যিহিষ্কেল 22:10 - Chakma Bible

¹⁰ তঅ ভিদিরে এমন এমন মানুচ্ আগন যিগুনে সাদাঙা মা লগে বেভিচের্ গরন, মিলের্ মাসিগো সময়োত্ অসিজি অবস্থাত্ জোর্ গুরিনে তা সমারে কিয়্যেলোই মিজেন্,

যিহিষ্কেল 22:10 ပူးပေါင်းရင်းမြစ်များ

পত্থম 35:22

ইস্রায়েলে যেক্কে সে চাগালাত্ বজত্তি গরের্ সেক্কে রূবেণে তা বাপ আর এক্কো মোক্‌ বিল্‌হার সমারে ভান্ন্যেই কাম্‌ গুরিলো। কধাগান্‌ ইস্রায়েল কানত্‌ গেলঅ। যাকোবর বারজন পুয়ো এলাক।

পত্থম 49:4

মাত্তর্‌ তুই যেন গঙার পানি ধোক্ক্যেন, সেনত্তে তর্‌ সে অজল্ জাগায়ান্ আর ন-থেবঅ। মঅ মোক্কো ইধু যেইনে তুই মঅ বিচ্ছোনানত্ ফি বাজেই দুয়োচ্।

১ বংশধর 5:1

ইস্রায়েলর্ দাঙর্‌ পুয়ো রূবেণ তা বাবর্ বিচ্ছোনান্‌ ফিবলা গোজ্যে বিলিনে দাঙর্‌ পুয়োবো অধিকারান্‌ আড়েইয়্যে। সে অধিকারান্‌ ইস্রায়েলর অন্য পুয়ো যোষেফর পুয়োগুনোরে দিয়্যে ওইয়্যে। সেনত্তে বংশগুনো নাঙানিত্‌ তা পোজিশনান্‌ দাঙর্‌ পুয়ো ইজেবে লেগা ন-অয়।

যিহিষ্কেল 18:6

তে মুড়োমুড়ি উগুরে কনঅ পূজোর্ জাগানত্ হানা-দানা ন-গরে, বা ইস্রায়েলীয়গুনোর কনঅ মূত্তি পূজো ন-গরে। তে আদামর্ কনঅ মিলেরে বর্‌‍‌বাত ন-গরে, বা মাসিক অর্ এবাবোত্যে মিলে লগে ন-মিজেই।

লেবীয় 18:19

মাসিগোর্‌ ফি-বলা অবস্থায় কনঅ মিলে সমারে কিয়্যেদি মিজেবাত্তে যানাগান ন-চলিবো।

লেবীয় 18:6

কনঅ কুদুম্মো ‍সমারে কিয়্যেদি মিজেনা ন-চুলিবো। মুই লগেপ্রভু।

লেবীয় 20:11

যে তার্‌ সাদাঙা মা সমারে কিয়্যেদি মিজেয়্‌ তে তার্‌ বাপ্পোরে অসর্মান গরে। সিয়েন্‌ গুরিলে তারে আর তার্‌ সাদাঙা মাবোরে মারে ফেলা পুরিবো। তারা নিজোর্‌ মরণানত্তে নিজেই দায়ী।

লেবীয় 20:18

কনঅ মিলেমান্‌জ্যর্‌ মাসকাবরর্‌ সময়োত্‌ যে মানুচ্চো তা সমারে কিয়্যেদি মিজেই তে সেই মিলেমানুচ্চোর্‌ লো-স্রাবর্‌ মান্‌ ন-দিলো আর সেই মিলেবো নিজেয়ো তার্‌ মর্যাদা ন-রাগায়। দ্বিজনরে তারার্‌ জাদত্তুন্‌ তুলি ফেলা পুরিবো।

আমোষ 2:7

ধূল্যে ঝারেদে ধোক্ক্যেন গুরি তারা নাঢাগুনোরে ঝারন্ আর পদত্তুন্ অভাবীগুনোরে ঠিলিনে সোরেই দোন্। বাবে আর পুয়োই এক্কো মিলে সমারে বেভিচের্ গরন আর এবাবোত্যেগুরি মঅ সুদ্ধো-সাংগ নাঙান্ অসর্মান গরন্।

১ করিন্হীয় 5:1

শুনো যাত্তে, তমা ইধু সিনেলীর্ পাপ আঘে, আর সেই সিনেলীগান এদক্ বেশ্ ওইয়্যেদে, অযিহূদীগুনেয়ো সিয়েনি ন-গরন্। এন্‌ কি, একজনে তার্ সাদাঙা মাবোরে নিজো মোগো ধোক্ক্যেন গুরি থোইয়্যে।

দ্বি’লম্বর বিররণ 27:20

সে মানুচ্চো অভিশাব খেইয়্যে, যে তার সাদাঙা মাবো লগে সিনেলী গরে, কিত্যে সেক্কে তা বাপ্পোরে তে অসর্মান গরে। সেক্কে বেক্কুনে কবাক, আমেন।

দ্বি’লম্বর বিররণ 27:23

সে মানুচ্চো অভিশাব্ খেইয়্যে, যে তার শুড়িবো লগে সিনেলী গরে। সেক্কে বেক্কুনে কবাক, আমেন।