যিহিষ্কেল 24:19 - Chakma Bible

¹⁹ সেক্কে মানুচ্চুনে মরে পুযোর্ গুরিলাক্, “তুই যিয়েন গোজ্যস্ আমাত্তে সিয়েনর্ ভেদ্‌তান্ কি? সিয়েন কি আমারে ন-কবে?”

যিহিষ্কেল 24:19 ပူးပေါင်းရင်းမြစ်များ

যিহিষ্কেল 12:9

ও মান্‌‌‌জ্যর পুয়োবো, উল্লোমী ইস্রায়েল জাদে কি তরে পুযোর্ ন-গরে, তুই কি গরর্?

যিহিষ্কেল 17:12

তুই এই উল্লোমী জাদ্‌তোরে কঅ‌, ইয়েনির্ অত্ত কি সিয়েন কি তুমি হবর্ ন-পঅ? বাবিলর রাজা যিরূশালেমত্ এইনে তার রাজা আর রাজপুরুষ্‌‌চুনোরে ধুরিনে বাবিলোত্ নেযেল।

যিহিষ্কেল 20:49

সেক্কে মুই কলুং, “ও প্রভু লগেপ্রভু, মানুচ্চুনে মঅ পৌইদ্যেনে কদন্, মুই বানা হিত্যে কধানি কঙর্।”

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

যিহিষ্কেল 24:18

মুই বেন্যেমাঢান্ মানুচ্চুনো সমারে কধা কলুং আর সাজোন্যে মঅ মোক্কো মুরি যেইয়্যে। পরেদি বেন্যেমাঢান্ মুই লগেপ্রভুর উগুম মজিম্ কাম গুরিলুং।

যিহিষ্কেল 24:20

সেনত্তে মুই তারারে কলুং, প্রভু লগেপ্রভু মরে ইস্রায়েলীয়গুনোত্তে এ কধাগান কবাত্তে কোইয়্যেদে, “মঅ ঘরান, যিয়েন তমার খেমতার বাড়্‌বো গরানা, যিয়েন তমার চোগোর সুগ্ আর তমার্ মেয়্যের্ জিনিস, সিয়েনরে মুই অসিজি গোরেম। তমার্ যিদুক্কুন ঝি-পুয়ো তুমি ফেলেই যেইয়ো তারা যুদ্ধোত্ মুরিবাক্।

যিহিষ্কেল 37:18

তঅ জাদর্ মানুচ্চুনে যেক্কে তরে পুযোর্ গুরিবাক্, তুই কি ইয়েনর ভেদ্‌তান্ আমারে ন-কবে?

মালাখি 3:13

লগেপ্রভু আরঅ কত্তে, “তুমি মঅ বিরুদ্ধে দর দর কধা কোইয়ো, মাত্তর্ তুমি কত্তে, ‘তঅ বিরুদ্ধে আমি কি কোইয়্যেই?’