যিহিষ্কেল 23:3 - Chakma Bible

³ কম্ বয়জত্তুন্ ধুরি মিসর দেজত্ তারা বেশ্যেগিরি গুরিদাক্। সে দেজত্ মানুচ্চুনে তারার্ বুগ্‌‌‌‌‌‌‌‌‌‌‌‌‌‌‌‌কুন ধুরিনে কির্বো গুরিনে তারার্ খাটি গাবুরো জিংকানিগান বর্‌‌‌‌‌‌‌‌‌‌‌‌‌‌‌‌‌বাত্ গোজ্যন্।

যিহিষ্কেল 23:3 ပူးပေါင်းရင်းမြစ်များ

যিরমিয় 3:9

তার বেশ্যেমি কামানি তাইধু কিচ্ছু মনে ন অয় বিলি তে পাত্তর্ আর তক্তার দেবেদাগুনো সমারে বেশ্যেমি গুরিনে দেজ্‌ছানরে অসিজি গুরিলো।

যিহিষ্কেল 16:15

মাত্তর্ তুই তর্ দোলানর্ সুনাঙান বেশ্যে অবাত্তে বেবহার গোজ্যস্। যে কনজনে তঅ কায়-কুরেদি গেলে তা সমারে তুই সিনেলী গুরিদে আর তে তরে ভোগ্ গুরিদো।

যিহিষ্কেল 16:22

তর্ বেক জঘন্য কামানিত্ আর তর্ সিনেলীত্ তুই তর্ চিগোন অক্তর্ কধানি ইদোত্ ন-তুলোচ্ যেক্কে তুই লাংটা-বাংটা এলে আর উট্যেবুট্যে নিজো লো-গান উগুরে ছদফদর্।

যিহিষ্কেল 20:7

মুই তারারে কোইয়োং, যিদুক্কুন জঘন্য মূত্তি তারার ইধু গম্ লাক্যে সিগুন যেন তারা পত্তিজনে দূর গুরি দুয়োন আরঅ মিসরর মূত্তিগুন দিইনে নিজোরে অসিজি ন-গরন, কিত্তে মুয়ই তারার গোজেন লগেপ্রভু।

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

যিহিষ্কেল 23:19

গাবুজ্যে কালত্ যেক্কে তে মিসরত্ বেশ্যে এলঅ সে দিনুনোর্ কধা ইদোত্ তুলিনে তে আরঅ বেশ্ বেভিচের্ গরা ধুরিলো।

যিহিষ্কেল 23:21

ও অহলীবা, তর্ গাবুজ্যেকালত্ মিসর মানুচ্চুনে তঅ বুক্কো ধুরিনে আদর্ গুরিনে তর্ গাবুরিগান বর্‌‌বাত্ গোজ্যন; ইক্কিনে তুই আরঅ সেই মানুচ্চুনো সমারে সিনেলী গুরিবাত্তে চাজ্।

যিহিষ্কেল 23:34

তুই সিবেত্ হেবে, লেই-লেই হেবে; তুই সিবে ভাঙিনে কট্টা কট্টা গুরিবে আর নিজো বুক্কো ফাদি ফেলেবে। ইয়েন অলঅ মর্ বিচেরর্ রায়।

যিহিষ্কেল 23:4

তারা ভিদিরে দাঙর্‌বো নাঙান এলঅ অহলা আর তা বোন্নো নাঙান এলঅ অহলীবা। পরেদি তারা মর্ অলাক্ আর ঝি-পুয়োর্ জর্ম দিলাক্। অহলা অলঅ শমরিয়াত্ আর অহলীবা অলঅ যিরূশালেমত্।

যিহিষ্কেল 23:43

সেক্কে বেভিচের্ গুরিনে বল্‌‌‌‌পোজ্যে মিলেগুনো পৌইদ্যেনে মুই কলুং, ইক্কিনে সেই মানুচ্চুনে বেশ্যে ইজেবে তারে বেবহার গোরোদোক্ আর তেয়ো তারা লগে বেভিচের্ গোরোক্।

যিহিষ্কেল 23:8

মিসরত্ যে বেশ্যেগিরি তে আরাম্ভ গোজ্যে সিয়েন তে ছাড়ি ন-দে; সিদু তার কম্ বয়জত্ মান্‌জ্যে তা সমারে ঘুম যেইনে তার খাটি গাবুজ্যে জিংকানিগান বর্‌বাত্ গোজ্যন্ আর তারার্ কামনাগান তা উগুরে ঢালি দিয়্যে।

হোশেয় 1:2

হোশেয়র্ মাধ্যমে পত্তমবার্ কধা কবার সময়োত্ লগেপ্রভু তারে কলঅ, “তুই যেইনে এক্কো বেশ্যে মিলেরে লঅ। তার বেশ্যেমি গরানার পুয়ো-ছাগুনোরেয়ো মানি লবে, কিত্যে এ দেজ্‌‌চান লগেপ্রভুত্তুন্ সুরি যেইনে বেগত্তুন্ জঘন্য বেশ্যের্ দুষে দুষী ওইয়্যে।”

হোশেয় 2:15

মুই সিদু তার আংগুর খেত্‌‌‌তান তারে ফিরেই দিম আর আখোর্ কলগ্‌‌‌কানরে আজার দোর্ বানেম। তার গাবুজ্যে জিংকানি ধোক্ক্যেন গুরি তে সিদু গীদ্ গেইনে জোব্ দিবো যেবাবোত্যেগুরি তে দিয়্যে মিসরত্তুন্ নিগিলি এবার্ দিনোত্।

লেবীয় 17:7

লগেপ্রভু উগুরে অবিশ্বেজি ওইনে ছাগল-দেবেদাগুনোর্‌ নাঙে য়েমান্‌ উৎসর্ব গুরিনে তারাত্তুন আর নিজোরে বিজি দেনা ন-চলিবো। ইয়েন্‌ এক্কান্‌ থিদেবর্ গোজ্যে সুদোম ইজেবে বংশর্‌ পর বংশ ধুরিনে তারাত্তুন্‌ পালা পুরিবো।

দ্বি’লম্বর বিররণ 29:16

তুমি নিজেই হবর্‌ পঅ, মিসর দেজত্‌ আমি কেধোক্ক্যেন জীংকানি কাদেয়্যেই আর কিঙিরিনে নানান্‌ দেজর্‌ ভিদিরেন্দি ইয়েনত্‌ এইনে লুম্মেয়ি।

যিহোশূয় 24:14

সে পরেন্দি যিহোশূয় কলঅ, “ইক্কিনে তুমি খাটি মন্‌দোই বিশ্বেজ্ গুরিনে লগেপ্রভুরে ভোক্তি গরঅ আর তারে সেবা গরঅ। তমার পূরোণিমানুচ্চুনে ইউফ্রেটিস গাঙর্‌ উইপারত্‌ আর মিসর দেজত্‌ যিদুক্কুন দেব-দেবেদার পূজো গুরিদাক্‌ সিগুন্‌ তুমি দূর গুরি দিইনে লগেপ্রভুরে সেবা গরঅ।

ফগদাং পেইয়্যে 11:8

তারার্ প্রভুরে যে শঅরত্ ক্রুশোত দিয়্যে ওইয়্যে সেই দাঙর্ শঅরানর্ পধত্ তারার কিয়্যেনি পড়ি থেবঅ। সেই শঅরানর্ নাঙান্ সদোম আর মিসরঅ কুয়ো অয়।