যিহিষ্কেল 20:31 - Chakma Bible

³¹ এজঅ সং যেক্কে তুমি মূত্তি মুজুঙোত্ তমা ঝি-পুয়োগুনোরে আগুনোত্ পুড়িনে উৎসর্ব গরঅ সেক্কে সেই বেক্ মূত্তিগুন্দোই তুমি নিজোরে অসিজি গুরি থাগঅ। ও ইস্রায়েলীয়গুন, মুই কি তমারে মর্ আওজ্‌চান জানিবাত্তে দিম? মর্ জিংকানি নাঙে, মুই কনমতে মর্ আওজ্‌চান তমারে জানিবাত্তে ন-দিম।

যিহিষ্কেল 20:31 ပူးပေါင်းရင်းမြစ်များ

ইয়োব 27:10

তারা কি বেগত্তুন্ খেমতাবলা গোজেনরে নিইনে হুজি অন্? তারা কি নিত্য গোজেনরে ডাগন্?

ইয়োব 27:8

গোজেনে যেক্কে তা উগুরে ভোক্তিনেইয়্যেগুনোরে শেজ্ গুরি দে, সেক্কে তারার আর কনঅ আজা ন-থায়।

গীতসংহিতা 66:18

মঅ মনত্ যুনি মুই কুজুরোমিগান পুজিদুং সালে মঅ কধাগান প্রভু ন-শুনিদো।

গম্ উপদেজ্ 28:9

লগেপ্রভুর সুদোমানির কধা যুনি কনজনে শুনিনেয়ো ন-শুনোন্, সালে তার তবনাগান গ্রাজ্য ন-অয়।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 57:5

তুমি দঅ এলোন গাজ্‌‌‌চুনো ভিদিরে, ডেলা নেইয়্যে পত্তি য়েল্ গাজ তলে কামনায় জুলি উদো; তুমি কলগে কলগে আর মুড়ো মুড়ির ফাদা জাগানিত্ তমা ঝি-পুয়োগুনোরে ডালি দুয়ো।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 19:5

তারা বাল দেবেদা ইধু উৎসর্ব ইজেবে তারার পুয়ো-ছাগুনোরে আগুনোত্ পুড়িবাত্তে বাল দেবেদার পূজোর্ অজল্ জাগা বানেয়োন, মাত্তর্ মুই সিয়েন গুরিবাত্তে উগুম ন-দুয়োং বা ন-কং আর সিয়েন মর্ মনত্‌অ ন-এজে।‌

যিরমিয় 7:31

তারা তারার ঝি-পুয়োগুনোরে আগুনোত্ পুড়িবাত্তে বিন-হিন্নোম কলগত্ তোফৎ নাঙে পূজোর অজল্ জাগা বানেয়োন। মাত্তর্ এ উগুমান মুই ন-দুয়োং, মঅ মনত্‌অ সিয়েন ন-চমে।‌‌

যিহিষ্কেল 16:20

তর্ যিদুক্কুন ঝি-পুয়ো তুই মত্তে পেদত্ ধোজ্যস্ তারারে নিইনে তুই হানা ইজেবে মূত্তিগুনো নাঙে উৎসর্ব গোজ্যস্। তর্ সিনেলীর্ কামানি বোউত্ এলঅ।

যিহিষ্কেল 16:36

প্রভু লগেপ্রভু কোইয়্যেদে, ব্যভিচের্ কামত্ তুই তর্ লাজেবার-জাগায়ান খুলি দিইনে তঅ লাঙেগুনো ইধু তর্ লাংটা-বাংটাগান ফগদাং গোজ্যস্। তর্ বেক জঘন্য মূত্তিত্তে আর তারা নাঙে তর্ ঝি-পুয়োগুনোর যে লো-নি দুয়োচ্,

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 20:3

ও মান্‌জ্যর পুয়োবো, তুই ইস্রায়েলর বুড়ো নেতাগুনোরে কঅ, প্রভু লগেপ্রভু কোইয়্যেদে, তুমি কি মঅ আওজ্‌‌‌‌চান জানিবাত্তে এচ্চো? মঅ জিংকানির নাঙে কঙর্, মুই তমারে মঅ আওজ্‌‌‌‌চান জানিবাত্তে ন-দিম।

যিহিষ্কেল 23:37

তারা বেভিচের্ গোজ্যন আর তারা আঢত্ লো আঘে। তারার্ মূত্তিগুন পূজো গুরিনে তারা বেভিচের্ গোজ্যন; এমন্ কি, মত্তে জর্ম দিয়্যে ঝি-পুয়োগুনোরে তারা মূত্তিগুনোর হানা ইজেবে আগুনোত্ পুড়িনে উৎসর্ব গোজ্যন্।

যিহিষ্কেল 33:30

ও মান্‌জ্যর পুয়োবো, তঅ জাদর্ মানুচ্চুনে দেবাল কায়কুরে আর ঘর দোরোত্ এগত্তর্ ওইনে তঅ পৌইদ্যেনে কুয়োকি গত্তন্ আর একজন আর একজনরে কদন্, লগেপ্রভু ইত্তুন্ যে হবরান্ এচ্চ্যে আঢ, আমি যেইনে সিয়েনি শুনিই।

আমোষ 8:12

মান্‌‌জ্যে লগেপ্রভুর কধা শুনিবাত্তে পূগেত্তুন্ ধুরি পোজিমেদি আর উত্তোরেত্তুন্ ধুরি দোগিণেদি যাদে যাদে ঘুরি বেড়েবাক্, মাত্তর্ সিয়েন ন-পেবাক্।

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।