যিহিষ্কেল 2:7 - Chakma Bible

⁷ তারা উল্লোমী বিলিনে মঅ কধা নয়ো শুনি পারন্, মাত্তর্ তারা শুনোদোক্ বা ন-শুনোদোক্ তুই তারা ইধু মঅ কধানি কবে।

যিহিষ্কেল 2:7 ပူးပေါင်းရင်းမြစ်များ

যিরমিয় 1:17

“তুই কমরত্ বানিনে থিয়্যে আর মুই তরে যিয়েনি কবাত্তে উগুম গুরিম্ সিয়েনি তুই তারারে কঅ। তারারে দেগিনে তুই ভাঙি ন-পড়িচ্, যুনি পড়চ্ সালে মুই এমন্ গুরিম যেনে তারা মুজুঙোত্ তুই এক্কুবারে ভাঙি পড়চ্।

যিরমিয় 1:7

মাত্তর্ লগেপ্রভু মরে কলদে, “তুই চিগোন গুরো ধোক্ক্যেন এ কধাগান ন-কোচ্। মুই যিগুনো ইধু তরে পাদেম্ তারার পত্তি জন ইধু তুই যেবে আর মুই যিয়েন কবাত্তে উগুম্ গুরিম সিয়েনই কবে।

যিরমিয় 17:20

তে মরে এ কধাগান কবাত্তে কলঅ, “ও যিহূদার রাজাগুন আর বেক্ মানুচ্চুন আর যিরূশালেমত্ বজত্তি গুরিয়্যে বেক্কুনে, তুমি যিগুনে এ গেট্‌তুনোদি ভিদিরে এযানা-যানা গুরি থাগঅ, তুমি লগেপ্রভুর কধানি শুনো।‍‌‍‍‍‍

যিরমিয় 23:28

যে ভাববাদীবো স্ববন দেখ্যে তে তার স্ববনর্ কধা স্ববন ইজেবে কোক্, মাত্তর্ যে মঅ কধানি পেইয়্যে তে সিয়েন বিশ্বেজর্ লগে কোক্; কিত্তে শোজ্য ইধু খেড়র কনঅ দাম নেই।

যিরমিয় 26:2

“মুই লগেপ্রভু কঙর্, তুই মর্ ঘর উদোনত্ যেইনে থিয়্যে আর যিহূদার শঅরানিত্তুন যিদুক্কুন মানুচ্ উবোসনাত্তে মঅ ঘরত্ এজন্ তারারে বেক্কুনোরে মুই তরে যেদক্কানি কধা কবাত্তে উগুম দুয়োং সিয়েনি বেক কধানি কঅ, এক্কান কধায়ো বাদ ন-দিচ্।

যিরমিয় 34:6

সেক্কে ভাববাদী যিরমিয় যিরূশালেমত্ যিহূদার রাজা সিদিকিয়রে সে বেক্ কধানি কলঅ।

যিরমিয় 36:14

সেক্কে রাজার চাগরুনে বেক্কুনে নথনিয়র পুয়ো যিহূদীরে দিইনে বারূকরে কোই পাধেলাক্, “তুই যে বোইবোত্তুন্ মানুচ্চুনোরে পড়ে শুনেয়োচ্ সিবে আন।” নথনিয় এলদে শেলিমিয়র পুয়ো, শেলিমিয় এলদে কূশির পুয়ো। সেক্কে নেরিয়র পুয়ো বারূকে সে বোইবো আঢত্ গুরিনে তারা ইধু এলঅ।

যিরমিয় 42:21

মুই এইচ্চ্যে সিয়েনি তমারে কলুং মাত্তর্ যেদক্কানি পৌইদ্যেনে কবাত্তে তমা গোজেন লগেপ্রভু মরে তমা ইধু পাদেয়্যে সিয়েনি তুমি এজঅ ন-পালঅ।

যিরমিয় 44:20

যে মরদ আর মিলেগুনে যিরমিয়র কধাগানির জোব্‌পান দুয়োন তারা বেক্কুনো ইধু যিরমিয় কলঅ,

যিরমিয় 6:28

তারা বেক্কুনে অমকদ উল্লোমী; তারা ইংসে গুরি বেড়ান। তারা ব্রোঞ্জ আর লুয়ো ধোক্ক্যেন; তারা বেক্কুনে ভান্ন্যেই ওই যেইয়োন।

যিরমিয় 7:27

“তুই যেক্কে এ কধানি তারারে কবে তারা তঅ কধানি ন-শুনিবাক্; তুই যেক্কে তারারে ডাগিবে তারা জোব্ ন-দিবাক্;

যিহিষ্কেল 11:25

লগেপ্রভু মরে যিয়েনি যিয়েনি দেগেয়্যে সিয়েনি বেক্কানি মুই বন্দীগুনো ইধু কলুং।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

যিহিষ্কেল 2:5

তারা সে কধানি নয়ো শুনি পারন্, কিত্যে তারা উল্লোমী জাদ; তো তারা হবর্ পেবাক্ যে, এক্কো ভাববাদী তারা ভিদিরে আঘে।

যিহিষ্কেল 20:27

“সেনত্তে ও মান্‌‌জ্যর পুয়োবো, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ‘তমা পুরোণি মানুচ্চুনে অবিশ্বেজর্ কাম গুরিনে মরে অগমান গোজ্যন্।

যিহিষ্কেল 3:10

তে মরে আরঅ কলঅ, “ও মান্‌জ্যর্ পুয়োবো, মুই তরে যেদক্কানি কধা কোম্ সিয়েনি তুই মন দিইনে শুন্ আর মনত্ থুবেই রাগা।‌‌‌‌

যিহিষ্কেল 3:17

ও মান্‌‌‌‌‌‌‌জ্য পুয়োবো, ইস্রায়েলীয়গুনোত্তে মুই তরে চুগিদার্ বানেয়োং; সেনত্তে মুই যিয়েন কং সিয়েন তুই শুন্ আর মর্ ওইনে তারারে উজিয়ার গর্।

যিহিষ্কেল 3:4

তে সে পরেদি মরে কলঅ, “ও মান্‌‌‌‌জ্যর্ পুয়োবো, তুই ইক্কিনি ইস্রায়েলীয়গুনো ইধু যেইনে মঅ কধানি কঅ।

যিহিষ্কেল 33:7

ও মান্‌‌‌‌‌‌‌‌‌‌জ্যর পুয়োবো, ইস্রায়েল জাদত্তে মুই তরে চুগিদার নেযেয়োং; সেনত্তে মুই যিয়েনি কঙর্ সিয়েনি শুন্ আর মর্ ওইনে তারারে উজিয়ার গর্।

যিহিষ্কেল 40:4

মানুচ্চো মরে কলঅ, “ও মান্‌‌জ্যর পুয়োবো, তুই চোগেদি চাহ্ আর কানেদি শুন আহ্ মুই তরে যিয়েনি দেগেম সিয়েনি বেক্কানিদি মনযোগ্ দে, কিত্যে সেনত্তে তরে ইধু আনা ওইয়্যে। তুই যিয়েনি দেগিবে বেক্কানি ইস্রায়েলীয়গুনোরে কবে।”

আমোষ 3:13

বেগত্তুন্ খেমতাবলা গোজেন প্রভু লগেপ্রভু কত্তে, “তুমি শুনো আর যাকোব বংশবোরে উজিয়ার্ গরঅ।

যোনা 3:2

তে কলঅ, “তুই ইক্কিনে সেই দাঙর্ শঅর্ নীনবীত্ যাহ্ আর মুই যে হবরান তরে দিম্ সিয়েন সিদু ফগদাং গর্।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”