যিহিষ্কেল 20:20 - Chakma Bible

²⁰ তারা যেন মর্ দিয়্যে জিরেবার দিনুনোর পবিত্রতাগান রোক্ষ্যে গরন; সেক্কে মর্ আর তারা ভিদিরে সিয়েন এক্কান চিহ্নো ওই থেবঅ, আর তারা হবর্ পেবাক্ যে, মুয়ই তারার্ গোজেন লগেপ্রভু।

যিহিষ্কেল 20:20 ပူးပေါင်းရင်းမြစ်များ

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যাত্রা 20:8

জিরেবার্‌ দিন্নো মর্‌ নাঙে যুদো গুরি রাগেবা আর সিবে পালন গুরিবা।

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিরমিয় 17:22

মুই যেবাবোত্যেগুরি তমা পুরোণি মানুচ্চুনোরে উগুম দুয়োং সেবাবোত্যে জিরেবার দিনোত্ তুমি তমা ঘরত্তুন্ কনঅ বুদি নিগিলেই ন-আনিবা বা কনঅ কাম ন-গুরিবা, বরং জিরেবার দিন্নো মঅ নাঙে যুদো গুরি রাগেবা।

যিরমিয় 17:24

মাত্তর্ যুনি তুমি উজিয়ার ওইনে মর্ কধামজিম আঢঅ আর জিরেবার দিনোত্ শঅরর্ গেদো ইন্দি কনঅ বুধি ন-আন বরং জিরেবার দিন্নোত্ কনঅ কাম্ ন-গুরিনে দিন্নোরে মঅ নাঙে যুদো গুরি রাগঅ,

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

যিহিষ্কেল 20:12

মর্ আর তারা ভিদিরে চিহ্নো ইজেবে জিরেবার দিনুন্‌অ তারারে দিলুং যেনে তারা হবর্ পান, মুই লগেপ্রভু মর্ নাঙে তারারে যুদো গুরিলুং।

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 22:8

তুই মর্ সুদ্ধো-সাংগ জিনিস্‌‌‌‌‌‌‌‌‌‌চানি ঈচ্ গোজ্যস্ আর মর্ জিরেবার দিনুনোর পবিত্রতাগান রোক্ষ্যে ন-গরচ্।

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।