যিহিষ্কেল 22:3 - Chakma Bible

³ তুই কঅ, প্রভু লগেপ্রভু কোইয়্যেদে, ইয়েন সে শঅরান্, যে নিজো ভিদিরে লো ঝোরেইনে নিজোর্ দযা ডাগি আনে আর মূত্তি বানেইনে নিজোরে অসিজি গরে।

যিহিষ্কেল 22:3 ပူးပေါင်းရင်းမြစ်များ

২ রাজাবলী 24:3

লগেপ্রভুর উগুম মজিম যিহূদা উগুরে ইয়েনি ঘুদি যেইয়্যে যেনে তে নিজো মুজুঙোত্তুন্‌ তারারে ধাবেই দি পারে। ইয়েনি ঘুদি যেইয়্যে মনঃশির বেক্‌ পাপ্পানির কারনে আর নিদ্দুজি মানুচ্চুনোর লো ঝরানার্‌ কারণে। তে তারা লোগানিলোই যিরূশালেমান্‌ পূরোণ গোজ্যে, আর লগেপ্রভু সিয়েনি ক্ষেমা গুরিবাত্তে রাজী ন-অলঅ।

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

যিশাইয় 1:21

হায়, সতী শঅরান্ কিবাবোত্যে বেশ্যে ধোক্ক্যেন্ ওই যেইয়্যে! সিয়েন এক সময়োত্ ন্যায়বিচেরে ভরা এলঅ; গম্ জিনিস্‌ছান সে ভিদিরে বজত্তি গুরিদো; মাত্তর্ ইক্কিনে বজত্তি গত্তন্ খুনিগুনে।

যিহিষ্কেল 12:25

সেক্কে মুই লগেপ্রভু যিয়েনি কোম্ সিয়েনি ফলিবো, দিরি ন-অবঅ। ও উল্লোমী জাদ্‌তো, মুই যিয়েনি কঙর্ সিয়েনি তমা সময়োত্ ফোলেই দিম্। মুই প্রভু লগেপ্রভু এ কধাগান কঙর্।’”

যিহিষ্কেল 22:2

ও মান্‌‌‌‌‌‌‌‌জ্যর পুয়োবো, তুই কি বিচের্ গুরিবাত্তে যুক্কোল্ আগচ্? সালে তুই লো ঝোরেয়্যে এই শঅরানর্ বিচের্ গর্। তুই তার্ বেক জঘন্য কামানির কধা তারে জানা।

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 22:4

লো ঝোরেইনে তুই দুষি ওইয়োচ্ আর মূত্তি বানেইনে অসিজি ওইয়োচ্। তুই তর্ দিনুন্ কায়কুরে আন্ন্যচ্ আর তর্ শেজকাল আজিল্ ওইয়্যে। সেনত্তে জাদ্‌‌‌‌‌‌‌‌‌তুনো ইধু মুই তরে ঠাট্টা-ঈচ্ গরেদে ধোক্ক্যেন গুরিম আর বেক্ দেজ্‌‌‌‌‌‌‌‌‌চান ইধু আজি উদোন্ পারা গুরিম।

যিহিষ্কেল 22:6

চঅ, তঅ ভিদিরে ইস্রায়েলর্ পত্তি শাজন্‌গুরিয়্যে লো ঝোরেবাত্তে কিবাবোত্যেগুরি তার্ খেমতাগান বেবহার গরের্।

যিহিষ্কেল 23:37

তারা বেভিচের্ গোজ্যন আর তারা আঢত্ লো আঘে। তারার্ মূত্তিগুন পূজো গুরিনে তারা বেভিচের্ গোজ্যন; এমন্ কি, মত্তে জর্ম দিয়্যে ঝি-পুয়োগুনোরে তারা মূত্তিগুনোর হানা ইজেবে আগুনোত্ পুড়িনে উৎসর্ব গোজ্যন্।

যিহিষ্কেল 23:45

মাত্তর্ গম্ মানুচ্চুনে বেভিচের্ আর লো ঝরানার সাজা সেই মিলেগুনোরে দিবাক্, কিত্তে তারা বেভিচারিনী আর তারা আঢত্ রোইয়্যেদে লো।

যিহিষ্কেল 23:7

বেক্ সেরা সেরা আসিরিয়গুনো ইধু তে নিজোরে বেশ্যে ইজেবে দান গোজ্যে; যিগুনোরে তে কামনা গুরিদো তারার্ বেক মূত্তিগুন দিইনে তে নিজোরে অসিজি গোজ্যে।

যিহিষ্কেল 33:25

সেনত্তে তুই তারারে কঅ, প্রভু লগেপ্রভু কোইয়্যেদে, তুমি দঅ লো সুদ্ধো য়েরা খর্, মূত্তিপূজো গরর্ আর লো ঝরর্; সালে কি তুমি দেজর্ অধিকারী অবা?

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

মীখা 3:10

তুমি লোলোই সিয়োনানরে, অন্যেয়লোই যিরূশালেমানরে তুল্য।

সফনিয় 3:3

তার রাজার্ কামগুরিয়্যেগুনে যেন গুজুরেদে সিংহ আর শাজন্‌গুরিয়্যেগুন সাজোন্যে অক্তত্ হোক্যে বাঘ; তারা বেন্যে মাদানত্তে কিচ্ছু ফেলেই ন-রাগান্।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।