যিহিষ্কেল 20:12 - Chakma Bible

¹² মর্ আর তারা ভিদিরে চিহ্নো ইজেবে জিরেবার দিনুন্‌অ তারারে দিলুং যেনে তারা হবর্ পান, মুই লগেপ্রভু মর্ নাঙে তারারে যুদো গুরিলুং।

যিহিষ্কেল 20:12 ပူးပေါင်းရင်းမြစ်များ

পত্থম 2:3

এ সাত দিন্‌নোরে তে বর্ দিইনে নিজোত্যে ফারক্‌ গুরিলো, কিত্তে সে দিনোত্‌ তে কনঅ সৃট্টির কাম ন-গুরিলো।

নহিমিয় 9:14

তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

যাত্রা 16:29

চঅ, তমাত্তে জিরেবার্‌ এই সুদোমান্‌ তমা লগেপ্রভু গোজ্যে। সেনত্তে ছঅ দিনোত্‌ তে দ্বি দিনোর্‌ হানা তমাত্তে যুগেলেই দের্‌। সেনে সাত দিনোত্‌ তুমি কনজনে ঘরর্‌ বারেদি ন-যেবা, ভিদিরেই থেবা।”

যাত্রা 35:2

সাপ্তায়্‌ ছয়দিন তুমি কাম্‌ গুরিবা মাত্তর্‌ সাত দিন্নো অবদে তমার্‌ এক্কো যুদো গুরি রাগেয়্যে দিন, লগেপ্রভুর্‌ নাঙে জিরেবার্‌ দিন। সেই দিনোত্‌ যে কাম্‌ গুরিবো তারে মারে ফেলা অবঅ‌।

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

যিরমিয় 17:22

মুই যেবাবোত্যেগুরি তমা পুরোণি মানুচ্চুনোরে উগুম দুয়োং সেবাবোত্যে জিরেবার দিনোত্ তুমি তমা ঘরত্তুন্ কনঅ বুদি নিগিলেই ন-আনিবা বা কনঅ কাম ন-গুরিবা, বরং জিরেবার দিন্নো মঅ নাঙে যুদো গুরি রাগেবা।

যিহিষ্কেল 20:20

তারা যেন মর্ দিয়্যে জিরেবার দিনুনোর পবিত্রতাগান রোক্ষ্যে গরন; সেক্কে মর্ আর তারা ভিদিরে সিয়েন এক্কান চিহ্নো ওই থেবঅ, আর তারা হবর্ পেবাক্ যে, মুয়ই তারার্ গোজেন লগেপ্রভু।

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 37:28

মঅ ঘরান্ যেক্কে উমরত্তে তারা ভিদিরে অবঅ সেক্কে জাদ্‌‌‌‌তুনে বেক্কানি হবর্ পেবাক্, মুই লগেপ্রভু ইস্রায়েলরে মর্ নাঙে যুদো গোজ্যং।’”

যিহিষ্কেল 44:24

কনঅ মামলা-মগদ্দমা অলে ধর্মগুরুগুনে বিচেরগর্ কাম গুরিবাক্ আর মর্ উগুম মজিম্ সিয়েনর রায় দিবাক্। মর্ ঠিগ্ গোজ্যে বেক পরব্‌‌‌পুনোত্তে তারা মর্ রীদি-সুদোমানি আর সুদোমানি পালেবাক্ আর জিরেবার দিনুনোর পবিত্রতাগান রোক্ষ্যে গুরিবাক্।

লেবীয় 20:8

মর্‌ সুদোমানি তমাত্তুন্‌ ধুরি রাগা পুরিবো আর সে ধোক্ক্যেন চলা পুরিবো। মুই লগেপ্রভু, মুয়ই তমারে মর্‌ নাঙে যুদো গুরি নেযেয়োং।

লেবীয় 21:15

যেনে তে পুরো বংশর্‌ ভিদিরে তার্‌ নিজোর্‌ ঝি-পূঅগুনোরে যুদো গোজ্যে অবস্থাত্তুন্‌ সাধারন অবস্থাত্‌ লামেই ন-আনে। মুই লগেপ্রভু, মুয়ই দাঙর্‌ ধর্মগুরুগুনোরে মর্‌ নাঙে যুদো গুরি রাগেয়োং।”

লেবীয় 21:23

মাত্তর্‌ তার্‌ কিয়্যেত্ দাগ্‌ আঘে বিলিনে তে পবিত্র জাগানর্‌ পর্দাগান ইদু বা পূজোবোর্‌ মুজুঙোত যেইনে মর্‌ পবিত্র জাগাগানির্‌ পবিত্রতাগান্‌ বর্‌বাদ্ গুরি ন-পাবিবো। মুই লগেপ্রভু, মুয়ই ধর্মগুরুগুনোরে মর্‌ নাঙে যুদো গুরি রাগেয়োং।

লেবীয় 21:8

ও ইস্রায়েলীয়গুন্‌, তুমিয়ো ধর্মগুরুগুনোরে গোজেনর্‌‌ নাঙে যুদো গুরি রাগেয়্যে মানুচ্‌ ইজেবে চেবা, কিত্যে তারা তমার্‌ গোজেনর্‌‌ নাঙে হেবার্‌ উৎসর্ব গুরিবার্‌ কাম গরন্‌। যুদো গুরি রাগেয়্যে মানুচ্‌ বিলিই তারারে চাহ্ পুরিবো, কিত্যে মুই লগেপ্রভু নিজেই পবিত্র আর মুয়ই তমারে মর্‌ নাঙে যুদো গুরি রাগেয়োং।

লেবীয় 23:3

সাপ্তায় ছদিন তুমি কাম্‌ গুরি পারিবা মাত্তর্‌ সাত দিনোত্‌ অবঅ জিরেবার্‌ দিন, অত্তাৎ পবিত্র মিলন-সভার দিন। এ দিনোত্‌ তুমি কনঅ কাম্‌ ন-গুরিবা। তুমি যিয়েনত্‌ বজত্তি গত্তা সাৎ এ দিন্য অবঅ লগেপ্রভুর নাঙে জিরেবার্‌ দিন।”

লেবীয় 23:32

সেদিন্নো অবঅ তমাত্তে এক্কো জিরেবার দিন। সেদিন্যে তমার দুখস্বীগের্‌ গরা পুরিবো। সেই মাজর্‌ নয় দিনোত্‌ সাজোন্যেত্তুন্‌ ধুরি আরাম্ভ গুরি তার্‌কেল্যে সাজোন্যে সং তুমি এ জিরেবার দিন্নো পালন গুরিবা।”

লেবীয় 23:39

“সাত মাজর্‌ পন্দর দিনোর দিন্নোত্‌ ভূইয়াত্তুন্‌ ফসল তুলি নেযানার পরেদি লগেপ্রভুর্ নাঙে সাত দিন সং এ নাদামান্‌জ্যর্‌-ঘরর্‌ পরব্‌ পালন গরা পুরিবো। এ সাত দিনোর্‌ পত্তম দিন্নো আর আস্টো দিন্নো অবঅ তমার্‌ জিরেবার দিন।

লেবীয় 25:4

মাত্তর্‌ সাত বজরত্‌ ভূইয়ানিরে জিরেবার সময় দিয়্যে পুরিবো। ইবে অবঅ লগেপ্রভুর নাঙে জিরেবার দিন। সে সময় তুমি ভূইয়োত বীজ ন-ফেলেবা আর আংগুর্‌ গাজর ডেলা ন-কাজেবা।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।