যিহিষ্কেল 20:3 - Chakma Bible

³ ও মান্‌জ্যর পুয়োবো, তুই ইস্রায়েলর বুড়ো নেতাগুনোরে কঅ, প্রভু লগেপ্রভু কোইয়্যেদে, তুমি কি মঅ আওজ্‌‌‌‌চান জানিবাত্তে এচ্চো? মঅ জিংকানির নাঙে কঙর্, মুই তমারে মঅ আওজ্‌‌‌‌চান জানিবাত্তে ন-দিম।

যিহিষ্কেল 20:3 ပူးပေါင်းရင်းမြစ်များ

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

গম্ উপদেজ্ 28:9

লগেপ্রভুর সুদোমানির কধা যুনি কনজনে শুনিনেয়ো ন-শুনোন্, সালে তার তবনাগান গ্রাজ্য ন-অয়।

যিশাইয় 1:12

তুমি যে মইদু এইনে মর্ বেক উদোনান্ টেঙোই মাড়, ইয়েন তমা ইদু কন্না চেইয়্যে?

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিহিষ্কেল 14:1

পরে ইস্রায়েলর কয়েক্কো বুড়ো নেতা মইধু এইনে মঅ মুজুঙোত্ বজিলাক্।

যিহিষ্কেল 20:2

সেক্কে লগেপ্রভুর এ কধাগান মইধু ফগদাং অলঅ,

যিহিষ্কেল 20:31

এজঅ সং যেক্কে তুমি মূত্তি মুজুঙোত্ তমা ঝি-পুয়োগুনোরে আগুনোত্ পুড়িনে উৎসর্ব গরঅ সেক্কে সেই বেক্ মূত্তিগুন্দোই তুমি নিজোরে অসিজি গুরি থাগঅ। ও ইস্রায়েলীয়গুন, মুই কি তমারে মর্ আওজ্‌চান জানিবাত্তে দিম? মর্ জিংকানি নাঙে, মুই কনমতে মর্ আওজ্‌চান তমারে জানিবাত্তে ন-দিম।

যিহিষ্কেল 33:30

ও মান্‌জ্যর পুয়োবো, তঅ জাদর্ মানুচ্চুনে দেবাল কায়কুরে আর ঘর দোরোত্ এগত্তর্ ওইনে তঅ পৌইদ্যেনে কুয়োকি গত্তন্ আর একজন আর একজনরে কদন্, লগেপ্রভু ইত্তুন্ যে হবরান্ এচ্চ্যে আঢ, আমি যেইনে সিয়েনি শুনিই।

আমোষ 8:12

মান্‌‌জ্যে লগেপ্রভুর কধা শুনিবাত্তে পূগেত্তুন্ ধুরি পোজিমেদি আর উত্তোরেত্তুন্ ধুরি দোগিণেদি যাদে যাদে ঘুরি বেড়েবাক্, মাত্তর্ সিয়েন ন-পেবাক্।

মীখা 3:7

সেক্কে সেই দর্শন পেইয়্যেগুনে লাজত্ পড়িবাক্ আর গোণোক্ক্যেগুনে অসর্মানিত অবাক্। তারা বেক্কুনে মুয়োনি লুগেবাক্, কিত্যে গোজেনে কনঅ জোব্ ন-দিবো।

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

লূকে লেখ্যে গম্ হবর্ 3:7

সেক্কে বাপ্তিষ্ম লবাত্তে বোউত্ মানুচ্ যোহন ইধু এজা ধুরিলাক্। যোহনে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

যোহন 4:24

গোজেনে আত্মা; যিগুনে তার্ উবোসনা গরন্, আত্মায় আর সত্যলোই তারার্ সে উবোসনা গরা পুরিবো।”

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।