যিহিষ্কেল 20:9 - Chakma Bible

⁹ মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

যিহিষ্কেল 20:9 ပူးပေါင်းရင်းမြစ်များ

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

যাত্রা 32:12

কিত্তেই মিসরীয়গুনে এই কধাগান্‌ কবার্‌ সুযোগ্‌ পেবাক্‌, মুড়োমুড়ি চাগালা ভিদিরে আনিনে তারারে মারে ফেলেইনে পিত্‌থিমীর্‌ বুগোত্তুন্‌ তুলি দিবার্‌ ভান্ন্যেই আওজে তুই তারারে নিগিলেই আন্যচ্‌? তর্‌ এই জদবদে রাক্কান্‌ তুই থামা। দোয়্যে গর্‌, তঅ মানুচ্চুনো উগুরে তুই এই বিপদ্‌থান্‌ ন-আনিচ্‌।

যিশাইয় 48:11

মুই যিয়েনি গরং সিয়েনি মর্ নিজোত্তে, বানা মর্ নিজোত্তে গরং। মর্ নিজোর বাঈনী ন গরানাগান্ মুই কেধোক্ক্যেন গুরি অবাত্তে দি পারং? মর্ বাঈনীগান্ মুই অন্যরে পেবাত্তে দি ন-পারং।

যিহিষ্কেল 20:14

মাত্তর্ মঅ সুনাঙান রোক্ষ্যে গুরিবাত্তে মুই সিয়েন ন-গরং, যেনে যে জাদ্‌‌‌‌‌তুনো মুজুঙোত্ মুই তারারে নিগিলেই আন্যং তারা ইধু মঅ নাঙান্ অসিজি ন-অয়।

যিহিষ্কেল 20:22

মাত্তর্ মঅ আঢ্‌‌তান মুই সোরেই রাগেলুং আর মর্ সুনাঙান রোক্ষ্যে গুরিবাত্তে মুই সিয়েন ন-গরং যেনে যিদুক্কুন্ জাদ মুজুঙোত্ মুই তারারে নিগিলেই আন্যং তারা ইধু মর্ নাঙান অসিজি ন-অয়।

যিহিষ্কেল 39:7

মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।

দ্বি’লম্বর বিররণ 9:28

সিয়েন্‌ গুরিলে যে দেজত্তুন্‌ তুই আমারে নিগিলেই আনিলে সে দেজর্‌ মানুচ্চুনে কবাক্, লগেপ্রভু তার্‌ এগেম্ গোজ্যে দেজত্‌ তারারে নেযেই ন-পারে বিলিনে বা তে তারারে ঘিনাই বিলিনে তারারে মারে ফেলেবাত্তে এ ধূল্যেচর-চাগালাত্ আন্যে।

যিহোশূয় 2:10

মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।

যিহোশূয় 7:9

কনানীয়গুনে আর এ দেজর্‌ অন্য মানুচ্চুনে এ কধানি শুনিবাক্‌ আর তারা আমারে ঘিরিবাক্‌ আহ্‌ দুনিয়ের্‌ বুগোত্তুন আমা নাঙানি বাদ দিবাক্‌। ইয়েনর্ পরেন্দি তুমি কিঙিরিনে তমার সুনাঙানি রোক্ষ্যে গুরিবা?”

১ শমূয়েল 12:22

লগেপ্রভু তার দাঙর্‌ নাঙানত্তে তার মানুচ্চুনোরে কনদিনঅ ছাড়ি ন-যেবঅ, কিত্যে তে নিজোর্ আওজ্‌‌লোই তমারে তার নিজোর মানুচ্‌ ইজেবে নেযেয়্যে।

১ শমূয়েল 4:8

হায়, হায়, এই বোলী দেবেদাগুনোত্তুন কন্না আমারে রোক্ষ্যে গুরিবো? ধূল্যে-চর চাগালাত্‌ নানান্‌ বাবোত্যে পীড়ের ভানালোই এই বেক্‌ দেবেদাগুনেই দঅ মিসরীয়গুনোরে মারে ফেলেয়োন।