যিহিষ্কেল 22:12 - Chakma Bible

¹² তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

যিহিষ্কেল 22:12 ပူးပေါင်းရင်းမြစ်များ

নহিমিয় 5:1

পরেন্দি মানুচ্চুনে আর তারার্‌ মোগ্‌কুনে তারার্‌ তাগোয়্যে যিহূদী ভেইয়ূনোর্‌ বিরুদ্ধে অমকদ রঅ ছারা ধুরিলাক্‌।

নহিমিয় 5:7

মুই তারার্‌ কধানি মনে মনে ভাবি চেলুঙ্‌ আর সে পরেন্দি মুরুব্বী মানুচ্চুনোরে আর নেতাগুনোরে দুষ্‌ ধুরিনে কলুঙ্‌, “তুমি তমার্‌ নিজো দেজর্‌ মানুচ্চুনোর্‌ ইত্তুন্‌ সুদ আদায় গোজ্য।” সেনত্তেই মুই তারার্‌ বিচের্‌ গুরিবাত্তে দাঙর্‌ এক্কো মিটিং ডাগিলুঙ্‌।

গীতসংহিতা 106:21

তারার্ উদ্ধোর গুরিয়্যে গোজেনরে তারা ভুলি গেলাক্ যিবে মিসরত্ ভালোক্কানি দাঙর্ কাম গোজ্যে।

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গম্ উপদেজ্ 1:19

ভান্ন্যেই পধেদি কনঅ কিজু পেবাত্তে যিগুনে যান তারার বেক্কুনোর দজা এবাবোত্যে অয়; তারা যিয়েনি পান সিয়েনিলোই তারা জিংকানিগানি শেজ্ গুরি দুয়োন।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 17:10

তর্ উদ্ধোরগুরিয়্যে গোজেনরে তুই ভুলি যেইয়োচ্; সেই আশ্রয়-মুড়োবোরে তুই ইদোত্ ন-রাগাচ্। সেনত্তে যুনিয়ো তুই দোল্ দোল্ চারা আর বিদেশত্তুন্ আন্যে আংগুর লুদি লাগর্,

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 3:21

এড়েইয়্যে মুড়োগুনো উগুরে ইস্রায়েলীয়গুনোর কানানি আর কোজোলি গরানার রঅ শুনো যার্, কিত্তে তারা পথ্‌তান তারা বেঙা গোজ্যন আর তারার গোজেন লগেপ্রভুরে তারা ভুলি যেইয়োন।‌‍

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

যিরমিয় 9:1

হায়, মঅ মাঢাবো যুনি পানির ঝুর্‌ঝুরি অদঅ, আর মঅ চোগ্‌কো অদঅ পানির পয়নালা! সালে মঅ জাদর্ যে মানুচ্চুনোরে মারে ফেলা ওইয়্যে তারাত্তে মুই দিনে রেদে কানিদুং।‌‌‌

যিহিষ্কেল 18:13

তে সুদি টেঙা উদোর্ দে আর বেশ্ সুদ নেযায়। সেই পুয়োবো কি বাঁজিবো? তে ন-বাঁজিবো। এই বেক্ জঘন্য কামানি গোজ্যে বিলিনে তে মুরিবোদে মুরিবো। তে তার মরণত্তে নিজেই দায়ী অবঅ।

যিহিষ্কেল 18:8

তে সুদি টেঙা উদোর্ ন-দে বা বেশ্ সুদ ন-নেযায়। তে অন্যেয় গরানাত্তুন্ আঢ্‌তানি সোরেই রাগায় আর মানুচ্চুনো ইধু গমেডালে বিচের্ গরে।

যিহিষ্কেল 23:35

তুই মরে ভুলি যেইয়োচ্ আর তঅ পিজেদি মরে ঠিলি দুয়োচ্ বিলিনে তত্তুন্ তর্ বেভিচের্ আর বেশ্যেগিরির ফল ভুগো পুরিবো। মুই প্রভু লগেপ্রভু এ কধাগান কঙর্।”

যিহিষ্কেল 36:12

মুই তমা উগুরেদি মানুচ্চুনোরে, অত্তাৎ মর্ মানুচ্ ইস্রায়েলীয়গুনোরে আদা-উদো গোরেম্। তারা তমারে অধিকার গুরিবাক্ আর তুমি তারার্ অধিকারর্ জাগা অবা; তুমি আর কনদিন্‌অ তারারে পুয়োছা নেইয়্যে ন-গুরিবা।

