যিহিষ্কেল 22:25 - Chakma Bible

²⁵ সেই দেজ মানুচ্চুনে কুজুরোমি গরন্; তারা গুজুরি উদোন্দে সিংহ ধোক্ক্যেন শিগের্ গরন। তারা মানুচ্চুনোরে গিলোন, ধন-সম্পদ আর মংগা মংগা জিনিস নেযান্ আর দেজ ভিদিরে ভালোক্কুন্ মিলেরে রানি বানেয়োন্।

যিহিষ্কেল 22:25 ပူးပေါင်းရင်းမြစ်များ

১ রাজাবলী 22:23

ইয়েনত্তে লগেপ্রভু ইক্কিনে তর্‌ এই বেক্‌ ভাববাদীগুনোর্‌ মুয়োত্‌ মিজে কধা কবার্‌ আত্মাগান দুয়োচ্‌। তর্‌ নাশ অবাত্তে লগেপ্রভু রায়য়ান্‌ দিয়্যে।”

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিরমিয় 11:9

সে পরেদি লগেপ্রভু মরে কলদে, যিহূদার আর যিরূশালেম মানুচ্চুনো ভিদিরে এক্কান কুজুরোমী চলের্।

যিরমিয় 15:8

তারার রানিমিলেগুন মুই সাগর বালুত্‌তুন্‌‍‍অ বেশ্ গুরিম। তুই দঅ যোদ্ধাগুনোর মা, তঅ মানুচ্চনো বিরুদ্ধে দ্বিবুজ্যে অক্তত্ মুই এক্কো ভস্তগুরিয়্যেরে আনিম; মুই তারা উগুরে আদিক্ক্যেনেগুরি পীড়ে আর দর্‌বুক আনিম।‍‍

যিরমিয় 18:21

সেনত্তে তুই তারার পুয়ো-ছাগুনোরে ভাদরাদর্ আঢত্ ছাড়ি দে; তলোয়ার আঢত্ তারারে তুলি দে। তারার মোগ্‌কুনে পুয়ো-ছা নেইয়্যে আর রানিমিলে ওক্; তারার মরদ পুয়োগুনে ভানালোই মুরি যাদোক্, আর যুদ্ধোত্ তলোয়ারর কুবোত্ তারার গাবুজ্যে পুয়োগুনে কাবা কাদোক্।‌‌‍‍‍‍

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 2:34

তঅ কাবড়-চুগোড়ানিত্ নিদ্দুযি নাঢা মানজ্যর্ লো দেগা যায়, যুনিয়ো তারা তঅ ঘরান ভাঙিনে ন-চমান্। ইয়েনি অলেয়ো তুই কোইয়োচ্চে, মুই নিদ্দুযি; মঅ উগুরে লগেপ্রভুর আর রাগ নেই। মাত্তর্ মুই তর্ বিচের গুরিনে তরে সাজা দিম্, কিত্তে তুই কোইয়োচ্চে, ‘মুই পাপ ন-গরং।’

যিরমিয় 23:14

ইয়েন বাদেয়ো যিরূশালেম ভাববাদীগুনো ভিদিরে এ দর্‌গরেপারা বেপারান দেখ্যং, তারা সিনেলী গরন আর মিজে জিংকানি কাদান্। তারা অন্যেয়গুরিয়্যেগুনোর আঢ্‌তানি এমন দরমর গরন যিয়েনত্তে কনজনে সে পাজিগানিত্তুন ন-ফিরোন। তারা বেক্কুনে মইধু সদোম আর ঘমোরা মানুচ্চুনো ধোক্ক্যেন।‍‍‍‍‍‍‍‍‍‍‍‍

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

আবিলেচ্ 2:14

তর্ ভাববাদীগুনোর্ দর্শনানি মিজে আর বাজে; তর্ বন্দীদজাগান্ যেনে দূর্ ওই যায় সেনত্তে তারা তঅ পাপ্‌‌পানি দেগেই ন-দুয়োন্। আগাম্ কধা ইজেবে তারা যিয়েনি তমারে কোইয়োন সিয়েনি মিজে; সিয়েনি তমারে ভুল পধেদি চালেয়্যে।

