যিহিষ্কেল 22:9 - Chakma Bible

⁹ তঅ ভিদিরে এমন এমন মানুচ্ আগন্ যিগুনে অন্যগুনোরে বদ্‌‌‌‌‌‌‌‌‌‌‌নাং গুরিনে তারার্ লো ঝরান্, মুড়ো উগুরে পূজোর্ জাগানত্ হানা-দানা গরন আর ভান্ন্যেই ভান্ন্যেই কাম গরন।

যিহিষ্কেল 22:9 ပူးပေါင်းရင်းမြစ်များ

গীতসংহিতা 101:5

যিগুনে ভিদিরে ভিদিরে অন্য মান্‌জ্যরে ঈচ্ গরন তারারে মুই শেজ্ গুরিম; যিগুনো চোগ্‌কুনোত্ আর মনানিত্ বাড়্‌বোগান্ রোয়্যে তারারে মুই সোজ্য ন-গুরিম।

গীতসংহিতা 106:28

তারা পিয়োর মুড়োবোত্ বাল দেবেদা পুজোত্ যেইয়োন্ আর মরা মানুচ্চুনোর নাঙে উৎসর্ব গোজ্যে য়েরা হেলাক্।

গীতসংহিতা 50:20

তুই বোইদ্যে বোইদ্যে তর্ নিজো ভেইয়োর্ বিরুদ্ধে কধা কোই কোই থাচ্ আর তারে ইংসে গরচ্।

যাত্রা 20:16

কারঅ বিরুদ্ধে মিজে সাক্ষী ন-দুয়ো।

যাত্রা 23:1

মিজে কধানি ন-বাড়েবা। সিয়েনি গুরিনে অন্যেয়র্ পক্ষ ওইনে পাজি মান্‌জ্যরে এজাল্ ন-দিবা।

গম্ উপদেজ্ 10:18

যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;

গম্ উপদেজ্ 18:8

ইংসে-নিন্দের্ কধানি সুয়োত্ ওইয়্যে হানা ধোক্ক্যেন্, মান্‌জ্যর মন গভিনোত্ সিয়েন লামে।

গম্ উপদেজ্ 26:22

ইংসে-নিন্দের কধা সুয়োত্ হানা ধোক্ক্যেন্; মান্‌জ্যর মন গভিনোত্ সিয়েন লামে।

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

যিরমিয় 9:4

তারা পত্তিজনে সমাজ্যেগুনোত্তুন্ উজিয়ার ওক্ আর নিজো ভেইয়ুনোরে বিশ্বেজ্ ন-গোরোক্, কিত্তে পত্তি ভেইয়্যে ঠগান্ আর পত্তি সমাজ্যেই ইংসে গরন।

যিহিষ্কেল 11:6

তুমি এ শঅরত্ বোউত্ মান্‌‌‌‌জ্যরে মারে ফেলেয়ো আর মরা মানুচ্চোই পথ্‌‌‌‌তানি ভোরেই ফেলেয়ো।

যিহিষ্কেল 16:43

তুই তর্ চিগোন সেময়োর্ দিনুন্ ইদোত্ ন-রাগাচ্, বরং এ কামানিলোই মরে কাঙেলেত্যে গোরেয়োচ্; সেনত্তে মুইয়ো তর্ কামর ফল তরে দিম। তর্ অন্য বেক্ ভান্ন্যেই কামর্ সমারে কি তুই এই জঘন্য কামানিয়ো মিজেচ্?

যিহিষ্কেল 18:15

তে মুড়ো উগুরে পূজোর্ জাগায়ানিত্ হানা-দানা ন-গরে বা ইস্রায়েলীয়গুনোর মূত্তিত্ পূজো ন-গরে। তে তার আদাম্মে মিলেরে বর্‌‌‌বাত্ ন-লাগায় বা কাররে অত্যেচার ন-গরে। তে সুদি টেঙালোই কনঅ কিজু বন্ধগ্ ন-নেযায়। তে চুর্ ন-গরে বরং যিবের্ পেট পুরের্ তারে হানা দিয়্যে আর লাংটা-বাংটাগুনোরে কাবড় দিয়্যে।

