যিহিষ্কেল 22:20 - Chakma Bible

²⁰ মান্‌‌‌‌‌জ্যে যেবাবোত্যে রূবো, পিদোল্, লুয়ো, সীজে আর টিন তুবেইনে চুলোত্ দিইনে গোলেবাত্তে আগুনোত্ ফুন্ দুয়োন সেবাবোত্যেগুরি মর্ অমকদ বেজার্ আর রাগে মুই তমারে এগত্তর্ গুরিনে শঅর ভিদিরে থুয়োইনে গোলেম্।

যিহিষ্কেল 22:20 ပူးပေါင်းရင်းမြစ်များ

যিশাইয় 1:25

মুই তঅ বিরুদ্ধে মঅ আঢ্‌তানি তুলিম্। ধাতু ধোক্ক্যেন গুরি মুই ক্ষার্‌লোই তঅ খাদ্‌তান নিগিলেম আর তর্ বেক ভেজালানি দূর্ গুরি দিম্।

যিশাইয় 54:16

“চাহ্, যে কামার্‌বো আঙারা আঙুনোত্ বোইয়্যের্ দে আর কাম্ গুরিবার যগাজ্যে আত্যের্ বানায় সেই কামার্‌বোরে মুয়ই বানেয়োং। ভস্ত গুরি দিবাত্তে মুয়ই ভস্ত গুরিয়্যেবোরে বানেয়োং।‍‌‌‍‍‌‌‍

যিরমিয় 4:20

দজার্ পর দজা এজের্; বেক্ দেজ্‌‌‌চান যেন ভস্ত ওই পড়ি আঘে। কানক্কণ্ ভিদিরে মর্ তাম্বুলো ঘরানি, এক মুহূত্তো ভিদিরে মঅ তাম্বুলো ঘরানির পর্দাগানি যেন ভস্ত ওই যার্।‌

যিরমিয় 8:13

লগেপ্রভু কোইয়্যেদে, “তারারে মুই শেজ্ গুরি দিম। আংগুর লুদিত্ কনঅ আংগুর ন-থেবাক্, ডোমোর গাজত্ ডোমোর গুলো ন-থেবাক্ আর সিগুনোর পাদানি শুগেই যেবঅ। মুই তারারে যিয়েনি দুয়োং সিয়েনি আর ন-থেবঅ।”

যিহিষ্কেল 22:19

সেনত্তে মুই প্রভু লগেপ্রভু তারারে কঙত্তে, ‘তুমি বেক্কুনে খাদ ওই যেইয়ো বিলিনে মুই যিরূশালেমত্ তমারে এগত্তর্ গুরিম।

যিহিষ্কেল 22:21

মুই তমারে এগত্তর্ গুরিনে মর্ জোল্‌‌‌‌‌‌‌জোল্যে রাগে ফুন্ দিম আর তুমি শঅর ভিদিরে গুলি যেবা।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

যিহিষ্কেল 36:18

সেনত্তে মুই তারা উগুরে মর্ রাগ্‌‌‌‌‌‌‌‌‌কান ঢালি দিলুং, কিত্যে তারা দেজ ভিদিরে লো ঝোরেয়োন আর তারার মূত্তিগুন্দোই দেজ্‌চান অসিজি গোজ্যন্।

হোশেয় 8:10

যুনিয়ো তারা নানান্ জাদ লগে টেঙা দিইনে দাংগুত্ব গোজ্যন্ তো ইক্কিনে মুই তারারে একলগে এগত্তর্ গুরিনে সাজা দিম। তারা শাজন্‌গুরিয়্যেগুনোর্ রাজার অত্যেচারে ক্ষয় ওই যেবাক্।