যিহিষ্কেল 2:2 - Chakma Bible

² তে যেক্কে কধা কর্ সেক্কে গোজেনর আত্মাগান মঅ ভিদিরে এইনে মরে টেঙত্ ভর্ দিইনে থিয়্যেল আর মুই শুনিলুং তে মঅ লগে কধা কর্।

যিহিষ্কেল 2:2 ပူးပေါင်းရင်းမြစ်များ

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

যিহিষ্কেল 11:5

সে পরেদি লগেপ্রভুর আত্মাগান মঅ উগুরে এলঅ, আর তে মরে এ কধাগান কবাত্তে কলঅ, লগেপ্রভু কোইয়্যেদে, ও ইস্রায়েলীয়গুন, তুমি সে কধাগান কত্তে, মাত্তর্ তমা মনত্ কি আঘে সিয়েন মুই হবর্ পাঙ।

যিহিষ্কেল 24:3

এ উল্লোমী জাদ ইধু এ উপমাগান কধা কঅ। তারারে কঅ, প্রভু লগেপ্রভু কোইয়্যেদে, পিলেবো চোলুন চড়া, চোলুন চড়া আর সিবে ভিদিরে পানি দে।

যিহিষ্কেল 3:12

সে পরেদি গোজেনর আত্মাগানে মরে তুলি নিলো, আর মুই মঅ পিজেদি জোরে কোইয়্যে এ কধাগান শুনিলুং, “লগেপ্রভুর থেবার্ জাগানত্ তার্ মহিমার বাঈনী ওক্।”

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যিহিষ্কেল 3:24

সেক্কে গোজেনর আত্মাগান মঅ ভিদিরে এইনে মরে তুলিনে টেঙ উগুরে থিয়্যেই দিলো। তে মরে কলঅ, “তুই তঅ ঘরত্ যেইনে দোরান্ বানিনে ভিদিরে থাগ্।

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

দানিয়েল 8:18

তে যেক্কেনে মঅ লগে কধা কর্ সেক্কে মুই মাঢা নিগিজ্যে অবস্থায় অজ্ঞান ওই পড়ি গেলুং। তে মরে ধুরিনে টেঙোই ভর্ দিইনে থিয়্যেবাত্তে দিলো।

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।

বিচের গুরিয়্যেগুন 13:25

শিম্‌শোনে যেক্কে সরা আর ইষ্টায়োলর সংমোধ্যে মহনে-দান বিলিনে এক্কান জাগাত্‌ এলঅ সেক্কেত্তুন্‌ ধুরি লগেপ্রভুর আত্মাগানে তারে চেদন্‌ দিয়া ধুরিলো।

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।