যিহিষ্কেল 23:4 - Chakma Bible

⁴ তারা ভিদিরে দাঙর্‌বো নাঙান এলঅ অহলা আর তা বোন্নো নাঙান এলঅ অহলীবা। পরেদি তারা মর্ অলাক্ আর ঝি-পুয়োর্ জর্ম দিলাক্। অহলা অলঅ শমরিয়াত্ আর অহলীবা অলঅ যিরূশালেমত্।

যিহিষ্কেল 23:4 ပူးပေါင်းရင်းမြစ်များ

১ রাজাবলী 12:20

যারবিয়ামে ফিরি এজানার হবরান্‌ শুনিনে ইস্রায়েলীয়গুনে মানুচ্‌ পাদেইনে তারে তারার্‌ মিটিঙোত্‌ ডাগি আনিলাক্‌ আর বেক্‌ ইস্রায়েলীয়গুনো উগুরে তারা তারে রাজা বানেলাক্‌। বানা যিহূদা-গুট্টির মানুচ্চুনে দায়ূদো বংশর উগুরে বিশ্বেজি এলাক্‌।

১ রাজাবলী 8:29

যে জাগানর পৌইদ্যেনে তুই কোইয়োচ্‌, এ জাগানত্‌ মর্‌ থেবারঘর অবঅ, সে জাগান ইন্দি, অত্তাৎ এ তবনা ঘরানর ইন্দি তর্‌ চোক্কুন্‌ দিন-রেত্‌ খুলো থোগ্; আর এ জাগান ইন্দি ফিরিনে তঅ চাগর্‌বো যেক্কে তবনা গুরিবো সেক্কে তুই সিয়েনি শুনিচ্‌।

গীতসংহিতা 76:2

শালেমত্ তার থেবার-ঘরান্ আর সিয়োনত্ তার থেবারজাগা আঘে।

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিরমিয় 3:7

মুই মনে গোজ্যংগে ইয়েনি গুরিবার পরেদি তে মইধু ফিরি এবঅ, মাত্তর্ তে ন-এজে আর তার অবিশ্বেজি বোন যিহূদা সিয়েন দেখ্যে।

যিহিষ্কেল 16:20

তর্ যিদুক্কুন ঝি-পুয়ো তুই মত্তে পেদত্ ধোজ্যস্ তারারে নিইনে তুই হানা ইজেবে মূত্তিগুনো নাঙে উৎসর্ব গোজ্যস্। তর্ সিনেলীর্ কামানি বোউত্ এলঅ।

যিহিষ্কেল 16:40

তারা তঅ বিরুদ্ধে একদল মান্‌জ্যরে উত্তেজিত গুরিবাক্; তারা তরে পাত্তর্ মেলা দিইনে মারে ফেলেবাক্ আর তারার্ তলোয়ার্‌লোই তরে কট্টা কট্টা গুরি কাবিবাক্।

যিহিষ্কেল 16:46

তঅ দাঙর্ বোন্নো শমরিয়া; তা ঝিগুনোরে নিইনে তে তঅ উত্তোরেদি বজত্তি গরে। তঅ চিগোন বোন্নো অলঅ সদোম; তে তার ঝিগুনোরে নিইনে তর্ দোগিণেদি বজত্তি গরে।

যিহিষ্কেল 16:8

পরেদি মুই তঅ কায়-কুরেদি যেবার অক্তত্ তন্দি রিনি চেইনে দেগিলুং, তর্ ইক্কিনে প্রেম গুরিবার সময় ওইয়্যে; সেনত্তে মঅ পোজাগর্ কিজু ভাগ্ মুই তঅ উগুরে বিজেই দিইনে তর্ লাংটা-বাংটাগান নাঢি দিলুং। মুই তইধু শমক্ হেইনে তঅ সমারে চুক্তি গুরিলুং, আর সেক্কে তুই মর্ অলে।

যিহিষ্কেল 23:3

কম্ বয়জত্তুন্ ধুরি মিসর দেজত্ তারা বেশ্যেগিরি গুরিদাক্। সে দেজত্ মানুচ্চুনে তারার্ বুগ্‌‌‌‌‌‌‌‌‌‌‌‌‌‌‌‌কুন ধুরিনে কির্বো গুরিনে তারার্ খাটি গাবুরো জিংকানিগান বর্‌‌‌‌‌‌‌‌‌‌‌‌‌‌‌‌‌বাত্ গোজ্যন্।

যিহিষ্কেল 23:36

ইয়েনর্ পরেদি লগেপ্রভু মরে কলদে, ও মান্‌‌‌জ্যর পুয়োবো, তুই কি অহলা আর অহলীবার বিচের্ গুরিবাত্তে যুক্কোল্? সালে তুই তারার্ জঘন্য কামর্ কধানি তারারে জানা।

যিহিষ্কেল 23:44

মান্‌‌‌‌‌জ্যে যেবাবোত্যে বেশ্যে লগে ঘুম যান সেবাবোত্যে গুরি তারা অহলা আর অহলীবা লগে, সেই কামুক মিলেবো সমারে ঘুমেলাক্।

যিহিষ্কেল 23:5

অহলা মর্ থাগদে সিনেলী গুরিলো। তা লাঙেগুনো উগুরে, অত্তাৎ আসিরিয়গুনো উগুরে তে জুড়্‌‌বোত্যে। ইগুনে এলাক্ য়েল্ কাবড় উজ্যে যোদ্ধা, শাজন্‌গুরিয়্যে আর সেনাপতি; বেক্কুনে দোল্ গাবুজ্যে আর ঘোড়াচালেয়্যে।

হোশেয় 1:3

সেনত্তে হোশেয় দিব্‌লায়িমর ঝি গোমররে ললঅ আর গোমরে পিদিলী ওইনে হোশেয়ত্তে এক্কো পুয়োর্ জর্ম দিলো।

হোশেয় 2:7

তে তার্ লাঙেগুনো পিজেদি যেবঅ মাত্তর্ তারারে ধুরি ন-পারিবো; তে তারারে তোগেব মাত্তর্ ন-পেবঅ। সেক্কে তে কবঅ, মুই মর্ পত্তম্ নেক্কো ইধু ফিরি যেইম্, কিত্যে সেক্কে মুই ইত্তুন্ বেশ্ গমে এলুং।

যোহন 4:22

তুমি যিবেরে ন-চিনো সিবের্ উবোসনা গুরি থাগঅ, মাত্তর্ আমি যিবেরে জানিই তার্ উবোসনা গুরিই, কিয়া পাপত্তুন্ উদ্ধোর্ পেবার্ পথ যিহূদীগুনোর্ মাধ্যমে এচ্চ্যে।

রোমীয় 7:4

ঠিগ্ সেবাবোত্যে মর্ ভেইয়ুন, যীশু খ্রীষ্টর্ মাধ্যমে মোশির্ রীদি-সুদোমর্ দাবি-দাওয়া ইধু তুমিয়ো মোজ্জ্য। সিয়েনর্ কারনে যিবেরে মরণত্তুন্ জেদা গরা ওইয়্যে তুমি সেই যীশু খ্রীষ্টর্ ওইয়ো, যেন গোজেনত্তে তমা জিংকানিয়ানি দোল্ ওই উদে।