:10

ও মান্‌জ্যর পুয়োবো‌‌‌‌‌‌‌‌‌‌‌, তুই ইস্রায়েল জাদরে কঅ, তুমি কত্তে তমা ভান্ন্যেয়ানি আর পাপর্ ভারানি তমা উগুরে চাবি দিয়্যে আঘে; সেনত্তেই তুমি ক্ষয় ওই যর্, বাঁজিবার আজা নেই।

যিহিষ্কেল 4:17

সেনত্তে হানা আর পানির অভাব অবঅ। তারা একজন আর একজনরে দেগিনে আমক্ অবাক্ আর তারার পাপত্তে তারা ক্ষয় ওই যেবাক্।

যিহিষ্কেল 44:18

তারা মাঢাত্ মসীনার পাগড়ী থেবঅ আর তারা মসীনার জাংগি পিনিবাক্; যেনে ঘাম অয় এবাবোত্যে কাবড় তারা ন-পিনিবাক্।

লেবীয় 26:16

সালে মুই তমা উগুরে যিয়েন্‌ গুরিম সিয়েন্‌ এই-মুই তমা উগুরে অদাদৎ কনঅ কিয়্যে ক্ষয় যাইদে রুগ্‌ আর সাংগাদিক জ্বর্ আনিম। এদক্কানি রুগ্‌কোই তমার্‌ চেবার্‌ খেমতা আর কিয়্যের্‌ বল্‌ কমা ধুরিবো। সেক্কে তুমি বীজ ফেলেলেয়ো কনঅ লাভ ন-অবঅ, তমার ফসলানি শত্রুগুনেই হেবাক্।

লেবীয় 26:39

সে পরেদিয়ো তমা ভিদিরে যিগুনে সিয়েনত্‌ পড়ি থেবাক্‌ তারা তারার্‌ নিজোর আর আগমানুচ্চুনোর্‌ দুজোর্‌ কারনে শেজ্ ওই যেবাক্।