যিহিষ্কেল 20:1 - Chakma Bible

¹ সাত বজরর্ পাচ্ মাসর দশ দিনোত্ ইস্রায়েলর কয়েক্কো বুড়ো নেতা লগেপ্রভুর আওজ্ জানিবাত্তে এইনে মঅ মুজুঙোত্ বজিলাক্।

যিহিষ্কেল 20:1 ပူးပေါင်းရင်းမြစ်များ

২ রাজাবলী 3:13

ইলীশায় ইস্রায়েল রাজারে কলঅ, “তঅ সমারে মর্‌ কি মিজেনা? তুই তঅ বাপ্পো বা মাবো ভাববাদীগুনোর ইদু যাহ্।” জোবত্‌ ইস্রায়েল রাজা কলঅ, “না, নঅ-যেম্‌, কিত্তে মোয়াবর আঢত্‌ তুলি দিবাত্তে গোজেনে আমারে তিন রাজারে ডাগিনে এগত্তর্‌ গোজ্যে।”

২ রাজাবলী 6:32

ইলীশায় সেক্কে তা ঘরত্‌ বোই এলঅ আর তা লগে এলাক্‌ বুড়ো নেতাগুনে। রাজা এক্কো মান্‌জ্যরে ইলীশায় ইদু পাধেই দিলো, মাত্তর্‌ মানুচ্চো সিদু লুমিবার্‌ আগেন্দি ইলীশায় বুড়ো নেতাগুনোরে কলঅ, “তুমি কি নঅ-দেগর্‌ সে খুনিবো মঅ মাধাবো কাবি ফেলেবাত্তে কিঙিরিনে এক্কো মান্‌জ্যরে পাদেয়্যে? চঅ, মানুচ্চো এজানার্‌ পরেন্দি তুমি দোরান্‌ বানি দিবা আর তা মুজুঙোত্‌ দোরান্‌ বানি রাগেবা। তা পিজেন্দি কি তা গিরোজ্‌সো টেঙ রঅবো শুনো ন-যার্‌?”

যিশাইয় 29:13

প্রভু কোইয়্যেদে, “এ মানুচ্চুনে মুয়োদি মরে উবোসনা গরন্ আর মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়। তারা বানা মান্‌জ্যর শিগেয়্যে সুদোম্বোই মরে উবোসনা গরন্।

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

যিরমিয় 21:2

“বাবিলর রাজা নবূখদ্‌নিৎসরে আমা লগে যুদ্ধো গরের্; সেনত্তে তুই আমাত্তে লগেপ্রভু ইধু কোজোলী গর্ যেনে তে আমা ইত্তুন্ ফিরি যায়। অয়ত লগেপ্রভু আমাত্তে আগঅ ধোক্ক্যেন আমক্ অইদ্যে কাম্ গুরিবো।”

যিরমিয় 37:17

সে পরেদি রাজা সিদিকিয় মানুচ্ পাধেইনে তারে রাজঘরত্ ডাগি আনিনে ভিদিরে ভিদিরে পুযোর্ গুরিলো, “লগেপ্রভুর কনঅ কধা আঘে নাকি?” জোবত্ যিরমিয় কলঅ, “অয়, আঘে। তরে বাবিল রাজার আঢত্ তুলি দিয়্যে অবঅ।”

যিহিষ্কেল 1:2

সে সময়ান এলদে রাজা যিহোয়াখীনোর বন্দী অবার্ পাচ্ বজরত্।

যিহিষ্কেল 20:2

সেক্কে লগেপ্রভুর এ কধাগান মইধু ফগদাং অলঅ,

যিহিষ্কেল 24:1

আমা বন্দীদজার্ নয় বজরর্ দশ মাজর্ দশ দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 26:1

আমার বন্দী থেবার এগার বজরত্ মাসর্ পত্তম দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 29:1

আমা বন্দীদজার্ দশ বজরর দশ মাজর্ বার দিনোত্ লগেপ্রভুর এই কধাগান মইধু ফগদাং অলঅ,

যিহিষ্কেল 29:17

আমা বন্দীদজার্ সাতেশ বজরর পত্তম মাজর্ পৌইল্যা দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 30:20

আমা বন্দীদজার্ এগার বজরর্ পত্তম মাজর্ সাত দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 31:1

আমা বন্দীদজার্ এগার বজরর্ তিন মাজর্ পৌইল্যা দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 32:1

আমা বন্দীদজার্ বার বজরর্ বার মাজর্ পত্তম দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 40:1

আমা বন্দীদজাত্ পোজোস্ বজরর্ আরাম্ভত, মাসর্ দশ দিনোত, যিরূশালেম শঅরর্ পতনর্ চৌদ্দ বজর পরেদি লগেপ্রভুর আঢ্‌তানি মঅ উগুরে এলঅ। ‌‌

যিহিষ্কেল 8:1

বন্দীদজাত্ থেবার ছয় বজরর্ ছয় মাসর্ পাচ্ দিনোত্ মুই যেক্কে মঅ ঘরত্ বুয়োই এলুং আর যিহূদার বুড়ো নেতাগুনে মঅ মুজুঙোত্ বুয়োই এলাক্ সেক্কে প্রভু লগেপ্রভুর আঢ্‌‌‌তানি সেই জাগানত মঅ উগুরে এলঅ।

যিহিষ্কেল 8:11

সিগুনো মুজুঙোত্ থিয়্যেই আগন্ ইস্রায়েলীয়গুনোর সত্তুর্ জন নেতা আর তারা ভিদিরে থিয়্যেই আগেদে শাফনর পুয়ো যাসনিয়। তারার্ পত্তিজনর আঢত্ এক্কো গুরি আগর্‌বাট্টির্ টগ্ এলঅ আর সিগুনোত্তুন্ আগর্‌বাট্টির্ ধূমো মেঘ্‌কানি উগুরেদি উদের্।

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

লূকে লেখ্যে গম্ হবর্ 10:39

মরিয়ম নাঙে মার্থার্ এক্কো বোন এলঅ। তে প্রভুর টেঙ কুরে বোইনে তা কধা শুনের্।

লূকে লেখ্যে গম্ হবর্ 2:46

যেরেদি তিন দিন পরেদি তারা তারে উবোসনা-ঘরত্ পেলাক্। তে মাষ্টরুনো সংমোধ্যে বোইনে তারার্ কধানি শুনের্ আর তারারে নানান্ কধা পুযোর্ গরের্।

লূকে লেখ্যে গম্ হবর্ 8:35

কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।