যিহিষ্কেল 20:40 - Chakma Bible

⁴⁰ সেক্কে দেজ ভিদিরে মর্ সুদ্ধো-সাংগ মুড়োবো উগুরে, ইস্রায়েলর অজল্ মুড়োবো উগুরে ইস্রায়েলর বেক্ মানুচ্চুনে মরে সেবা গুরিবাক্ আর সিয়েনত্ মুই তারারে গুজি লোম্। সিয়েনত্ মুই তমার বেক সুদ্ধো-সাংগ উৎসর্বনি, দান আর গম্ গম্ বক্‌‌‌‌‌শিজচানি মাগিম্।

যিহিষ্কেল 20:40 ပူးပေါင်းရင်းမြစ်များ

২ শমূয়েল 24:23

ও মহারাজ, অরোণা রাজারে এ বেক্কানি দের্‌।” অরৌণা তারে আরঅ কলঅ, “তঅ গোজেন লগেপ্রভু যেনে তর্‌ উৎসর্বানি গুজি লয়।”

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

যিশাইয় 60:7

কেদরর ভেড়া পালুন্ তঅ মুজুঙোত্ তুবেবাক্, নবায়োতর ভেড়াগুন তঅ কামত্ লাগিবাক্; মঅ পূজোবো উগুরে উৎসর্ব ইজেবে মুই সিগুন গুজি লোম্, আর মর্ বাঈনী গরেদে ঘরানি মুই আরঅ বাঈনী গরে পারা গুরিম।

যিশাইয় 66:20

লগেপ্রভুর নাঙে উৎসর্ব ইজেবে তারা বেক্ জাদ ভিদিরেত্তুন্ তমা ভেইয়ুনোর রথ আর গাড়িত্ গুরিনে আর ঘোড়া, গাধা আর উট্‌টোই মর্ সুদ্ধো-সাংগ মুড়ো যিরূশালেমত্ এবাক্। ইস্রায়েলীয়গুনে যেবাবোত্যে সিজি গোজ্যে পিলে ভিদিরে শোজ্য-উৎসর্বর জিনিস আনন্ সেবাবোত্যেগুরি তারা লগেপ্রভুর ঘরত্ তারারে আনিবাক্।

যিশাইয় 66:23

পত্তি আঙোচ্চ্যেত্ আর পত্তি জিরেবার দিনোত্ বেক মানুচ্চুনে মঅ মুজুঙোত্ এইনে মরে তবনা গুরিবাক্।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

যিহিষ্কেল 17:22

প্রভু লগেপ্রভু কোইয়্যেদে, মুই নিজে এরস গাজর্ মাঢাত্তুন্ এক্কো কুজি আগা নিইনে মুড়োমুড়ির্ অজল্ চুগোত্ লাগেই দিম।

যিহিষ্কেল 17:23

ইস্রায়েলর অজল্ মুড়ো উগুরেত্তুন্ ডেলা নিগিলিনে ফল ধুরিবাক্; সিবে এক্কো বেগত্তুন দোল্ এরস গাজ্ ওই উদিবো। নানান্ বাবোত্যে পেগ্ তা ডেলাগুনো ভিদিরে ঘর্ বানেবাক্ আর তা ছাবাত্ বজত্তি গুরিবাক্।

যিহিষ্কেল 28:14

রোক্ষ্যেগুরিয়্যে করূব ইজেবে তরে অভিষেগ্ গরা ওইয়্যে, কিত্তে সেবাবোত্যেগুরি মুই তরে নেযেয়োং। তুই গোজেনর সুদ্ধো-সাংগ মুড়োবোত্ এলে; তুই আগুনো ধোক্ক্যেন চোক্‌‌‌‌‌চোক্যে গোজ্যে পাত্তর ভিদিরেদি আঢা-উদো গুরিদে।

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

যিহিষ্কেল 43:12

ইয়েন অলঅ উবোসনা-ঘরর্ আইন-মুড়োবো উগুরে চেরোকিত্তে বেক্ চাগালাগান অবঅ বজমান্ সুদ্ধো-সাংগ। উবোসনা-ঘরর আইনান্ এবাবোত্যে।

যিহিষ্কেল 43:27

এ দিনুন্ শেজ্ অনার্ পরেদি আস্‌তো দিনোত্তুন ধুরি ধর্মগুরুগুনে সে ডালিপূজোবো উগু‌‌‌‌‌রে তমার্ পূজ্যে আর উদোলোলি-উৎসর্বর অনুষ্ঠান গুরিবাক্। সেক্কে মুই তমারে গুজি লোম্। মুই প্রভু লগেপ্রভু এ কধাগান কঙর্।”

ওবদিয় 1:16

মঅ সুদ্ধো-সাংগ মুড়োবোত্ তুই যেবাবোত্যেগুরি মদ হেইয়োচ্ সেবাবোত্যেগুরি বেক জাদ্‌‌তুনে আমিঝে মঅ রাগর্ মদ হেবাক্; তারা দঅ হা ধুরিবাক্ আর পুরোপুরি শেজ্ ওই যেবঅ।

সফনিয় 3:11

তুই মঅ উগুরে যেদক্কানি অন্যেয় গোজ্যস্ সিয়েনত্তে তুই সেদিন্যে লাজত্ ন-পড়িবে, কিত্যে এ শঅরানত্তুন্ মুই বেক্ অহংকারী আর বাড়্‌‌বো গোজ্যে মানুচ্চুনোরে নিগিলেই দিম্। মর্ সুদ্ধো-সাংগ মুড়োবো উগুরে তুই আর কনদিন্‌অ বাড়্‌বো ন-গুরিবে।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মালাখি 3:4

সেক্কে আগ দিনো ধোক্ক্যেন্ গুরি, পুরোণি দিনো ধোক্ক্যেন গুরি যিহূদা আর যিরূশালেম মানুচ্চুনোর উৎসর্বর জিনিজে লগেপ্রভুরে হুজি গুরিবো।

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ফগদাং পেইয়্যে 12:1

পরেদি স্বর্গত্ এক্কান দাঙর্ চিহ্নো দেগা গেলঅ-এক্কো মিলে, যে পজাগ্‌কান এলঅ বেলান আর টেঙত্ তলে এলঅ চানান্। বারঅবো তারালোই গাধেয়্যে এক্কো মুকুট্ তা মাঢাবোত্ এলঅ।

ফগদাং পেইয়্যে 21:10

যেরেদি সেই স্বর্গদূত্‌তো মরে এক্কো দাঙর্ আর অজল্ মূড়োত্ নেযেল। সেক্কে মুই পবিত্র আত্মায় পরিচালিত এলুং। গোজেনর্ মহিমালোই জ্বোল্‌জোল্ল্যে যে পবিত্র শঅরান যিরূশালেম স্বর্গর্ ভিদিরেত্তুন্ আর গোজেনত্তুন্ লামি এজের্ তে মরে সিয়েন দেগেল।