যিহিষ্কেল 22:14 - Chakma Bible

¹⁴ মুই যেদিন্যে তত্তুন্ ইজেব নিম্ সেদিন্যে কি তর্ সাহস থেবঅ? তঅ আঢত্ কি জোর্ থেবঅ? মুই লগেপ্রভু এ কধাগান কলুং আর মুই সিয়েন হামাক্কায় গুরিম।

যিহিষ্কেল 22:14 ပူးပေါင်းရင်းမြစ်များ

ইয়োব 40:9

তর্ কি গোজেন ধোক্ক্যেন বল্ আঘে? তর্ রঅবো কি তা গুজুরোনিবো ধোক্ক্যেন?

যিশাইয় 28:22

সেনত্তে ইক্কিনে তমার্ ঠাট্টা-মশ্‌কারীগানি থাম, সিয়েন ন-গুরিলে তমার্ বান্যেগানি আরঅ দরমর অবঅ; কিত্তে বেগত্তুন্ খেমতাবলা প্রভু লগেপ্রভুর্ মুয়োদি মুই পুরো দেজ্‌‌‌ছানত্তে ঠিগ গোজ্যে ভস্তর্ কধা শুন্যং।‌

যিশাইয় 31:3

মিসরীয়গুনে দঅ মানুচ্, তারা গোজেন নয়; তারার্ ঘোড়াগুন য়েরাবলা, সিগুন আত্মা নয়। লগেপ্রভু যেক্কে তা আঢ্‌তান তুলিবো সেক্কে সাহায্যগুরিয়্যেগুনে উজোত্ হেবাক্ আর যিগুনে সাহায্য পান্ তারা পড়িবাক্; তারা বেক্কুনে একসমারে ভস্ত ওই যেবাক্।

যিশাইয় 45:9

অভিশাব্ পোড়োক্ সেই মানুচ্চোর, যে তার গোজেন লগে কোল্-কোজ্যে গরে। তে দঅ মাত্যে পিলেগুনো ভিদিরে এক্কো পিলে বাদে আর কিচ্চু নয়। মাদিগানে কি কুমোর্‌বো কবঅ, তুই কি বানেয়োচ্? তর্ বানেয়্যে জিনিস্‌চানে কি কবঅ, তঅ আঢ্‌‌‌‌‌‌তান কাবিল্ নয়? ‌‌‌‌

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিহিষ্কেল 17:24

ইয়েন্দোই মাদর্ বেক গাজ্‌‌‌চুনে হবর্ পেবাক যে, মুই লগেপ্রভু অজল্ গাজরে তলে গরং আর তলে গাজরে অজল্ গরং। মুয়ই য়্যেল্ গাজরে শুগুনো গরং আর শুগুনো গাজরে জেদা গরং। “মুয়ই লগেপ্রভু এ কধাগান কোইয়োং আর মুই সিয়েন গুরিম।”

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

যিহিষ্কেল 23:34

তুই সিবেত্ হেবে, লেই-লেই হেবে; তুই সিবে ভাঙিনে কট্টা কট্টা গুরিবে আর নিজো বুক্কো ফাদি ফেলেবে। ইয়েন অলঅ মর্ বিচেরর্ রায়।

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

যিহিষ্কেল 36:36

সেক্কে তমা চেরোকিত্তে বাঁজি থেইয়্যে জাদ্‌‌তুনে হবর্ পেবাক যে, মুই লগেপ্রভু ভাঙা জাগানি আরঅ তুল্যং আর পড়ি থেইয়্যে জাগাত্ আরঅ গাজ লাগেয়োং। মুই লগেপ্রভু এ কধাগান কোইয়োং আর মুই সিয়েনই গুরিম।’”

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 6:10

সেক্কে তারা হবর্ পেবাক্, মুয়ই লগেপ্রভু; তারা উগুরে এ দযাগান আনিবার কধা মুই অনত্তক্ ন-কং।’ ”

যিহিষ্কেল 7:17

পত্তিজনর্ আঢ্ লুলো ওই যেবঅ আর পত্তিজনর আঢুগুন গির্‌‌‌‌‌‌‌‌গিরেবাক্।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

মালাখি 3:2

মাত্তর্ তার এবার্ দিন্নো কনজনে সোজ্য গুরি ন-পারিবাক্; তে আজিল্ অলে কনজনে থিয়্যেই থেই ন-পারিবাক্; কিত্যে তে অবদে রূবো যাচাই গুরিবার আগুন বা ধোপাগুনো সাগোন ধোক্ক্যেন।

মার্ক 13:31

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

১ করিন্হীয় 10:22

ইয়েন গুরিনে কি আমি ঘেচ্চ্যেকগুরি প্রভুর মনর্ জ্বালা জাগেই তুলিবাত্তে চেইর্? আমি কি তাত্তুন্ বেশ্ খেমতাবলা?

ইব্রীয় 10:31

জেদা গোজেন আঢত্ পড়ানা কি দর্‌‌গরেপারা।

১ শমূয়েল 15:29

যিবে ইস্রায়েলর বাঈনী পেবার্ তে মিজে কধা ন-কয় বা মনান্অ ন-বদলায়। তে মানুচ্ নয়দে যে, মনান্অ বোদোলেব।”