যিহিষ্কেল 2:8 - Chakma Bible

⁸ ও মান্‌‌‌জ্যর পুয়োবো, মুই তরে যিয়েনি কং সিয়েনি শুন্। সে উল্লোমী জাদ্‌‌‌তো ধোক্ক্যেন্ তুই উল্লোমী ন-ওচ্। তুই আঃ গর্, মুই তরে যিয়েনি দুয়োঙর্ সিয়েনি হা।”

যিহিষ্কেল 2:8 ပူးပေါင်းရင်းမြစ်များ

গীতসংহিতা 105:28

তে আন্ধার্ পাদেল, সেক্কে আন্ধার পাদেল; তা কধানির বিরুদ্ধে তারা উল্লোমি ন-গুরিলাক্।

যিশাইয় 50:5

প্রভু লগেপ্রভু মঅ কানান্ খুলি দিয়্যে আর মুই অবাধ্য ন-অং, পিজেদিয়ো ন-যাং।

যিশাইয় 8:11

লগেপ্রভু তা খেমতাবলা আঢ্‌‌‌তান মঅ উগুরে রাগেইনে মঅ সমারে কধা কলঅ। তে মরে উজিয়ার্ গুরি দিলো যেন মুই এ মানুচ্চুনোর্ পধেদি ন-আঢং। তে কলঅ,

যিরমিয় 13:2

সেনত্তে লগেপ্রভুর উগুম মজিম্ মুই এক্কান কমর্ পিজোনি কিনিনে বানিলুং।

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

যিহিষ্কেল 12:7

মরে যিয়েনি উগুম গরা অলঅ সেবাবোত্যে মুই কাম্ গুরিলুং। দূরোত্ বন্দী ওই যাইদ্যে ধোক্ক্যেন গুরি মুই মর্ পযাপিরানি দিনোত্ নিগিলেই আনিলুং। সে পরেদি সাজোন্যে আঢ্‌‌তোই দেবাল গাত্তো খুড়িলুং। তারা চোগো মুজুঙোত্ আন্ধারত্ মর্ পযাপিরানি মুই কানা উগুরে লোইনে আঢা ধল্লুং।

যিহিষ্কেল 3:10

তে মরে আরঅ কলঅ, “ও মান্‌জ্যর্ পুয়োবো, মুই তরে যেদক্কানি কধা কোম্ সিয়েনি তুই মন দিইনে শুন্ আর মনত্ থুবেই রাগা।‌‌‌‌

যিহিষ্কেল 33:7

ও মান্‌‌‌‌‌‌‌‌‌‌জ্যর পুয়োবো, ইস্রায়েল জাদত্তে মুই তরে চুগিদার নেযেয়োং; সেনত্তে মুই যিয়েনি কঙর্ সিয়েনি শুন্ আর মর্ ওইনে তারারে উজিয়ার গর্।

যিহিষ্কেল 40:4

মানুচ্চো মরে কলঅ, “ও মান্‌‌জ্যর পুয়োবো, তুই চোগেদি চাহ্ আর কানেদি শুন আহ্ মুই তরে যিয়েনি দেগেম সিয়েনি বেক্কানিদি মনযোগ্ দে, কিত্যে সেনত্তে তরে ইধু আনা ওইয়্যে। তুই যিয়েনি দেগিবে বেক্কানি ইস্রায়েলীয়গুনোরে কবে।”

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

যোনা 1:3

মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

গণাণা 20:24

“হারোণত্তুন্‌ তার্‌ পুরোণি মানুচ্চুনোর ইদু যাহ্ পুরিবো। যে দেজ্‌চান্‌ মুই ইস্রায়েলীয়গুনোরে দিম্‌ তার্‌ সিদু যানা ন-অবঅ, কিত্যে মরীবাদত্‌ সেই পানিগানর্‌ পৌইদ্যেনে তুমি মর্ উগুমোর্‌ বিরুদ্ধে কাম্‌ গোজ্য।

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।

ফগদাং পেইয়্যে 10:9

সেক্কে মুই সেই স্বর্গদূত্‌তো ইধু যেইনে সেই বোইবো মরে দিবাত্যে কলুং। তে মরে কলঅ, “ইবে লোইনে হেই ফেলা। তঅ পেট্‌তোরে ইবে তিদে বানেব, মাত্তর্ মুয়োত্ মধু ধোক্ক্যেন মিধে লাগিবো।”