যিহিষ্কেল 18:6

তে মুড়োমুড়ি উগুরে কনঅ পূজোর্ জাগানত্ হানা-দানা ন-গরে, বা ইস্রায়েলীয়গুনোর কনঅ মূত্তি পূজো ন-গরে। তে আদামর্ কনঅ মিলেরে বর্‌‍‌বাত ন-গরে, বা মাসিক অর্ এবাবোত্যে মিলে লগে ন-মিজেই।

যিহিষ্কেল 23:29

তারা তরে ঈচ্ গুরিবাক্ আর তর্ দুঘোর্ ফলুন নেযেবাক্। তারা তরে লাংটা-বাংটা আর খালি গুরি থোই যেবাক্। তর্ বেশ্যেগিরির্ লাজানাগান সেক্কে ফগদাং অবঅ। তর্ বেভিচের্ আর বেশ্যেগিরির কারনে ইয়েনি তঅ উগুরে এবঅ, কিত্যে তুই জাদ্‌তুনো লগে বেভিচের্ গোজ্যস্, অত্তাৎ তারার্ মূত্তিগুন দিইনে নিজোরে অসিজি গোজ্যস্।

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

হোশেয় 4:10

তারা হেবাক্ মাত্তর্ ঈল্ ন-অবঅ; তারা বেভিচের্ গুরিবাক্ মাত্তর্ জনেদি ন-বাড়িবাক্, কিয়া তারা মূত্তি পূজোর্ কারনে লগেপ্রভুরে ছাড়ি যেইয়োন।

হোশেয় 4:14

তমা মিলেগুন বেশ্যে অলে আর ফুদো বৌগুন্ বেভিচের্ গুরিলে মুই সাজা ন-দিম, কিয়া মরত্তুন্ নিজে বেশ্যেগুনো ইধু যান্ আর মন্দির-বেশ্যেগুনো লগে য়েমান উৎসর্ব গরন। এই বুদ্ধিনেইয়্যে জাদে ভস্ত ওই যেবঅ।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

হোশেয় 7:4

তারা বেক্কুনে বেভিচারী, তারা রুটি বানেয়্যের্ জ্বালেয়্যে ফোগোন ধোক্ক্যেন; মোয়দ্যে মেগানাত্তুন্ আরাম্ভ গুরিনে সিয়েন ফুলি উদোনা সং সেই তুন্দুর আগুন মেজে দিবার দরকার ন-অয়।

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

মথি লেখ্যে গম্ হবর্ 26:59

যীশুরে মারে ফেলেবাত্যে আজল্ ধর্মগুরুগুনে আর তেম্মাঙর্ বেক্ মানুচ্চুনে তা বিরুদ্ধে কিজু মিজে সাক্ষী তগা ধুরিলাক্।

প্রেরিত্‌ 24:13

ইক্কিনে মঅ বিরুদ্ধে তারা যে দুষ্‌চান দেগাদন্ সিয়েনর্ প্রমাণ তারা তইধু দি ন-পারিবাক্।

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

বিচের গুরিয়্যেগুন 20:6

ইস্রায়েলর্ ভিদিরে এন্‌ গুন্দোমি আর বজং কাম গোজ্যন্‌ বিলিনে মুই মঅ দ্বিতীয় ঘরঅ মোক্কোরে কাবিনে কট্টা কট্টা গুরি ইস্রায়েলীয়গুনোর ভাগত্‌ পোজ্যে পত্তি জাগাত্‌ এক কট্টা গুরিনে পাধেই দুয়োং।

১ শমূয়েল 24:10

এচ্চ্যে দঅ তুই নিজোর চোগেন্দি দেগিলে, লগেপ্রভু কেধোক্ক্যেনগুরি এ গাট্টো ভিদিরে তরে মর্‌ আঢত্‌ তুলি দিলো। মরে কয়েকজনে কোইয়োন তরে মারে ফেলেবাত্তে, মাত্তর্‌ তর্‌ উগুরে মর্‌ মেয়্যে অলঅ। মুই কোইয়োং, মর্‌ গিরোজ উগুরে মুই আঢ্ ন-তুলিম, কিত্যে তে লগেপ্রভুর অভিষেগ্ গোজ্যে মানুচ্‌।