যিহিষ্কেল 2:1 - Chakma Bible

¹ তে মরে কলঅ, “ও মান্‌‌‌‌জ্য পুয়োবো, তুই টেঙোই ভর্ দিইনে থিয়্যে; মুই তঅ লগে কধা কোম্।”

যিহিষ্কেল 2:1 ပူးပေါင်းရင်းမြစ်များ

গীতসংহিতা 8:4

সেক্কে মনে গরং, মানুচ্ এমন্ কি যে, তুই সে পৌইদ্যেনে মাধা গামাচ্? মানজ্যর্ পুয়োগুনেয়ো বা কি, তুই তারান্দি মনযোগ্ দুয়োচ্?

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

যিহিষ্কেল 12:3

“সেনত্তে ও মান্‌‌‌জ্যর পুয়োবো, তুই যেন দূরোত্ বন্দী ওই যর্ সেবাবোত্যেগুরি তর্ পযাপিরানি বানি নেযা আর তারা চোগো মুজুঙোত্ দিনোত্ আদা মার্; তুই যিয়েনত্ আগচ্ সিয়েনত্তুন্ অন্য জাগাত্ যাহ্। তারা যে উল্লোমী জাদ্ অয়ত তারা সিয়েন বুঝি পারিবাক্।

যিহিষ্কেল 13:2

ও মান্‌জ্যর্ পুয়োবো, ইস্রায়েলর যে ভাববাদীগুনে ইক্কিনে কধা কধন্ তুই তারার্ বিরুদ্ধে ভাববাদী ইজেবে কধা কঅ। যিগুনে নিজোর মনগড়া কধা কদন্ তুই তারারে কঅ, তারা যেন লগেপ্রভুর কধা শুনোন্।

যিহিষ্কেল 14:13

ও মান্‌‌জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

যিহিষ্কেল 15:2

ও মান্‌জ্যর্ পুয়োবো, আংগুর গাজর্ ডেলাগুন্ কি ঝারর্ অন্য যে কনঅ গাজ ডেলাত্তুন্ গম্?

যিহিষ্কেল 16:2

ও মান্‌জ্যর্ পুয়োবো, তুই যিরূশালেমর জঘন্য কামানি পৌইদ্যেনে তারে জানা।

যিহিষ্কেল 17:2

ও মান্‌জ্যর পুয়োবো, উদাহরনর্ মাধ্যমে ইস্রায়েলীয়গুনোরে জানেই দুয়ো,

যিহিষ্কেল 2:3

তে কলঅ, “ও মান্‌‌‌জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্।

যিহিষ্কেল 2:6

মাত্তর্ ও মান্‌‌‌জ্য পুয়োবো, তুই তারার আর তারা কধানিলোই ন-দোরেচ্। যুনিয়ো তারা হের্ আর কাদাগাজ ধোক্ক্যেন তঅ চেরোকিত্তে থেবাক্ আর বিছেগুনো ভিদিরে তুই বজত্তি গুরিবে তো ন-দোরেচ্। তারারে দেগিনে বা তারা কধানি শুনিনে তুই ন-দোরেচ্; তারা দঅ উল্লোমী জাদ্।

যিহিষ্কেল 2:8

ও মান্‌‌‌জ্যর পুয়োবো, মুই তরে যিয়েনি কং সিয়েনি শুন্। সে উল্লোমী জাদ্‌‌‌তো ধোক্ক্যেন্ তুই উল্লোমী ন-ওচ্। তুই আঃ গর্, মুই তরে যিয়েনি দুয়োঙর্ সিয়েনি হা।”

যিহিষ্কেল 20:3

ও মান্‌জ্যর পুয়োবো, তুই ইস্রায়েলর বুড়ো নেতাগুনোরে কঅ, প্রভু লগেপ্রভু কোইয়্যেদে, তুমি কি মঅ আওজ্‌‌‌‌চান জানিবাত্তে এচ্চো? মঅ জিংকানির নাঙে কঙর্, মুই তমারে মঅ আওজ্‌‌‌‌চান জানিবাত্তে ন-দিম।

যিহিষ্কেল 3:1

তে মরে কলঅ, “ও মান্‌‌‌‌জ্যর পুয়োবো, তঅ মুজুঙোত্ যিয়েনি আঘে সিয়েনি তুই হাঃ; এই গুজেই রাগেয়্যে বোইবো হেই ফেলা, সে পরেদি ইস্রায়েলীয়গুনো ইধু যেইনে কধা কঅ।”

যিহিষ্কেল 3:10

তে মরে আরঅ কলঅ, “ও মান্‌জ্যর্ পুয়োবো, মুই তরে যেদক্কানি কধা কোম্ সিয়েনি তুই মন দিইনে শুন্ আর মনত্ থুবেই রাগা।‌‌‌‌

