যিহিষ্কেল 20:18 - Chakma Bible

¹⁸ সিদু তারার্ পুয়ো-ঝিগুনোরে মুই কলুং, তারা যেন তারার্ পুরোণি মানুচ্চুনো ধোক্ক্যেন কাম্ ন-গরন, তারার আচার-বেবহার মজিম্ ন-চলন আর তারার্ মূত্তিগুন দিইনে নিজোরে অসিজি ন-গরন।

যিহিষ্কেল 20:18 ပူးပေါင်းရင်းမြစ်များ

গীতসংহিতা 106:39

ইয়েনি গুরিনে তারা নিজোরে ফি বলা বানেলাক্; তারার্ কামানিলোই তারা লগেপ্রভু ইদু অবিশ্বেজি অলাক্।

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিরমিয় 2:7

মুই তমারে এক্কান বোল্‌বোল্যে দেজত্ আন্যং যেন তুমি সিদুগোর্ গুলোগুলি আর গম্ গম্ জিনিস হেই পার; মাত্তর্ তুমি এইনে মঅ দেজ্‌‍‍ছানরে অসিজি গোজ্য, মর্ অধিকারানরে ঈচ্ গরেদে জিনিস গোজ্য।

যিরমিয় 3:9

তার বেশ্যেমি কামানি তাইধু কিচ্ছু মনে ন অয় বিলি তে পাত্তর্ আর তক্তার দেবেদাগুনো সমারে বেশ্যেমি গুরিনে দেজ্‌ছানরে অসিজি গুরিলো।

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিহিষ্কেল 18:14

আরঅ ধোজ্য, সেই পুয়োবোর এক্কো পুয়ো আঘে। তে তা বাবরে এ পাপ্‌‌‌পানি গত্তে দেগিনেয়ো সিয়েনি ন-গরে।

যিহিষ্কেল 18:19

তো তুমি কত্তে, বাবর্ দুজোত্তে কিত্তে পুয়োবো সাজা ন-পেবঅ? সেই পুয়োবো দঅ ন্যায় আর ঠিগ্ কাম গোজ্যে আর মর্ বেক সুদোমানি যত্তন্ গুরি পালেয়্যে, সেনত্তে তে হামাক্কায় বাঁজিবো।

যিহিষ্কেল 2:3

তে কলঅ, “ও মান্‌‌‌জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্।

যিহিষ্কেল 20:7

মুই তারারে কোইয়োং, যিদুক্কুন জঘন্য মূত্তি তারার ইধু গম্ লাক্যে সিগুন যেন তারা পত্তিজনে দূর গুরি দুয়োন আরঅ মিসরর মূত্তিগুন দিইনে নিজোরে অসিজি ন-গরন, কিত্তে মুয়ই তারার গোজেন লগেপ্রভু।

আমোষ 2:4

লগেপ্রভু কত্তে, “যিহূদার তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম, কিত্যে তা মানুচ্চুনে লগেপ্রভুর্ রীদি-সুদোমানি এলাফেলা গোজ্যন্, আর তার্ সুদোমানি ন-পালান। তারার্ পুরোণি মানুচ্চুনে যে মিজে দেব-দেবেদার্ পিজেদি যেইয়োন তারায়ো সে পধেদি যেইয়োন্।

গণাণা 14:31

তমার্‌ যে ঝি-পূঅগুনোরে কাড়ি নেযা অবঅ বিলি তুমি কোইয়ো সেই ঝি-পূঅগুনোরে মুই সে দেজত্‌ নেযেম। এই ঝি-পূঅগুনেই সেই দেজ্‌চান্‌ ভোগ্‌ গুরিবাক্‌ যিয়েন্‌ তুমি টেংগোই লাদি মাজ্য।

প্রেরিত্‌ 7:51

ও একবুচ্চ্যে জাদ্! অযিহূদীগুনো ধোক্ক্যেন্ তমার কানানি আর মনানি, আর তুমিয়ো ঠিগ্ তমা পূরোণি মানুচ্চুনো ধোক্ক্যেন্। তুমি আমিযে পবিত্র আত্মাগানরে মানা গুরি থাগঅ।

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;