যিহিষ্কেল 2:4 - Chakma Bible

⁴ যে মানুচ্চুনো ইধু মুই তরে পাদাঙর্ তারা একবুস্যে আর জেদী। তুই তারা ইধু প্রভু লগেপ্রভুর কধা কবে।

যিহিষ্কেল 2:4 ပူးပေါင်းရင်းမြစ်များ

১ রাজাবলী 22:14

মাত্তর্‌ মীখায় কলঅ, “জেদা লগেপ্রভুর নাঙে কঙর্, লগেপ্রভু মরে যিয়েনি কবঅ মুই বানা সে কধানি কোম্‌।”

২ বংশধর 30:8

“তুমি তমা পূরোণি মানুচ্চুনো ধোক্ক্যেন গত্তনাগুন্‌ দর ন-গুরিবা বরং লগেপ্রভুর আঢত্ নিজোরে দি দুয়ো। যে সুদ্ধো-সাংগ ঘরানরে তে উমরত্তে নিজোর্‌ নাঙে যুদো গোজ্যে তুমি সে ঘরানত্‌ এজঅ আর তোমা গোজেন লগেপ্রভুরে সেবা গরগি যেনে তমা উগুরেত্তুন্‌ তার্‌ দর্‌গরেপারা রাগকান্‌ যাইয়োই।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

গীতসংহিতা 95:8

তে কোইয়্যেদে, তমা পুরোণি মানুচ্চুনো ধোক্ক্যেন্ তমা মনানি তুমি দর ন-গোজ্য; তারা ধূল্যেচর-চাগালাত্ মরীবায় আর মঃসায়ত মরে জগা চেইয়োন্। যুনিয়ো তমা পুরোণি মানুচ্চুনে মঅ কামানি দেখ্যন্, তো তারা সিদু মরে বিজিরে চেইয়োন্।

গম্ উপদেজ্ 21:29

পাজি মান্‌জ্যর মুয়োদি কনঅ লাজাইদে ধোক্ক্যেন ন-লাগে, মাত্তর্ গম্ মান্‌জ্যে তা জিংকানি-পধেদি চলানা পৌইদ্যেনে বিশ্বেজ্ থায়।

যিশাইয় 48:4

কিত্তে তুমি যে কিবাবোত্যে একবুচ্চ্যে সিয়েন মুই হবর্ পেদুং; তমা গত্তনা য়েরানি লুয়ো ধোক্ক্যেন আর কবালান্ পিদোল ধোক্ক্যেন।

যিরমিয় 1:7

মাত্তর্ লগেপ্রভু মরে কলদে, “তুই চিগোন গুরো ধোক্ক্যেন এ কধাগান ন-কোচ্। মুই যিগুনো ইধু তরে পাদেম্ তারার পত্তি জন ইধু তুই যেবে আর মুই যিয়েন কবাত্তে উগুম্ গুরিম সিয়েনই কবে।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 36:21

সেক্কে রাজা সে বোইবো আনিবাত্তে যিহূদীরে পাধেল। লিগিয়্যে ইলীশামার ঘুদিবোত্তুন্ যিহূদী বোইবো আনিনে রাজা আর তা কায়-কুরে থিয়্যেইয়্যে বেক্ রাজার চাগরুনো মুজুঙোত্ পোড়েই শুনেল।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিহিষ্কেল 3:11

তুই ইক্কিনে বন্দীদজাত্ থেইয়্যে তঅ দেজর্ মানুচ্চুনো ইধু যেইনে কধা কঅ। তারা শুনোদোক্ বা ন-শুনোদোক্, তুই তারা ইধু প্রভু লগেপ্রভুর কধা কবে।”

যিহিষ্কেল 3:27

মাত্তর্ মুই তঅ লগে কধা কবার সময় তঅ মুয়োন্ খুলি দিম্ আর তুই তারা ইধু প্রভু লগেপ্রভুর কধা কবে। তারা ভিদিরে যে শুনিবাত্তে চায় তে শুনোক্ আর যে শুনিবাত্তে ন-চায় তে ন-শুনোক্; তারা দঅ এক্কো উল্লোমী জাদ্।”

যিহিষ্কেল 3:4

তে সে পরেদি মরে কলঅ, “ও মান্‌‌‌‌জ্যর্ পুয়োবো, তুই ইক্কিনি ইস্রায়েলীয়গুনো ইধু যেইনে মঅ কধানি কঅ।

যিহিষ্কেল 3:7

মাত্তর্ ইস্রায়েলীয়গুনে তঅ কধানি শুনিবাত্তে ন-চেবাক্, কিত্যে তারা মঅ কধানি শুনিবাত্তে ন-চান; ইয়েনর কারনান্ অলঅ, গোদা ইস্রায়েল জাদ্‌‌‌‌তো আগাত্যা-মনর্ আর একবুচ্চ্যে।

আমোষ 7:15

মাত্তর্ লগেপ্রভু মরে ভেড়া পালর দেগাশুনোর্ কামত্তুন্ লোই আনিনে কলঅ, ‘তুই যেইনে মঅ মানুচ্ ইস্রায়েল ইধু ভাববাদী ইজেবে কধা কঅ।’

সখরিয় 7:12

তারা তারার্ মনানি পাত্তর ধোক্ক্যেন দরমর গোজ্যন্ আর রীদি-সুদোম ন-মানন্। মুই বেগত্তুন্ খেমতাবলা লগেপ্রভু মঅ আত্মাগান্দোই পুরোণি ভাববাদীগুনোর মাধ্যমে যে কধানি পাদেয়োং সিয়েনিয়ো তারা ন-শুনোন্। সেনত্তে মর্ অমকদ রাগ্‌‌কান জুলি উঠ্যে।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

দ্বি’লম্বর বিররণ 10:16

সেনত্যে তুমি তমার্‌ মনানরে তনা গরঅ; একগেঁয়েমি ওইনে আর ন-থেইয়ো।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।