যিহিষ্কেল 23:10 - Chakma Bible

¹⁰ তারা তারে লাংটা-বাংটা গুরিনে তা পুয়ো-ছাগুনোরে কাড়ি নিইনে লাম্বা ছুরিলোই তারে মারে ফেলেলাক্। তার সাজাগান পৌইদ্যেনে মিলেগুনে কুয়োকি গরা ধুরিলাক্।

যিহিষ্কেল 23:10 ပူးပေါင်းရင်းမြစ်များ

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিহিষ্কেল 23:18

তে খুলোমেলাগুরিনে যেক্কে তার বেশ্যেগিরি চালা ধুরিলো আর তার্ লাংটা-বাংটাগান ফগদাং গুরিলো সেক্কে মুই তারে ঈচ্ গুরিলুং, যেবাবোত্যে মুই তা বোন্নোরে ঈচ্ গোজ্যং।

যিহিষ্কেল 23:29

তারা তরে ঈচ্ গুরিবাক্ আর তর্ দুঘোর্ ফলুন নেযেবাক্। তারা তরে লাংটা-বাংটা আর খালি গুরি থোই যেবাক্। তর্ বেশ্যেগিরির্ লাজানাগান সেক্কে ফগদাং অবঅ। তর্ বেভিচের্ আর বেশ্যেগিরির কারনে ইয়েনি তঅ উগুরে এবঅ, কিত্যে তুই জাদ্‌তুনো লগে বেভিচের্ গোজ্যস্, অত্তাৎ তারার্ মূত্তিগুন দিইনে নিজোরে অসিজি গোজ্যস্।

যিহিষ্কেল 23:48

“ও অহলা আর অহলীবা, এবাবোত্যেগুরি মুই দেজ ভিদিরে ভান্ন্যেই কামানি শেজ্ গুরি দিম যেনে বেক্ মিলেগুনে উজিয়ার্ ওই পারন আর তমা ধোক্ক্যেন ভান্ন্যেই কাম্ ন-গরন্।

হোশেয় 2:10

মুই ইক্কিনে তা লাঙেগুনো চোগো মুজুঙোত্ তার্ লাজেবার কামানি ফগদাং গুরিম; মঅ আঢত্তুন্ কনজনে তারে উদ্ধোর্ ন-গুরিবাক্।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।