যিহিষ্কেল 20:32 - Chakma Bible

³² তুমি কোই থাগঅ, তুমি জগদর্ অন্য জাদর্ মানুচ্চুনো ধোক্ক্যেন অবাত্তে চঅ যিগুনে গাজ্ আর পাত্তর পূজো গরন্। মাত্তর্ তমা মনত্ যিয়েনি আঘে সিয়েনি কনদিন্‌অ ন-অবঅ।

যিহিষ্কেল 20:32 ပူးပေါင်းရင်းမြစ်များ

গীতসংহিতা 139:2

মুই যিয়েনি গরং সিয়েনি বেক্কানি দঅ তুই হবর্ পাজ্; তুই দূরোত্তুন্ মঅ মন কধানি বুঝোচ্।

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

যিরমিয় 2:25

তুই উজিয়ার অ, ন-অলে তর্ টেঙর্ জদানি বর্‌বাত্ ওই যেবঅ আর তর্ রবুয়োও শুগেই যেবঅ। মাত্তর্ তুই কত্তে, কনঅ লাভ নেই। মুই দেব-দেবদাগুনোরে গম্ পাং, তারা পিজেদি মুই যেম্। ‍‍

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিরমিয় 44:29

মুই লগেপ্রভু তমাত্তে এক্কান চিহ্নো দিম্, এ জাগানত্ তমারে সাজা দিম্ যেনে তুমি হবর্ পঅ তমা বিরুদ্ধে মুই যে অমংগলর্ দর্ দেগেয়োং সিয়েন ঠিগ্ থেবঅ। সে চিহ্নোগান অলঅ ইয়েন-

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

যিহিষ্কেল 11:5

সে পরেদি লগেপ্রভুর আত্মাগান মঅ উগুরে এলঅ, আর তে মরে এ কধাগান কবাত্তে কলঅ, লগেপ্রভু কোইয়্যেদে, ও ইস্রায়েলীয়গুন, তুমি সে কধাগান কত্তে, মাত্তর্ তমা মনত্ কি আঘে সিয়েন মুই হবর্ পাঙ।

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

দানিয়েল 5:4

তারা আংগুর-রস খাদে খাদে সনা, রূবো, পিদোল্, লুয়ো, তক্তা আর পাত্তর্‌‌‌‌‌‌লোই বানেয়্যে দেব-দেবেদাগুনোরে বাঈনী গরা ধুরিলাক্।

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

দ্বি’লম্বর বিররণ 28:36

যিবেরে তুমি রাজা বানেইনে তমা উগুরে বোজেবা লগেপ্রভু তারে আর তমারে বোন্দী গুরি নেযেবাত্তে এমন্‌ এক্কো জাদর্‌ আদত্‌ ফেলেব যিবেরে তুমিয়ো ন-জান আর তমার পুরোণি মানুচ্চুনেয়ো ন-জানন্‌। সিয়েনত্ তুমি তক্তা আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 29:17

তক্তা, পাত্তর, সনা আর রূবোর বানেয়্যে জঘন্য মূত্তি আর আরুগ্ তুমি উই বেক্‌ মানুচ্চুনো ভিদিরে দেক্কো।

দ্বি’লম্বর বিররণ 4:28

সিয়েনত্‌ তুমি মান্‌জ্যর্‌ বানেয়্যে তক্তার্‌ আর পাত্তরর্‌ দেবেদা পূজো গুরিবা যিগুনে চেই ন-পারন্‌, ন-শুনোন্‌, হেই ন-পারন্‌, তুম্বাজ্‌ নেযেই ন-পারন।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।