যিহিষ্কেল 23:23 - Chakma Bible

²³ তারা অলাক্ বাবিলীয়গুন, বেক্ কল্‌দীয়গুন, পকোদ, শোয়া আর কোয়ার মানুচ্চুন আহ্ তারা সমারে বেক্ আসিরিয়গুন। তারা বেক্কুনে দোল্ দোল্ গাবুজ্যে; তারা বেক্কুনে শাজন্‌গুরিয়্যে, সেনাপতি, রথর কামগুরিয়্যে, দাঙর্ পোজিশন মানুচ্ আর ঘোড়াচালেয়্যে।

যিহিষ্কেল 23:23 ပူးပေါင်းရင်းမြစ်များ

যিরমিয় 50:21

“ও বাবিল শত্রুগুন, মুই লগেপ্রভু কঙর্, তুমি মরাথয়িম দেজ্‌‌‌‌‌‌চানরে আর যিগুনে পকোদত্ বজত্তি গরন তারারে আক্রমণ গরঅ। তারারে লড়অ, মারে ফেল আর পুরোপুরি ভস্ত গুরি দুয়ো; মুই তমারে যে যে উগুমানি দুয়োং সিয়েনি বেক্কানি তুমি পালেবে।

২ রাজাবলী 24:2

লগেপ্রভু যিহোয়াকীমোর বিরুদ্ধে বাবিলোনীয়, অরামীয়, মোয়াবীয় আর অম্মোনীয় লুট্‌ গুরিয়্যে মানুচ্চুনোরে পাধেই দিলো। লগেপ্রভু তা চাগরুনোরে, অত্তাৎ ভাববাদীগুনোরে দিইনে যে কধাগান ফগদাঙ্‌ গোজ্যে সেই মজিম্ যিহূদা দেজ্‌ছানরে ভস্ত গুরিবাত্তে তে তারারে পাধেই দিলো।

যিহিষ্কেল 23:12

তার্‌‌অ আসিরিয়গুনো উগুরে কামনা অলঅ; তারা এলাক্ শাজন্‌গুরিয়্যে আর সেনাপতি; তারা দোল্ কাবড় উজ্যে যোদ্ধা আর ঘোড়াচালেয়্যে; তারা বেক্কুনে দোল্ গাবুজ্যে।

যিশাইয় 23:13

বাবিল দেজ্‌ছান ইন্দি রিনি ছঅ‍; এক সময়োত্ তা মানুচ্চুনো পৌইদ্যেনে কনজনে হবর্ ন-পেদাক্। আসিরিয়গুনে বাবিলানরে ধূল্যেচর-চাগালার পরাণবলাগুনোর জাগা বানেয়োন, মাত্তর্ বাবিলীয়গুনে সোররে আক্রমণ গুরিবাত্তে চুগিদার-ঘর ধোক্ক্যেন অজল্ অজল্ রথ বানেয়োন, তার দাঙর্ দাঙর্ ঘরানি লুদেয়োন আর তারে এক্কান ভস্তর্ কুড়্ বানেয়োন।

ইয়োব 1:17

দ্বিলম্বর মানুচ্চো সেক্কেয়ো কধা কর্‌ এন্‌ সময়োত্‌ আর এক্কো মানুচ্‌ এইনে হবর্‌ দিলো, “কল্‌দীয়গুনে তিন্নো দলত্‌ ভাগ ওইনে হানা দিইনে তঅ উট্‌তুন নেযেয়োন। তরে হবর্‌ দিবাত্তে বানা মুই রোক্ষ্যে পেইয়োং।”

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

পত্থম 25:18

হবীলাত্তুন্‌ শূর সং যে জাগাগান এলঅ তা বংশর্‌ মানুচ্চুনে সিদু বজত্তি গুরিদাক্‌। জাগাগান্‌ এলঅ মিসর ইদু, আসিরিয়া যেবার পদত্‌। তারার্‌ ভেই ইস্‌হাক বংশধরুনো দেজত্ তারা থেদাক্।

পত্থম 2:14

তিন লম্বর গাঙান নাঙান্ টাইগ্রীস। ইয়েন অশূর দেজর পূগেদি ছিদি পোজ্যেগোই। চের্‌ লম্বর গাঙান নাঙান্ ইউফ্রেটিস।

প্রেরিত্‌ 7:4

সেনত্তে তে কল্‌দীয়গুনো দেশ্‌চান ছাড়িনে হারণ শঅরত্ যেইনে বজত্তি গুরিলো। যে দেজত্ তুমি ইক্কে বজত্তি গরর্ গোজেনে অব্রাহামরে তা বাবর্ মরণর পরেদি সিধু দিপাধেয়্যে।

যিহিষ্কেল 23:14

মাত্তর্ অহলীবা তা বেশ্যেগিরিত্ আরঅ উজেই গেলঅ। তে দেবাল উগুরে রাঙা রঙয়র্ ছাবেয়্যে বাবিলীয় মরত্তুনোর্ ফোতুগুন্ দেগিলো।

যিহিষ্কেল 23:22

সেনত্তে মুই প্রভু লগেপ্রভু কঙর্, তর্ যিদুক্কুন লাঙরে তুই ঈচ্ গোজ্যস্ মুই তারারে তঅ বিরুদ্ধে উচ্চোমি তুলি দিম আর চেরোকিত্তেত্তুন্ মুই তারারে তঅ বিরুদ্ধে আনিম্।

যিহিষ্কেল 16:1

পরেদি লগেপ্রভু মরে কলঅ,