যিহিষ্কেল 23:9 - Chakma Bible

⁹ সেনত্তে মুই তারে তা লাঙুনো আঢত্, অত্তাৎ যিগুনোরে তে কামনা গুরিদো সেই আসিরিয়গুনো আঢত্ ইরি দিলুং।

যিহিষ্কেল 23:9 ပူးပေါင်းရင်းမြစ်များ

২ রাজাবলী 15:29

ইস্রায়েলর রাজা পেকহর সময়োত্‌ আসিরিয়ার রাজা তিগ্লৎ-পিলেষর এইনে ইয়োন, আবেল-বৈৎ-মাখা, যানোহ, কেদশ, হাৎসোর, গিলিয়দ, গালীল আর নপ্তালির পুরো চাগালাগান গজক গুরিলো আর মানুচ্চুনোরে বন্দী গুরিনে আসিরিয়াত্‌ নেযেল।

২ রাজাবলী 17:23

যেরেন্দি লগেপ্রভু তার্‌ বেক্‌ চাগরুনোরে, অত্তাৎ ভাববাদীগুনোর্‌ মাধ্যমে দিয়্যে উজিয়ারর্‌ কধা মজিম তার্‌ মুজুঙোত্তুন্‌ তারারে দূর্‌ গুরি দিলো। ইয়েনত্তেই ইস্রায়েলর মানুচ্চুনোরে তারার্‌ নিজোর্‌ দেজত্তুন্‌ বন্দী গুরিনে আসিরিয়া দেজত্‌ নেযা অলঅ, আর এজঅ তারা সিদু আগন্‌।

১ বংশধর 5:26

সেক্কে ইস্রায়েল গোজেন আসিরিয়ার রাজা পূলর, অত্তাৎ তিগ্লৎ-পিলেষর মনত্ রাগ উদিলো। তে রূবেণীয়, গাদীয় আর মনঃশি-গুট্টির অদ্দেক্‌ মান্‌জ্যরে বন্দী গুরিনে হেলহ, হাবোর আর হারা চাগালাত্‌ আর গোষণ গাঙর্‌ পারত্‌ নেযেল; এজঅ সং তারা সিদু আগন্‌।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিহিষ্কেল 16:37

সিয়েনত্তে মুই তর্ সেই বেক্ লাঙেগুনোরে এগত্তর্ গুরিম যিগুনো সমারে তুই ফুত্তি গোজ্যস্। যিগুনোরে তুই কোচ্‌পেইয়োচ্ আর যিগুনোরে ঈচ্ গোজ্যস্ তারারে বেক্কুনোরে মুই এগত্তর্ গুরিম। মুই চেরোকিত্তেত্তুন্ তঅ বিরুদ্ধে তারারে এগত্তর্ গুরিম আর তারা মুজুঙোত্ তর্ বেক্ কাবড়-চুগোড়ানি খুলি দিম যেনে তারা তর্ লাংটা-বাংটাগান দেগন্।

যিহিষ্কেল 23:18

তে খুলোমেলাগুরিনে যেক্কে তার বেশ্যেগিরি চালা ধুরিলো আর তার্ লাংটা-বাংটাগান ফগদাং গুরিলো সেক্কে মুই তারে ঈচ্ গুরিলুং, যেবাবোত্যে মুই তা বোন্নোরে ঈচ্ গোজ্যং।

যিহিষ্কেল 23:22

সেনত্তে মুই প্রভু লগেপ্রভু কঙর্, তর্ যিদুক্কুন লাঙরে তুই ঈচ্ গোজ্যস্ মুই তারারে তঅ বিরুদ্ধে উচ্চোমি তুলি দিম আর চেরোকিত্তেত্তুন্ মুই তারারে তঅ বিরুদ্ধে আনিম্।

হোশেয় 11:5

ইস্রায়েলীয়গুন মন ফিরেদে রাজী ন-অন্ বিলি তারা মিসরত্ ফিরি ন-যেবাক্, বরং আসিরিয়া তারা উগুরে রাজাগিরি গুরিবো।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।