যিহিষ্কেল 22:26 - Chakma Bible

²⁶ তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

যিহিষ্কেল 22:26 ပူးပေါင်းရင်းမြစ်များ

২ বংশধর 36:14

ইয়েনিবাদেয়ো ধর্মগুরুগুনোর্‌ বেক্‌ নেতাগুনে আর মানুচ্চুনে অন্য জাদ ধোক্ক্যেন বজং অভ্যেস্‌ গুরি চলিনে জদবদে পাপ গুরিলাক্‌ আর লগেপ্রভু যিরূশালেমত্‌ তার্‌ যে ঘরানরে নিজোর্‌ নাঙে যুদো গোজ্যে সিয়েন্‌ অসিজি গুরিলো।

যিরমিয় 15:19

সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

যিরমিয় 2:8

ধর্মগুরুগুনে পুযোর্ ন-গরন, লগেপ্রভু কুধু? যিগুনো আঢত্ রীদি-সুদোম এলঅ তারা মরে ন-চিনোন্; নেতাগুনে মঅ বিরুদ্ধে উল্লোমী গোজ্যন্। ভাববাদীগুনে অপদাত্ত মূত্তিগুনোর পিজেদি যেইনে বাল দেবেদার নাঙে কধা কোইয়োন।

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

যিহিষ্কেল 22:8

তুই মর্ সুদ্ধো-সাংগ জিনিস্‌‌‌‌‌‌‌‌‌‌চানি ঈচ্ গোজ্যস্ আর মর্ জিরেবার দিনুনোর পবিত্রতাগান রোক্ষ্যে ন-গরচ্।

যিহিষ্কেল 23:38

ইয়েনি বাদেয়ো সেই একই সময়োত্ তারা মর্ ঘরান অসিজি গোজ্যন্। তারা মর্ জিরেবার দিনুনোর সুদ্ধো-সাংগগান রোক্ষ্যে ন-গরন্।

যিহিষ্কেল 36:20

তারা জাদ ভিদিরে যিয়েনত্ যেইয়োন সিয়েনত্ মর্ পবিত্র নাঙান্ অপবিত্র গোজ্যন, কিত্যে মান্‌‌‌‌‌‌‌‌‌জ্যে তারা পৌইদ্যেনে কোইয়োন, ইগুনে লগেপ্রভুর মানুচ্, অদচ তাঁর দেজ্‌চান তারাত্তুন্ ছাড়ি দিয়্যে পোজ্যে‌‌‌‌‌‌‌‌‌।

যিহিষ্কেল 42:20

সুদ্ধো-সাংগ জাগানত্তুন্ সাধারণ মানুচ্চুনোর জাগায়ানি যুদো গুরিবাত্তে চেরোকিত্তে এক এক্কান পাচশঅ মাবেদে কাদিলোই লাম্বা এক্কান দেবাল এলঅ।

যিহিষ্কেল 44:10

ইস্রায়েলীয়গুনে যেক্কে ভান্ন্যেই পধেদি যেইয়োন সেক্কে তারা লগে যে লেবীয়গুনে মরে ছাড়িনে তারার্ মূত্তিগুনো পিজেদি ঘুরি বেড়েইনে মত্তুন্ দূরোত্ সুরি যেইয়োন তারার্ পাপর্ ফল তারাত্তুন্ ভুগো পড়িবো। ‌

যিহিষ্কেল 44:23

মঅ নাঙে যিয়েনি যুদো গরা ওইয়্যে আর যিয়েনি যুদো গরা ন-অয় সিয়েনি ভিদিরে ফারগ্‌‌কান কি সিয়েনি তারা মঅ মানুচ্চুনোরে শিক্ষ্যে দিবাক্ আর কুবোন্ সিজি আর কুবোন্ অসিজি সিয়েনি তারারে দেগেই দিবে।

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।

যিহিষ্কেল 7:26

দযা উগুরে দযা এবঅ, আর গুজব উগুরে গুজব শুনো যেবঅ। তারা ভাববাদীগুনোত্তুন্ দর্শনর কধা শুনিবার চেরেস্‌‌টা গুরিবাক্; ধর্মগুরুগুনোর দিয়্যে সুদোমর্ শিক্ষ্যে আর বুড়ো নেতাগুনোর সল্লানি আর ন-থেবঅ।

লেবীয় 10:10

কুবোন্‌ পবিত্র আর কুবোন পবিত্র নয় আর কুবোন্‌ শুদ্ধো-সাংগ আর কুবোন্‌ ফিবলা সিয়েনি বুঝিনে তমাত্তুন্‌ চলা পুরিবো।

লেবীয় 11:47

কুবো শুদ্ধো-সাংগ আর কুবো ফিবলা, কন্‌ এ্যামানর্‌ য়েরা তুমি হেই পারিবা আর কন্‌ য়েমানর্‌ য়েরা তুমি হেই ন-পারিবা সিয়েনি বুঝিনে তমাত্তুন্‌ আঢা পুরিবো।”

লেবীয় 13:43

ধর্মগুরুবো তারে পোরোক্ষ্যে গুরিবাত্তে যেইনে যুনি দেগেদে, বজং চামাড়ারুগো ধোক্ক্যেন তার্‌ মাঢাত্‌ বা কপালর্‌ রাঙা-ধুব্‌ জাগায়ান ফুলি উঠ্যে,

লেবীয় 20:25

সেনত্তে য়েমান আর পেগো ভিদিরে কুবো সুদ্ধো-সাংগ আর কুবো ফি-বলা সিয়েনি বুঝিনে তমাত্তুন্‌ চলা পুরিবো। যিদুক্কুন্‌ য়েমান-পেখ্‌ বা মাদি উগুরে ঘুরি বেড়ান্দে চিগোন্-চাগোন্ প্রাণী তমাত্তে মুই ফি-বলা বিলি ফারগ্ গুরি দুয়োং, সিগুনোর্‌ কনবোলোই যেন তুমি নিজোরে ঘিনাইদে মানুচ্‌ ইজেবে ন-অ।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

মালাখি 2:8

মাত্তর্ তুমি ঠিগ্ পধত্তুন্ সুরি যেইয়ো আর তমা শিক্ষ্যেলোই বোউত্ মান্‌‌‌‌‌জ্যরে উজোত্ হাবেয়ো। এবাবোত্যেগুরি লেবির বংশত্তে থিদেবর্ গোজ্যে সুদোমান্ তুমি বাদ দুয়ো। মুই বেগত্তুন্ খেমতাবলা লগেপ্রভু কঙর্।

রোমীয় 2:24

পবিত্র বোইবোত্ এ কধাগান্ লেগা আঘে, “তমাত্যে অযিহূদীগুনে গোজেন নাঙানর্ বদ্‌নাম্ গরন্।”

১ শমূয়েল 2:22

এলি সেক্কে অমহদ বুড়ো ওই গেলঅ। ইস্রায়েলীয়গুনো উগুরে তার পূঅগুনোর বেবহারর্‌ কধা আর যিদুক্কুন মিলে সেবা-কামত্তে মিলন-তাম্বুর দোরান ইদু এদাক্ তারার লগে তারার সিনেলীর কধা তা কানত্‌ গেলঅ।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?