যিহিষ্কেল 21:22 - Chakma Bible

²² তার ডেন্ আঢত্ থোইয়্যে গোণেবার-পড়িবার জিনিস্‌চানে যিরূশালেম ইন্দি পথ্‌তান দেগেই দিবো; সিয়েনত্ তে দেবাল আর গেট্ ভাঙিবার মিশিন বোজেব, মারে ফেলেবার উগুম দিবো, যুদ্ধোর্ ডাগনি দিবো, নিযো কুড়্ আর অজল্ কুড়্ বানেব।

যিহিষ্কেল 21:22 ပူးပေါင်းရင်းမြစ်များ

২ রাজাবলী 25:1

সিদিকিয়োর রাজাগিরির্‌ নয় বজর দশ মাজর্‌ দশ দিনোত্‌ বাবিলোর রাজা নবূখদ্‌নিৎসরে তার্‌ বেক্‌ সৈন্যদলুন্‌ লোইনে যিরূশালেমর বিরুদ্ধে যুদ্ধো আরাম্ভ গুরিলো। তে শঅর বারেন্দি তাম্বুল ফেলেল আর শঅর চেরোকিত্তে চুগি থেবার্‌ ঘর্‌ বানেল।

ইয়োব 39:25

তূরীর রঅবোর্ সমারে সমারে তে নাগেদি রঅ গরে; তে দূরোত্তুন্ যুদ্ধোর বাজ্ পায় আর সেনাপতিগুনোর রঅ ছাড়ানা আহ্ যুদ্ধোর রঅ শুনে।

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 33:4

বাবিলীয়গুনো লগে যুদ্ধোর্ সময়োত্ দেবাল সমারে বাস্যে গুরি কুড়্ আর তলোয়ার আঢত্তুন্ রোক্ষ্যে পেবাত্তে এ শঅরর্ যেদক্কানি ঘর্ আর যিহূদার রাজঘরানি ভাঙি ফেলা ওইয়্যে সিয়েনি সেই বেক মানুচ্চুনোর মরাকিয়্যেলোই ভর্‌পুনং অবঅ যিগুনোরে মুই মর্ বেজার্ ওইনে আর রাগে মারে ফেলেম। তারার বেক্ পাজিগানিত্তে এ শঅর ইন্দিত্তুন্ মুই মঅ মুয়োন ফিরেই রাগেম। মুই ইস্রায়েলর গোজেন লগেপ্রভু এ কধাগান কঙর্।

যিরমিয় 4:16

জাদ্তুনো ইধু আর যিরূশালেম ইধু এ কধাগান ফগদাং গরঅ, “ঘিরিবাত্তে সৈন্যগুনে দূর দেজত্তুন্ এত্তন্; তারা যিহূদার শঅরানির বিরুদ্ধে যুদ্ধোর্ ডাগ দেদন্।‌

যিরমিয় 51:14

বেগত্তুন্ খেমতাবলা লগেপ্রভু তার নিজো নাঙে শমক্ হেইনে কোইয়্যেদে, “মুই হামাক্কায় এক ঝাক্ পুগ্-যুগ্ পাল ধোক্ক্যেন মানুচ্ দিইনে তরে ভর্‌‌‌‌‌পুনং গুরিম, আর তারা তঅ উগুরে জিদেনার ডাগনি দিবাক্।”

যিরমিয় 52:4

সেনত্তে তার রাজাগিরির্ নয় বজরর্ দশ মাজত্ দশ দিনোত্ বাবিল রাজা নবূখদ্‌নিৎসরে তার বেক্ সৈন্যগুন নিইনে যিরূশালেম বিরুদ্ধে যুদ্ধোযাত্রা গুরিলো। তারা শঅরর্ বারেদি তাম্বুল্ ফেলেলাক্ আর শঅরর্ চেরোকিত্তে দেবাল্ বানেলাক্।

যিহিষ্কেল 26:8

তে যুদ্ধো গুরিনে তর্ আদামানি ভস্ত গুরিবো। তে তঅ বিরুদ্ধে এক্কো অজল্ কুড়্ বানেব আর তর্ দেবাল সমারে বাস্যে এক্কো তলেদি কুড়্ বানেব; তারা নিজোরে রোক্ষ্যে গুরিবাত্তে তারার্ বেক্ ঢালানি অজল্ গুরি ধুরিবাক্।

যিহিষ্কেল 26:9

তে দেবাল্ ভাঙিবার মেশিন্দোই তঅ দেবালানত্ আঘাত্ গুরিবো আর তা মেশিনান্দোই তর্ অজল্ চুগিদার ঘরানি ভস্ত গুরি ফেলেব।

যিহিষ্কেল 4:2

তা চেরোকিত্তে এবাবোত্যেগুরি ঘিজ্যে দেগা: তা বিরুদ্ধে এক্কান অজল্ দেবাল্ বানা, শঅরর্ দেবাল লগে এক্কো উবো দেবাল্ বানা, শঅরর্ বিরুদ্ধে সৈন্যগুনোর তাম্বুল্ টাঙা আর দেবাল চেরোকিত্তে দেবাল্ ভাঙেদে মেশিন্ বজা।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

আমোষ 1:14

সেনত্তে যুদ্ধো দিনোত্ যুদ্ধোর্ রঅত্, দর্‌‌‌‌গরেপারা ঝড় ধোক্ক্যেন যুদ্ধোত্ মুই রব্বার দেবালত্ আগুন বাজেই দিম; সিয়েনে তার্ ঘরানি পুড়ি ফেলেব।

যিহোশূয় 6:10

যিহোশূয় আগেন্দি মানুচ্চুনোরে এ উগুমান দিয়্যে, “তুমি কিজেক্‌ ন-কারিবা বা দাঙর্‌ দাঙর্‌ গুরি কধা ন-কবা বা মুয়ন্দি কনঅ‌ রঅ‌ ন-নিগিলেবা। যেদিন্যে মুই তমারে কিজেক্‌ কারিবাত্তে কোম্‌ বানা সেদিন্যে তুমি কিজেক্‌ কারিবা।”

যিহোশূয় 6:20

বাশি বাঁজি উদিবার লগে লগে মানুচ্চুনে অমকদ রঅ‌ ছাড়ি ছাড়ি উদিলাক্‌। বাশির রঅ‌বোলোই যেক্কে মানুচ্চুনে অমকদ রঅ‌ দাঙর্‌ গুরি উদিলাক্‌ সেক্কে যিরিহো শঅরর্‌ দেবালানি ভাঙিনে পড়ি গেলঅ‌। সেক্কে বেক্‌ মানুচ্চুন শঅ‌র ভিদিরে চমিলাক্‌ আরঅ সিয়েন গজক্ গুরি নেযেলাক্‌।

১ শমূয়েল 17:20

দায়ূদে বেন্যেপোত্যে উদিনেই আরেকজন য়েমান চোড়েইয্যের্‌ আঢত্‌ তার ভেড়াছাগল পালুনোর ভারান্‌ দিলো। সে পরেন্দি যিশয়র উগুম মজিম তে বেক্‌ পযাপিরানি নেযেইনে আদা মারিলো। তে যেক্কে তাম্বুলো ইদু লুমিলো সেক্কে ইস্রায়েলীয় সৈন্যগুনে সুর্ বুধিনে যুদ্ধোর কিজেক্ দেদে দেদে নিগিলি যাদন্‌।