যিহিষ্কেল 24:11 - Chakma Bible

¹¹ সে পরেদি খালি পিলেবো আগুনো উগুরে রাগা যেন সিবে গরম্ অয়, সিবের্ তামাগান পুড়িনে রাঙা অয়, সিবের্ অসিজিগানি বেক্কানি গুলি যায় আর সিবের্ কজরাগান পুড়ি যায়।

যিহিষ্কেল 24:11 ပူးပေါင်းရင်းမြစ်များ

যিশাইয় 1:25

মুই তঅ বিরুদ্ধে মঅ আঢ্‌তানি তুলিম্। ধাতু ধোক্ক্যেন গুরি মুই ক্ষার্‌লোই তঅ খাদ্‌তান নিগিলেম আর তর্ বেক ভেজালানি দূর্ গুরি দিম্।

যিশাইয় 27:9

ইয়েনর্ মাধ্যমে যাকোবর্ পাপর্ দেনা সুজি দিয়্যে পুরিবো, মাত্তর্ তার বেক্ পাপ্‌পানি দূর্ গুরিবার আগেদি সিবিদি পাত্তর ধোক্ক্যেন্ গুরি তে তা পূজোর্ বেক্ পাত্তরুন্ ভস্ত গুরিবো; কনঅ আশেরা-খুদো বা আগর্‌বাট্টি-পুজো ন-থেবঅ।

যিশাইয় 4:4

প্রভু তা আত্মালোই আগুন্ দিইনে দোল্ বিচের গুরিনে সিয়োন মিলেগুনোর্ কজরাগানি কাজেব আর যিরূশালেমত্তুন্ লো ঝরানার্ দাগ্‌কানি দূর্ গুরি দিবো।

যিরমিয় 21:10

মুই এ শঅরর্ ভালেদি নয় মাত্তর্ খেতি গুরিবাত্তে মনান্ থির্ গোজ্যং। বাবিলো রাজা আঢত্ ইয়েন দিয়্যে অবঅ, আর তে আগুন্দোই ইয়েন পুড়ি দিবো।

যিরমিয় 32:29

যে বাবিলীয়গুনে শঅরান্ আক্রমণ গোজ্যন্ তারা শঅরত্ চোমেইনে সিয়েনত্ আগুন বাজেই দিবাক্। যেদক্কানি ঘরর্ ছাল উগুরে মানুচ্চুনে বাল দেবেদার নাঙে আগর্‌বাট্টি জ্বালেয়োন আর অন্য দেবেদার নাঙে ঢাল্যে-উৎসর্বর অনুষ্ঠান গুরিনে মরে অহুজি গোজ্যন্ তারা সে ঘরানি সুমুত্তো শঅরান পুড়ি দিবাক্।

যিরমিয় 37:10

যে বাবিলীয় সৈন্যগুনে তমারে আক্রমণ গোজ্যন্ তুমি যুনি তারারে বেক্কুনোরে ওদেই দুয়ো আর বানা তারার আহত মানুচ্চুনে তাম্বুলোত্ পড়ি থান, সালে তারা নিগিলি এইনে এ শঅরান পুড়ি ফেলেই দিবাক্।’ ”

যিরমিয় 38:18

মাত্তর্ যুনি বাবিল-রাজার সেনাপতিবো ইধু উদি যানা স্বিগের্ ন-গরচ্ সালে এ শঅরান বাবিলীয়গুনো আঢত্ তুলি দিয়্যে অবঅ আর তারা ইয়েন পুড়ি ফেলেই দিবাক্; আর তুই নিজেয়ো তারা আঢত্তুন্ রোক্ষ্যে ন-পেবে।’ ”

যিরমিয় 39:8

বাবিলীয়গুনে রাজঘরত্ আর মান্‌জ্য ঘরত্ আগুন বাজেই দিলাক্ আর যিরূশালেমর দেবালানি ভাঙি ফেলেলাক্।

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

যিহিষ্কেল 20:38

তমা ভিদিরে যিগুনে মঅ বিরুদ্ধে থান্ আর উল্লোমী গরন মুই তারারে দূর্ গুরি দিম। তারা যে দেজত্ বজত্তি গত্তন্ যুনিয়ো সিয়োত্তুন মুই তারারে নিগিলেই আনিম তো তারা ইস্রায়েল দেজত্ চোমেই ন-পারিবাক্। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 24:10

সেনত্তে ভালোক্কানি দার্‌‌বো সাজা, আগুন জ্বালা, মজলা মিজেইনে য়েরাগান গমেডালে রান্, আড়ুন্ পুড়ি যেবাত্তে দে।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মথি লেখ্যে গম্ হবর্ 3:12

কুলোগান্ তা আঢত্ আঘে আর তার খেত্-খেত্তিগানি মাড়িবার জাগা তে গমে ডালে সাব্ গুরিবো। তে তার শোজ্যগানি তা গোলাঘরত্ থুবেব, মাত্তর্ যে আগুনান্ কনদিন্অ ন-মরে সে আগুনোত্ তুষ পুড়ি ফেলেব।”