যিহিষ্কেল 22:6 - Chakma Bible

⁶ চঅ, তঅ ভিদিরে ইস্রায়েলর্ পত্তি শাজন্‌গুরিয়্যে লো ঝোরেবাত্তে কিবাবোত্যেগুরি তার্ খেমতাগান বেবহার গরের্।

যিহিষ্কেল 22:6 ပူးပေါင်းရင်းမြစ်များ

নহিমিয় 9:34

আমা রাজাগুনে, নেতাগুনে, ধর্মগুরুগুনে আর আমা পূরোণিমানুচ্চুনে তর্‌ রীদি-সুদোমানি মানি ন-চলন্‌; তর্‌ উগুম্‌ বা উজিয়ার্‌ কধা তারা ন-শুনোন্‌।

গম্ উপদেজ্ 30:14

তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 32:32

কিত্তে ইস্রায়েল অার যিহূদার মানুচ্চুন, তারার বেক্ রাজা আর রাজার কামগুরিয়্যেগুন, ধর্মগুরু আর ভাববাদীগুন আহ্ যিহূদা যিরূশালেমর মানুচ্চুনে তারার বেক্ ভান্ন্যেই কামানিলোই মরে অহুজি গোজ্যন্।

যিরমিয় 5:5

সেনত্তে মুই নেতাগুনো ইধু যেইনে তারা লগে কধা কোম্; হামাক্কায় তারা লগেপ্রভুর পথ্‌তান আর গোজেনর সুদোমানি হবর্ পান।” মাত্তর্ তারায়ো এক সমারে জুঙোল্ ভাঙিনে বান্ন্যেগান্ ছিনি ফেল্যন।

যিহিষ্কেল 21:12

ও মান্‌‌‌‌‌‌‌‌‌জ্যর্ পুয়োবো, কানি লঅ আর আবিলেচ্ গর্, কিত্তে সেই তলোয়ারান্ মঅ মানুচ্চুনোর বিরুদ্ধে আর ইস্রায়েলর্ বেক নেতাগুনোর্ বিরুদ্ধে। মঅ মানুচ্চুনো সমারে তারারেয়ো লাম্বাছুরি আঢত্ দিয়্যে অবঅ। সেনত্তে তুই বুগ্ বাজ্যে।

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 22:3

তুই কঅ, প্রভু লগেপ্রভু কোইয়্যেদে, ইয়েন সে শঅরান্, যে নিজো ভিদিরে লো ঝোরেইনে নিজোর্ দযা ডাগি আনে আর মূত্তি বানেইনে নিজোরে অসিজি গরে।

যিহিষ্কেল 45:8

এ জাগায়ান ইস্রায়েল দেজর্ শাজন্‌ গুরিয়্যেবোর্ অধিকারত্ থেবঅ। মর্ শাজন্‌গুরিয়্যেগুনে মঅ মানুচ্চুনো উগুরে আর্ অত্যেচার ন-গুরিবাক্, বরং ইস্রায়েল জাদরে তার গুট্টিগুন অনুসারে ভূই ভোগ্ গুরিবাত্যে দিবা।

দানিয়েল 9:8

ও লগেপ্রভু, আমা রাজাগুন, নেতাগুন, পুরোণি মানুচ্চুন আর আমি অগমানে পৌল্যেই আঘিই, কিত্যে আমি তঅ বিরুদ্ধে পাপ গোজ্যেই।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

সফনিয় 3:3

তার রাজার্ কামগুরিয়্যেগুনে যেন গুজুরেদে সিংহ আর শাজন্‌গুরিয়্যেগুন সাজোন্যে অক্তত্ হোক্যে বাঘ; তারা বেন্যে মাদানত্তে কিচ্ছু ফেলেই ন-রাগান্।

সফনিয় 3:4

তার ভাববাদীগুনে অবাধ্য আর বেঈমান। তার ধর্মগুরুগুনে সিজিগানরে অসিজি গরন্ আর রীদি-সুদোম বিরুদ্ধে পাপ গরন্।

সখরিয় 3:3

সেক্কে যিহোশূয় কজরা কাবড় উজ্যে অবস্থায় লগেপ্রভুর দূত্‌তো মুজুঙোত্ থিয়্যেই এলঅ।