যিহিষ্কেল 22:2 - Chakma Bible

² ও মান্‌‌‌‌‌‌‌‌জ্যর পুয়োবো, তুই কি বিচের্ গুরিবাত্তে যুক্কোল্ আগচ্? সালে তুই লো ঝোরেয়্যে এই শঅরানর্ বিচের্ গর্। তুই তার্ বেক জঘন্য কামানির কধা তারে জানা।

যিহিষ্কেল 22:2 ပူးပေါင်းရင်းမြစ်များ

২ রাজাবলী 21:16

ইয়েনবাদে মনঃশি এত নিদ্দুযি মান্‌জ্যর লো ঝোরেয়্যে, সে লো-গানিলোই যিরূশালেমর এক দুযিত্তুন্‌ অন্য দুযি সং তজিমপুরো ওই যেইয়্যে। তে যিহূদার মানুচ্চুনোরে দিইনে পাপ গোরেয়্যে যিয়েনত্তে তারা লগেপ্রভুর চোগেন্দি যিয়েনি বজং সিয়েনি গোজ্যন্‌।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 2:34

তঅ কাবড়-চুগোড়ানিত্ নিদ্দুযি নাঢা মানজ্যর্ লো দেগা যায়, যুনিয়ো তারা তঅ ঘরান ভাঙিনে ন-চমান্। ইয়েনি অলেয়ো তুই কোইয়োচ্চে, মুই নিদ্দুযি; মঅ উগুরে লগেপ্রভুর আর রাগ নেই। মাত্তর্ মুই তর্ বিচের গুরিনে তরে সাজা দিম্, কিত্তে তুই কোইয়োচ্চে, ‘মুই পাপ ন-গরং।’

যিহিষ্কেল 11:6

তুমি এ শঅরত্ বোউত্ মান্‌‌‌‌জ্যরে মারে ফেলেয়ো আর মরা মানুচ্চোই পথ্‌‌‌‌তানি ভোরেই ফেলেয়ো।

যিহিষ্কেল 20:4

ও মান্‌জ্যর পুয়োবো, তুই কি তারারে বিচের্ গুরিবে? সালে তারার্ পুরোণি মানুচ্চুনোর জঘন্য আচার-বেবহারর কধানি তারারে জানা।

যিহিষ্কেল 22:1

পরেদি লগেপ্রভু মরে আরঅ কলঅ,

যিহিষ্কেল 22:3

তুই কঅ, প্রভু লগেপ্রভু কোইয়্যেদে, ইয়েন সে শঅরান্, যে নিজো ভিদিরে লো ঝোরেইনে নিজোর্ দযা ডাগি আনে আর মূত্তি বানেইনে নিজোরে অসিজি গরে।

যিহিষ্কেল 24:6

প্রভু লগেপ্রভু আরঅ কোইয়্যেদে, অভিশাব্ পোরোক্, সেই লো ঝোরেয়্যে শঅরান্! সিয়েন যেন এক্কো পিলে যিবেত্ কজরা কুড়্ ওইয়্যে, যিবে কাজা ন-যায়। য়েরানি বেঈ বেঈ ন-নিইনে দমাগুন্ এক্কো এক্কো গুরি নিগিলা।

যিহিষ্কেল 24:9

প্রভু লগেপ্রভু কোইয়্যেদে, অভিশাব্ পোড়োক্, সেই লো-ঝোরেয়্যে শঅরান, মুইয়ো দার্‌‌বো তুবেইনে অজল্ গুরিম।

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

নহূম 3:1

অভিশাব্ পোড়োক্, সেই লো ঝোরেয়্যে শঅরানর্, যিয়েন মিজে আর লুদেয়্যে জিনিস্‌‌‌‌চোই ভোজ্জ্যে, যিয়েনত্ নিত্য মানুচ্-শিগের্ চলের্।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

মথি লেখ্যে গম্ হবর্ 27:25

জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

লূকে লেখ্যে গম্ হবর্ 11:50

ইয়েনর্ ফল অলঅ, সংসারান্ সৃট্টির সময়োত্তুন্ ধুরি আরাম্ভ গুরিনে যেদক্‌‌জন ভাববাদীরে খুন্ গরা ওইয়্যে, তারার্ লো-গানির্ দায়ী অবাক্ এ কালর্ মানুচ্চুনে।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।

১ তীমথিয় 5:20

যে আজল্ নেতাগুনে পাপ গরানাত্ থান্ মন্ডলীর বেক্‌ মানুচ্চুনো মুজুঙোত্ তারার্ দুষ্‌‍‍‍চান দেগেই দুয়ো যাতে অন্য নেতাগুনেয়ো দরান্।