যিহিষ্কেল 24:13 - Chakma Bible

¹³ “‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

যিহিষ্কেল 24:13 ပူးပေါင်းရင်းမြစ်များ

যিশাইয় 22:14

বেগত্তুন্ খেমতাবলা প্রভু লগেপ্রভু মঅ ইদু এ কধাগান ফগদাং গোজ্যে, “ তমার্ মরণ সময়োত্অ এ পাপ্পান খেমা গরা ন-অবঅ। মুই বেগত্তুন্ খেমতাবলা প্রভু লগেপ্রভু এ কধাগান কঙর্।”

যিরমিয় 13:27

মুই তর্ সিনেলী আর কামনাবলা ডাগনি আর লাজ্ নেইয়্যে বেশ্যের্ কামানি দেখ্যং; দেখ্যং মুড়োই মুড়োই আর মাঢে মাঢে এই জঘন্য কামানি। যিরূশালেম, অভিশাব তরে! আর কয়দিন তুই অসিজি থেবে?”

যিরমিয় 31:18

মুই ঘেচ্চেকগুরি ইফ্রয়িমর এই নরম রবো শুন্যং, তুই মরে অবাধ্য গোরু ছঅ ধোক্ক্যেন গুরি শাজন্ গোজ্যস্, আর সিয়েনর ফলে মুই সাজা পেইয়োং। মরে ফিরে, সেক্কে মুই ফিরিম, কিত্তে তুয়ই মর্ গোজেন লগেপ্রভু।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

যিহিষ্কেল 16:42

সে পরেদি তঅ উগুরেত্তুন মর্ রাগ্‌কান আর মনর্ জ্বালাগান থামেব। মুই শান্ত ওম, আর অহুজি ন-ওম।

যিহিষ্কেল 22:24

ও মান্‌‌‌‌‌‌‌‌‌জ্যর পুয়োবো, তুই দেজ্‌‌‌‌‌‌‌‌‌‌চানরে কঅ, তুই এক্কান অসিজি দেজ্, সেনত্তে মর্ রাগ দিনোত্ তঅ উগুরে ঝড় ন-পড়িবো।

যিহিষ্কেল 24:11

সে পরেদি খালি পিলেবো আগুনো উগুরে রাগা যেন সিবে গরম্ অয়, সিবের্ তামাগান পুড়িনে রাঙা অয়, সিবের্ অসিজিগানি বেক্কানি গুলি যায় আর সিবের্ কজরাগান পুড়ি যায়।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

হোশেয় 7:1

যেক্কে মুই মঅ মানুচ্চুনোর্ অবস্থা ফিরেবাত্তে চাং, যেক্কে ইস্রায়েলরে গম্ গুরিবাত্তে চাং, সেক্কে ইফ্রয়িমর পাপ দেগা যায় আর শমরিয়ার অন্যেয়ানি ফগদাং অয়। তারা ছলনা গরন্, ঘরত্ চুর্ সমন্ আর বারেদি ডাগেত্তুনে লুদোন্;

লেবীয় 13:55

সে পরেদি ধর্মগুরুবো আরঅ‌ সিয়েন্‌ চেবঅ। সিয়েন্‌ ছিদি ন-পড়িলেয়ো যুনি চাদে আগ ধোক্ক্যেন থেই যায় সালে বুঝো পড়িবো জিনিস্‌ছান্‌ ফিবলা। জিনিস্‌ছান ভিদিরে-বাইরে যিয়েনদি সেই ফারাঙিগান্ থেদ সাৎ, সিয়েন্‌ আগুনোত্‌ পুড়ি ফেলা পুরিবো।

লেবীয় 14:43

দেবালানত্তুন্‌ পাত্তরুন খুলি ফেলেইনে, চাজিনে, মাদি দিইনে লিবিবার্‌ পরেদি ঘরর্‌ দেবালত্‌ যুনি আরঅ‌ ফারাঙি দেগা যায়,

সফনিয় 3:2

তে কাররে ন-মানে, শাজন্‌অ গ্রাজ্য ন-গরে। লগেপ্রভু উগুরে তে নির্ভর্ ন-গরে, তা গোজেন ইধু ন-যায়।

সফনিয় 3:7

মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।

সখরিয় 6:8

সে পরেদি তে মরে ডাগিনে কলঅ, “চাহ্, যিগুনে উত্তোর্ দেজ ইন্দি যাদন্ তারা মঅ রাগ্‌‌‌‌‌‌কান থামেই দুয়োন্।”

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”