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

যিহিষ্কেল 13:2

ও মান্‌জ্যর্ পুয়োবো, ইস্রায়েলর যে ভাববাদীগুনে ইক্কিনে কধা কধন্ তুই তারার্ বিরুদ্ধে ভাববাদী ইজেবে কধা কঅ। যিগুনে নিজোর মনগড়া কধা কদন্ তুই তারারে কঅ, তারা যেন লগেপ্রভুর কধা শুনোন্।

যিহিষ্কেল 22:7

তঅ ভিদিরে মান্‌‌‌‌‌‌‌‌‌‌জ্যে মা-বাবরে ঈচ্ গত্তন্, বিদেশীগুনোরে অত্যেচার গত্তন্ আর মা-বাপ নেইয়্যে আহ্ রানিমিলেগুনো সমারে ভান্ন্যেই বেবহার গত্তন্।

যিহিষ্কেল 34:2

ও মান্‌‌‌‌‌‌‌জ্যর পুয়োবো, ইস্রায়েলর পালক্কুনো বিরুদ্ধে তুই ভাববাদী ইজেবে এ কধাগান কঅ, প্রভু লগেপ্রভু কোইয়্যেদে, অভিশাব্ পোড়োক্, ইস্রায়েলর সেই পালক্কুনোর, যিগুনে বানা নিজোর্ দেগাশুনো গরন্! ভেড়াপালর দেগাশুনো গরানা কি পালক্কুনোর্ উজিত্ নয়?

যিহিষ্কেল 34:3

তুমি দঅ তেল্ খঅ, ভেড়া কেশ্‌‌চোই কাবড় বানেইনে উরো আর বেঈ লোইয়্যে ভেড়া কাবঅ, মাত্তর্ তুমি মেষচুনোর্ যত্তন্ ন-গরঅ।

হোশেয় 6:9

ডাগেত্তুনে যেবাবোত্যে মান্‌‌‌‌‌জ্যরে উৎ পাদিনে বাজ্জেই থান্, সেবাবোত্যেগুরি উৎ পাদিনে থান্ ধর্মগুরুগুনোর দলুন্; তারা শিখিমোত্ যেবার পদথ্ মানুচ্ খুন গরন আর অমকদ অন্যেয় কাম্ গরন।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মার্ক 12:40

এক কিত্তেদি তারা মানুচ্চুনোরে দেগেবাত্তে লাম্বা লাম্বা তবনা গরন্, অন্য কিত্তেদি রানী মিলেগুনোর সোম্বোত্তিগানি গজক্ গরন্। এ মানুচ্চুনোর বোউত্ বেশ্ সাজা অবঅ।”

লূকে লেখ্যে গম্ হবর্ 20:47

এক কিত্ত্যেদি তারা মানুচ্চুনোরে দেগেবাত্যে লাম্বা লাম্বা তবনা গরন্, অন্য কিত্ত্যেদি রানি মিলেগুনোর্ সোম্বোত্তিগানি গজক্ গরন্। এ মানুচ্চুনোর্ বউৎ বেশ্ সাজা অবঅ।”

ফগদাং পেইয়্যে 13:11

ইয়েনর্ পরেদি মুই মাদিত্তুন্ আর এক্কো য়েমানরে উদি এত্তে দেগিলুং। ভেড়া ধোক্ক্যেন তার্ দ্বিবে শিং এলঅ, মাত্তর্ সেই দানপ্পো ধোক্ক্যেন তে কধা কদঅ।

ফগদাং পেইয়্যে 13:15

সেই মূর্ত্তিবোরে পরাণ দিবার্ খেমতায়ো তারে দিয়্যে অলঅ, যেনে সেই মূত্তিবো কধা কোই পারে আর যিগুনে সেই মূত্তিবোরে গোজেনর্ সর্মান দিইনে সালাম ন-গুরিবাক্ তারারে মারে ফেলেই পারে।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।

ফগদাং পেইয়্যে 18:13

দারচিনি, এলাচ, আগর্‌বাট্টি, আতর আর তুম্বাজ্ রস; আংগুর-রস, জলপাইয়র্ তেল, মোয়দ্যে আর গম; গরু আর ভেড়া, ঘোড়া আর গাড়ী আর কিন্যে চাগর্।