যিহিষ্কেল 3:17

ও মান্‌‌‌‌‌‌‌জ্য পুয়োবো, ইস্রায়েলীয়গুনোত্তে মুই তরে চুগিদার্ বানেয়োং; সেনত্তে মুই যিয়েন কং সিয়েন তুই শুন্ আর মর্ ওইনে তারারে উজিয়ার গর্।

যিহিষ্কেল 3:4

তে সে পরেদি মরে কলঅ, “ও মান্‌‌‌‌জ্যর্ পুয়োবো, তুই ইক্কিনি ইস্রায়েলীয়গুনো ইধু যেইনে মঅ কধানি কঅ।

যিহিষ্কেল 37:3

তে মরে পুযোর্ গুরিলো, “ও মান্‌জ্যর পুয়োগুন, এ আড়ুন্ কি জেদা ওই উদি পারন্?‌‌‌” মুই কলুং, “ও প্রভু লগেপ্রভু, তুয়ই বানা সিয়েন হবর্ পাজ্।”

যিহিষ্কেল 4:1

তে মরে আরঅ কলঅ, ও মান্‌‌জ্যর পুয়বো, তুই ইক্কিনে এক্কো মাদির্ আরুগ্ নিইনে তঅ মুজুঙোত্ রাগা আর সিবে উগুরে যিরূশালেম শঅরর্ ফোটুবো ছাবা।

যিহিষ্কেল 40:4

মানুচ্চো মরে কলঅ, “ও মান্‌‌জ্যর পুয়োবো, তুই চোগেদি চাহ্ আর কানেদি শুন আহ্ মুই তরে যিয়েনি দেগেম সিয়েনি বেক্কানিদি মনযোগ্ দে, কিত্যে সেনত্তে তরে ইধু আনা ওইয়্যে। তুই যিয়েনি দেগিবে বেক্কানি ইস্রায়েলীয়গুনোরে কবে।”

যিহিষ্কেল 43:18

সে পরেদি তে মরে কলঅ, ও মান্‌‌‌জ্যর পুয়োগুন, প্রভু লগেপ্রভু কোইয়্যেদে, ডালিপূজোবো বানা অলে পরেদি যেদিন্যে সিবে লগেপ্রভুর নাঙে উৎসর্ব গরা অবঅ যেনে সিবে উগুরে পুজ্যে-উৎসর্বর্ অনুষ্ঠান গরা আর লো ছিদে যায় সেদিন্যে এ সুদোমান পালা পুরিবো;

যিহিষ্কেল 5:1

ও মান্‌‌‌‌‌‌‌জ্যর পুয়োবো, ইক্কিনে তঅ মাঢাবোর চুলানি আর দাড়িগানি কাবিবাত্তে তুই এক্কান ধারেয়্যে ছুরিলোই সিয়েন নাপিদো ক্ষুর ধোক্ক্যেন্ বেবহার গুরিবে। সে পরেদি পাল্লালোই চুলানি তিন ভাগ গুরিবে।

যিহিষ্কেল 7:2

“ও মান্‌‌জ্যর্ পুয়োবো, ইস্রায়েল দেজ ইধু মুই প্রভু লগেপ্রভু এ কধাগান কঙর্, ‘চাহ্, শেজ্ সময়! দেজ চেরোকিত্তে শেজ্ সময়ান এচ্চ্যে!

দানিয়েল 10:11

তে কলদে, “ও গোজেনর কোচ্‌‌পেইয়্যে দানিয়েল, মুই তরে যে কধাগান কবাত্তে যাঙর্ সিয়েনত্ গমেডালে মনযোগ দে। তুই উদিনে থিয়্যে, কিত্যে মরে ইক্কিনে তইধু পাধা ওইয়্যে।” তে মরে এ কধাগান কনার্ পরেদি মুই গির্‌‌গিরেদে গির্‌‌গিরেদে উদিনে থিয়্যেলুং।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

মথি লেখ্যে গম্ হবর্ 17:7

সেক্কে যীশু এইনে তারারে ধুরিনে কলঅ, “উদো, ন-দোরেয়ো।”

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

প্রেরিত্‌ 26:16

প্রভু কলঅ, মুই যীশু, যিবে উগুরে তুই অত্যেচার্ গরর্। ইক্কিনে উঠ্, তঅ টেঙত্ ভর্ দিইনে থিয়্যে। সেবাগুরিয়্যে আর সাক্ষী ইজেবে তরে নেযেবাত্তে মুই তরে দেগা দিলুং। তুই মরে যেবাবোত্যে দেগিলে আর মুই তরে যিয়েন্ দেগেম্ সিয়েন তুই অন্যগুনো ইধু কবে।

প্রেরিত্‌ 9:6

তে কলঅ, “মুই যীশু, যিবে উগুরে তুই অত্যেচার্ গরর্। ইক্কিনে তুই উদিনে শঅরত্ যাহ্, কি গরা পুরিবো সিয়েন তরে কুয়ো অবঅ।”