লেবীয় 19:13

কনঅ মান্‌জ্য উগুরে অন্যেয় গুরি সুবিধা আদায়্‌ গরানা বা জোর্‌ গুরি তার জিনিস্‌চান্‌ নেযানা ন-চলিবো। কামগুরিয়েগুনোর দিনোর্‌ পাওনা দিনেই দিয়া পুরিবো; সিগুন্‌ বেন্যেমাদান্ সং আক্‌সো রাগানা ন-চলিবো।

লেবীয় 25:37

মাত্তর্‌ টেঙা উদোর্‌ দিলে কনঅ সুদ নেযানা ন-চলিবো তা সিদু কনঅ হেবার্‌ জিনিস্ বিজিলে কনঅ লাভ গরানা ন-চলিবো।

আমোষ 8:4

তুমি যিগুনে অভাবীগুনোর টেঙোই মাড়র্ আর নাঢাগুনোরে শেজ্ গুরি দুয়োর্, তুমি শুনো।

আমোষ 8:6

রূবোলোই নাঢা মান্‌‌‌‌জ্যরে আর এক জড়া জদালোই অভাবীরে কিনি নেযেম আর ঝান্দালোই ফেলে দিয়্যে গমুন্ তারা ইধু বেজি দিম।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:25

ফক্কর্ ধর্ম-মাষ্টর আর ফরীশীগুন, তমাত্যে কত্তমান্ দর্‌গরেপারা! তুমি থাল্-কদরার্ বারেদিগান্ তেল্‌তেল্যে গুরি রাগঅ, মাত্তর্ সিগুন জুলুমোর্ জিনিস আর লুভে ভরা।

লূকে লেখ্যে গম্ হবর্ 18:11

সেই ফরীশীবো থিয়্যেইনে নিজো পৌইদ্যেনে এ তবনাগান্ গুরিলো, ও গোজেন, মুই তরে ভালেদি জানাঙর্, মুই অন্য মানুচ্চুনো ধোক্ক্যেন্ দগাবাঁজি, অসৎ আর বেভিচেরি নয়; এমন্‌ কি, সে খাজানা-তুলিয়্যেবো ধোক্ক্যেন্অ নয়।

লূকে লেখ্যে গম্ হবর্ 19:8

সক্কেয় সিধু থিয়্যেইনে প্রভুরে কলঅ, “প্রভু, মুই মর্ ধন সোম্বোত্তির্ অদ্দেক্ নাঢাগুনোরে দি দুয়োঙর্ আর যুনি কাররে থোগেই থাং সালে সিগুনোর্ চেরগুন্ ফিরেই দোঙর্।”

লূকে লেখ্যে গম্ হবর্ 3:13

যীশু তারারে কলঅ, “আইনোত্ যিয়েন্ আঘে সিত্তুন্ বেশ্ আদায় ন-গোজ্য।”

১ করিন্হীয় 5:11

আসলে মুই যিয়েন লেক্ক্যং সিয়েনর অত্তগান ইয়েন-যুনি কেঅ নিজোরে বিশ্বেজি ভেই কয় অদচ তে বজং খাচ্চ্যদর্ মানুচ্‌ বা লুভী অয়, মূত্তি পূজো গরে, অন্যরে নিন্দে গরে, মাত্তল্ বা দেঙ্‌বাঁজি অয়, মাত্তর্ তা সমারে মিলেমিলি ন-গোজ্জ্য। এমন কি, তা সমারে হানা-দানায়ো ন-গোজ্জ্য।

১ করিন্হীয় 6:10

যিগুনে চুর্, লুভী, মাত্তল্, যিগুনে পররে বদ্‌নাঙ্ গরন্ আর যিগুনে জোচ্চোর সিগুনে গোজেন রেজ্যর্ অধিকারী ন-অবাক্।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 23:19

তুমি কনঅ ইস্রায়েলীয় ভেইয়োত্তুন্‌ সুদ ন-নেযেবা-সেই সুদ্‌তুন্‌ টেঙা-পোইজে উগুরে ওক্‌ বা খাইদে জিনিজো উগুরে ওক্‌ বা অন্য যে কনঅ জিনিজো উগুরে ওক্‌।

দ্বি’লম্বর বিররণ 27:25

সে মানুচ্চো অভিশাব খেইয়্যে, যে নিদ্দুজি মান্‌জ্যরে খুন গুরিবাত্তে ঘুষ নেযায়। সেক্কে বেক্কুনে কবাক, আমেন।

দ্বি’লম্বর বিররণ 32:18

সে জিরেবার-মুড়োবো তুমি এলাফেলা গোজ্য যে তমার বাপ; সেই গোজেনরে তুমি ভুলি যেয়োগোই যিবে মা-ধোক্ক্যেন দুঘ্ পেইনে তমারে পিত্‌থিমীত্‌ আন্যে।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।