যিহিষ্কেল 24:17 - Chakma Bible

¹⁷ তুই ভিদিরে ভিদিরে ভঅ নিজেস্ ফেলেবে। তুই মরাগুনোত্তে আব্‌‌‌‌‌‌‌‌‌সোজ্ ন-গুরিচ্। তুই মাপালার্ বান্ আর টেঙত্ জদা পিন্; তর্ মুয়োর্ তলেদিগান ন-ঢাগিচ্ বা মানুচ্চুনোর পাদেয়্যে হানাগানি ন-খেয়ো।”

যিহিষ্কেল 24:17 ပူးပေါင်းရင်းမြစ်များ

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

গীতসংহিতা 37:7

লগেপ্রভুর মুজুঙোত্ শান্ত অ; ধৈর্য্য ধুরিনে তাত্তেই বাজ্জেই থাগঅ। নিজোর্ কামানি ফোলেবাত্তে যে মানুচ্চো তার্ পাজি সল্লাগান কামত্ লাগায়, সিয়েনত্তে তুই মনান্ যাগুলুগ্ ন-গুরিচ্।

গীতসংহিতা 39:9

মুই জুরো গুরি আগং, মুয়োন ন-খুলিম, কিয়া তুয়ই এ দুঃখানি অবাত্তে দুয়োচ্।

গীতসংহিতা 46:10

লগেপ্রভু কয়দে, “তুমি থাম; তুমি এ কধাগান জানি লঅ, মুয়ই গোজেন; বেক্ জাদ্‌তুনে মরে বাঈনী গুরিবাক্, বাঈনী দান গুরিবো পিত্‌থিমীগানে।”

যিশাইয় 20:2

যে বজর তে আক্রমন গোজ্যে সে বজরত্ লগেপ্রভু আমোসর পুয়ো যিশাইয়রে কোইয়্যেদে, “তঅ কিয়্যেগানত্তুন্ বস্তা পাদা আর টেঙত্তুন্ জদা খুলি ফেলা।” সেনে যিশায়ই লাংটা ওইনে সুদো টেঙোই ঘুরি বেড়া ধুরিলো।

যিরমিয় 13:18

লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

যিহিষ্কেল 24:18

মুই বেন্যেমাঢান্ মানুচ্চুনো সমারে কধা কলুং আর সাজোন্যে মঅ মোক্কো মুরি যেইয়্যে। পরেদি বেন্যেমাঢান্ মুই লগেপ্রভুর উগুম মজিম্ কাম গুরিলুং।

যিহিষ্কেল 44:18

তারা মাঢাত্ মসীনার পাগড়ী থেবঅ আর তারা মসীনার জাংগি পিনিবাক্; যেনে ঘাম অয় এবাবোত্যে কাবড় তারা ন-পিনিবাক্।

হোশেয় 9:4

তারা লগেপ্রভুর নাঙে আংগুর-রসচোই পানীয়-উৎসর্ব ন-গুরিবাক্ আর তারার্ য়েমান-উৎসর্বগানিয়ো তারে হুজি ন-গুরিবাক্। সেবাবোত্যে উৎসর্ব তারা ইধু আবিলেচ্‌গুরিয়্যেগুনো হানা ধোক্ক্যেন অবঅ; যিগুনে সিয়েন হেবাক্ তারা বেক্কুনে অসিজি অবাক্। সে হানাগান তারার্ নিজোর পেট্‌পরা মারেবাত্তে অবঅ, সিয়েন লগেপ্রভুর ঘরত্ ন-এবঅ।

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

লেবীয় 13:45

এধোক্ক্যেন রোগ্‌ যার্‌ অবঅ তাত্তুন্‌ ফাদা কাবড় উরো পড়িবো। তে চুলান্ খুলি রাগেব। তাত্তুন্‌ তার্‌ মুয়োনর তলেন্দিগান্‌ ঢাগিনে কিযেক্‌ কারিনে কুয়া পুড়িবো, ফিবলা, ফিবলা।

লেবীয় 21:10

“দাঙর্‌ ধর্মগুরু, অত্তাৎ ভেইয়ুনো ভিদিরে যিবের্‌ মাদাত্‌ অভিষেগ-তেল ঢালা ওইয়্যে আর আগ ধোক্ক্যেন রাগেবার্‌ অনুষ্ঠানান্দোই যে দাঙর্‌ ধর্মগুরুবোর্‌ পবিত্র পোজাক্‌ উড়িবার্‌ অধিকার্‌ পেইয়্যে, দুঘ্-ফগদাঙ্‌ গুরিবাত্তে তার্‌ চুলোর্‌ বান্যেগান্‌ খুলি দেনা বা তার্‌ কাবড় ফাদি ফেলানা ন-চলিবো।

আমোষ 8:3

সেদিন্যে রাজঘরত্ গান বদলে এই আবিলেচ্‌‌‌চান অবঅ, ‘বোউত্, বোউত্ মরাকিয়্যে; সিয়েনি বেক্ জাগানি ইধু লুঙি মারিনে ফেলা ওইয়্যে। জুড়ো অ।’ ”

মীখা 3:7

সেক্কে সেই দর্শন পেইয়্যেগুনে লাজত্ পড়িবাক্ আর গোণোক্ক্যেগুনে অসর্মানিত অবাক্। তারা বেক্কুনে মুয়োনি লুগেবাক্, কিত্যে গোজেনে কনঅ জোব্ ন-দিবো।

হবক্‌‌‌‌কূক 2:20

মাত্তর্ লগেপ্রভু তার্ সুদ্ধো-সাংগ ঘরত্ আঘে; বেক্ পিত্‌থিমীগান তা মুজুঙোত্ জুরোগুরি থোক্‌‌‌‌‌‌।”

মথি লেখ্যে গম্ হবর্ 9:23

ইয়েনর্ পরেদি যীশু সেই যিহূদী নেতাবো ঘরত্ গেলঅ। সিয়েনত্ তে দেগিলো, যিগুনে বাশী বাজান্ তারা আঘন্ আর মানুচ্চুনে রঅ ছাড়দন্।