যিহিষ্কেল 20:19 - Chakma Bible

¹⁹ মুই তারারে আরঅ কলুং, মুয়ই তারার্ গোজেন লগেপ্রভু, সেনত্তে মর্ সুদোমানি যেন তারা পালান্ আর মর্ রীদি-সুদোমানি মানি চলন।

যিহিষ্কেল 20:19 ပူးပေါင်းရင်းမြစ်များ

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

যিহিষ্কেল 11:20

সেক্কে তারা মঅ সুদোম মজিম্ চলিবাক্ আর মর্ রীদি-সুদোমানি যত্তন্ গুরি পালেবাক্। তারা মঅ মানুচ্ অবাক্ আর মুই তারার্ গোজেন ওম।

গীতসংহিতা 105:45

যেনে তারা তার সুদোমানি পালান্ আর তার রীদি-সুুদোমানি মানন্। লগেপ্রভুরে নাঙ্ গিনে ওক্।

দ্বি’লম্বর বিররণ 12:1

তমা পুরোণি মানুচ্চুনোর গোজেন লগেপ্রভু যে দেজ্‌ছান তমারে গজক্ গুরিবাত্তে দিয়্যে সিয়েনত্‌ জিংকানিবর্‌ এ বেক্‌ সুদোমানি আর উগুমানি যত্তনগুরি তমাত্তুন্‌ পালন গরা পুরিবো।

দ্বি’লম্বর বিররণ 11:1

তমার গোজেন লগেপ্রভুরে কোচ্‌পেবা আর তে যিয়েন্‌ চায় সিয়েন্‌ গুরিবা আর তার্‌ সুদোমানি, হুকুমানি আর উগুমানি আমিঝে পালন গুরিবা।

দ্বি’লম্বর বিররণ 8:1

এচ্চ্যে মুই তমারে যেদক্কানি উগুম্‌ দুয়োঙর্‌ সিয়েনির্‌ পত্তি উগুম পালন গুরিবাত্তে তুমি মন দুয়ো, যেনে তুমি বাঁজি থাগঅ আর সোংখ্যেন্দি বাড়িই উদো আর লগেপ্রভু তমার পুরোণি মানুচ্চুনো ইদু যে দেজ্‌ছান দিবার্‌ কধা শমক্‌ খেইনে এগেম্ গোজ্যে সিদু সুমিনে সিয়েনি গজক্ গুরি পারঅ।

দ্বি’লম্বর বিররণ 5:1

মোশি বেক্‌ ইস্রায়েলীয়গুনোরে ডাগিনে কলঅ, ইস্রায়েলীয়গুন, এচ্ছ্যে মুই তমা ইদু যেদক্কানি সুদোম আর উগুম ফগদাং গরঙর্‌ তুমি সিয়েনি শুনো। তুমি সিয়েনি শিগি রাগেবা আর সিয়েনি যত্তন্‌ গুরিনে পালেবা।

দ্বি’লম্বর বিররণ 4:1

ইস্রায়েলীয়গুন, মুই তমারে যেদক্কানি সুদোম আর রীদি-সুদোমর্ শিক্ষ্যে দিবাত্তে যাঙর্‌ সিয়েনি তুমি ইক্কিনে শুনো। ইয়েনি তমাত্তুন্‌ মানি চলা পুরিবো যেনে তুমি বাঁঝি থাগঅ আর তমা পুরোণি মানুচ্চুনোর্‌ গোজেন লগেপ্রভু যে দেজ্‌ছান তমারে দিবাত্তে যার্‌ সিদু যেইনে সিয়েন্‌ অধিকার্‌ গুরি নেযেই পার।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

দ্বি’লম্বর বিররণ 6:1

তমা গোজেন লগেপ্রভু এ বেক্‌ উগুমানি, নিয়ম আর হুকুমানি তমারে শিগেবাত্তে মরে উগুম্‌ দিয়্যে, যেনে যর্দন গাঙান্‌ পার্‌ ওইনে যে দেজ্‌ছান তুমি গজক্ গুরিবাত্তে যর্‌ সিদু তুমি সিয়েনি পালন গুরিনে চলিবা।

দ্বি’লম্বর বিররণ 6:2

সেক্কে তুমি, তমা ঝি-পূঅগুনে আর তারার্‌ বংশধরুনে তমা গোজেন লগেপ্রভুরে ভোক্তি গুরিনে তার্‌ দিয়্যে এ বেক্‌ সুদোমানি আর উগুমানি সারা জিংকানিবর্‌ পালেবা আর সেনত্তে ভালোক্‌ দিন সং বাঁঝি থেবা।

দ্বি’লম্বর বিররণ 8:2

মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।

লেবীয় 18:4

তমার্‌ চলা পুরিবো মর্‌ রীদি-সুদোম মজিম। মর্‌ দিয়্যে ‍সুদোম তমাত্তুন্‌ যত্তন্‌ গুরি পালা পুরিবো। মুই লগেপ্রভু তমার গোজেন।

গীতসংহিতা 119:4

তুই সুদোমানি ঠিগ্ গুরি দুয়োচ্ যেন সিয়েনি আমি গমেডালে পালেই।