যিহিষ্কেল 20:23 - Chakma Bible

²³ সিয়েন বাদেয়ো ধূল্যেচর-চাগালাত্ মুই তারা ইধু শমক্ হেইয়োং, নানান্ জাদ আর দেজ ভিদিরে মুই তারারে ছিদি দিম,

যিহিষ্কেল 20:23 ပူးပေါင်းရင်းမြစ်များ

গীতসংহিতা 106:27

তারা গুট্টিগুনোর নানান্ জাদঅ ভিদিরে মরণ এবঅ, আর নানান্ দেজত্ তারারে ছিদি দিবো।

গীতসংহিতা 44:11

ডালি দেদে ভেড়া ধোক্ক্যেন্ গুরিনে তারার আঢত্ তুই আমারে তুলি দুয়োচ্ আর নানান্ জাদ ভিদিরে ছিদি দুয়োচ্।

যিরমিয় 15:4

যিহূদার রাজা হিষ্কিয়র পুয়ো মনঃশি যিরূশালেমত্ যিয়েনি গোজ্যে সিয়েনিত্তে মুই যে সাজা দিম্ সিয়েন দেগিনে পিত্‌থিমীর বেক রেজ্যর মানুচ্চুনে দোরেবাক্।‍

যিহিষ্কেল 11:16

সেনত্তে মুই প্রভু লগেপ্রভু যিয়েনি কঙর্ সিয়েনি তুই তঅ মানুচ্চুনোরে কঅ, মুই যুনিয়ো অন্য জাদ ভিদিরে তারারে পাধেই দুয়োং আর নানান্ দেজত্ ছিদি দুয়োং তো যেদক্কানি দেজত্ তারা যেইয়োন সিয়েনিত্‌অ এই কয়েক দিনোত্তে মুয়ই তারার্ সুদ্ধো-সাংগ জাগা ওইয়োং।

যিহিষ্কেল 20:15

ইয়েনিবাদেয়ো সেই ধূল্যেচর-চাগালাত্ তারা ইধু মুই শমক্ হেইয়োঙ্, মর্ দিয়্যে দেজ্-যে দেজত্ দুধ, মধু আর কনঅ কিজুর্ অভাব নেই, যে দেজ্‌‌‌‌‌চান বেক্ দেজ্‌‌‌‌‌চানিত্তুন সেরা-সে দেজত্ মুই তারারে ন-নেযেম।

যিহিষ্কেল 22:15

মুই তঅ মানুচ্চুনোরে নানান্ জাদত্ আর দেজ ভিদিরে ছিদি দিম্ আর তর্ অসিজিগান দূর্ গুরিম।

যিহিষ্কেল 44:12

মাত্তর্ তারা মূত্তিগুনো মুজুঙোত্ মানুচ্চুনোরে সেবা গোজ্যন্ আর ইস্রায়েল জাদরে পাপত্ ফেল্যন, সেনত্তে মুই প্রভু লগেপ্রভু শমক্ গোজ্যং, তারার্ পাপর্ ফল তারাত্তুন ভুগো পড়িবো।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

দ্বি’লম্বর বিররণ 32:40

মুই আত্‌ তুলিনে শমক্‌ হেইনে কঙর্, মর্‌ জীংকানির্ এগেম,

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।